Jemis 4:8 - Maləmce Məfele mala Ɓakuli: Kurcau Məbəshe

⁸ Wu sung aban Ɓakuli tu sǝ yì gbal ka nǝ̀ sung aban wun tu. Wu ɗeki pakki agir mǝɓane, wun amǝ'cauɓikea! Wu gilǝki ɗenyicau ma'wun ɓǝ̀ dum nǝ ɓoarnsari, wun aɓwana mǝnana ɓabum wun gaki ka!

Jemis 4:8 ပူးပေါင်းရင်းမြစ်များ

Matiu 12:33

Ɓǝ̀ nggun ɓoar ka ɓǝle gbal ka nǝ̀ ɓoaro, sǝ ɓǝ̀ nggun ngga mǝɓane na ka, ɓǝle gbal ka nǝ̀ duk mǝɓane; nggun ka à surǝ́ki arǝ ɓǝle.

Matiu 15:2

“Mana tsǝa sǝ alaggana mo kǝ yàl nzongcau mala aká sǝm? À kǝ̀ lak buia sǝ à nǝ̀ lili ɗang!”

Matiu 27:24

Lang Bilatus sǝni pà nǝ̀ gandǝ pak kǝgir raka, sǝ ɗǝm ngga aɓwana no à nǝ̀ loasǝ munǝo a kusǝ ce ka, twal mur laki abui a ɓamǝsǝ aɓwabunda. Na ama, “Buam pa ɓa nkila mala mǝnia yì ɓwa ka ɗang. Mana ka ma'wun na!”

Amǝ Mishan 15:9

Ɓakuli lǝmndǝa sǝm earmuru sǝ ɓinǝ mǝsǝia ɗang, twalia wia aban acauɓikea malea, lak ɓabumia, acemǝnana à paɓamuria abani ka.

2 Amǝ Korinti 7:1

Wun amǝ'eamrǝarǝu, acemǝnana sǝm ndanǝ amǝnia yì apacau ka, ɓǝ̀ sǝm lak ɓamur rǝ sǝm arǝ agir kat mǝnana à nǝ̀ ká nǝ nggurǝ sǝm ko bangŋo ma'sǝm aɓa pě mǝnana Ɓakuli ginǝce ka. Ɓǝ̀ sǝm nggǝ pa anggo ka, sǝm nǝ̀ kum lumsǝo nǝ domǝfele aɓa ɓanggi Ɓakuli.

1 Timoti 2:8

A koya ban peri ka, ǝn nggǝ earce aburana mǝnana à pana ɓamuria aban Ɓakuli ka, ɓǝa pak hiwi nǝ loasǝ abuia mǝfele a kuli nǝ ɓabum mǝɓoarnsari, bumlulla andǝ makgir pà kàm ɗang.

Amǝ Ibǝru 10:22

Ace mani ka, ɓǝ̀ sǝm sung tù aban Ɓakuli, nǝ guli kat a rǝì, nǝ ɓabum mwashat, sǝ nǝ aɗenyicau mǝnana à langŋǝnia aɓa múr-halǝkia mala cauɓikea ka. Ɓǝ̀ sǝm sung abani nǝ anggūrǝu mǝnana à langŋǝnia nǝ mur mǝɓoarnsari ka.

Amǝ Ibǝru 7:19

Nggurcau mǝnana Ɓakuli pa nǝ bu Musa ka, gandǝ tsǝk kǝgir ɓǝ̀ lumsǝo kǝla mǝnana Ɓakuli earkiyice ka ɗang. Sǝ adyan ngga, à yina nǝ́ bǝsa tsǝkɓalǝu mǝnana ɓoaribanì, nǝ̀ nun sǝm aban Ɓakuli tù ka.

Jemis 1:8

yì ka, ɓwa na, ɗenyicau male gakia, kǝ tamsǝ kusǝì amur kǝgir mwashat ɗang.

Jemis 3:17

Sǝ sǝlǝe mǝnana pur nǝ kuli ka mǝɓoarnsari na, sǝ ndanǝ earce dotarǝu, nda ɓukɓuk aɓa pa male, kǝ ɗenyi nǝ aɓwana, lumsǝ nǝ mǝsǝswatǝr andǝ aturo mǝɓoarne, kǝ lǝmndǝ tàrban ɗang sǝ kǝ pak gir aɓa mǝsǝcau.

1 Bitǝrus 1:22

Mǝno ado wu langŋǝna rǝ wun nǝ okiru ma'wun arǝ mǝsǝcau, sǝ wu ndanǝ earcearǝu arǝ amǝ'eamrǝarǝu nǝ ɓabum wun mwashat ka, wu lidǝmbǝa nǝ lǝmndǝ mǝno yì earcearǝu ka, nǝ ɓabum mǝɓoarnsari.

1 Bitǝrus 3:21

Sǝ mǝno yì mùrgula, mǝnana aɓwana tongno-nong-tārú api wi ka, nda kǝla batisǝma mǝnana kǝ amsǝ wun ado ka. Pà ace lak pǝndǝkea mala nggūrǝu wun ɗang, nda ace lǝmndǝ eare ma'wun aban Ɓakuli nǝ ɓabum mǝɓoarnsari. Kǝ amsǝ wun acemǝnana Yesu Kǝrǝsti lo a ɓembe nǝ yilǝmu ka.

1 Yohana 3:3

Sǝ ɓwa mǝnana kat ndanǝ mǝnia yì tsǝkɓalǝu ka, kǝ dukdo ɓoarnsari, kǝla mǝnana Yesu ka mǝɓoarnsari na ka.