Jemis 4:7 - Maləmce Məfele mala Ɓakuli: Kurcau Məbəshe

⁷ Ace mani ka wu nyesǝ mur wun aban Ɓakuli! Wu ɓinǝi Shetan, sǝ yì ka, nǝ̀ ɓanggi ban wun.

Jemis 4:7 ပူးပေါင်းရင်းမြစ်များ

Matiu 11:29

Wu pa ɓamur rǝ wun aɓata nzongcau mem, kǝla mana nda-rya kǝ pa ɓamuri aɓata nggun-rya ka. Acemǝnana mǝ nda ɓukɓuk, nǝ nwangsǝmuru a ɓabum ngga, wu kànì a rǝam, sǝ yilǝmi wun nǝ̀ kum usǝlǝo.

Amǝ Mishan 26:19

Anggo, We Murǝm Agǝripa, ǝn kpata mǝnia yì sǝne aɓa Bangŋo ǝn sǝni nǝ kuli ka.

Amǝ Mishan 9:6

Sǝ ado ka lo, kutio a nggeala, à nǝ̀ ngga banggo gir mǝnana a wu nǝ pak ka.”

Amǝ Roma 10:3

Acemǝnana yia ka à bwalta njargula mǝnana Ɓakuli akiyina aɓwana nǝi ɓǝa duk amǝ cauɓoarna abani ka ɗang, sǝ ɗǝm ngga à kutia kwakita malea yì njar mala kum akban aban Ɓakuli, nǝ ɓariki malea arǝ bwal Nggurcau. Ace mani ka, à pa ɓamuria arǝ njar mala Ɓakuli mǝnana kǝ pǝlǝna aɓwana nǝi ɓǝa duk amǝ'cauɓoarna ka ɗang.

Amǝ Roma 14:11

Malǝmce bangŋa ama, “ ‘Mǝtalabangŋo kǝ na ama, Kǝla mǝnana kàngkàng mǝ ndakam nǝ yilǝmu ka,’ ‘koya nkūnu ka, nǝ̀ ɓun a ɓadǝmbǝam, sǝ koya lasǝu ka nǝ̀ bangŋa ama Mǝ nda Ɓakuli.’ ”

Amǝ Afisu 4:27

Wu kǝa nyinggi Shetan njar ɗang.

Amǝ Afisu 5:21

Ɗǝm ngga, wu kǝ nongsǝ meal wun aɓata rǝ wun, ace kǝ gusǝlǝ Kǝrǝsti.

Amǝ Afisu 6:13

Ace mani ka, wu oasǝ koya girbura mǝnana Ɓakuli pa wun ngga, ace mǝnana ɓǝ̀ wu cambi ɓi'sǝm mǝbura kàngkàng a pwari mǝɓike mǝnana nǝ̀ yiu ka. Sǝ anzǝm munǝo ka, wu nǝ̀ lidǝmbǝa nǝ tamsǝ kusǝ wun aban came kàngkàng.

Amǝ Ibǝru 12:9

Ɓǝ̀ sǝm sǝni, atár sǝm mǝnana a nggūrǝu ka, à kǝ kwarkir sǝm, sǝ sǝm nggǝ pea wia gulo ace. Palang ado sǝ pa sǝm nǝ̀ ɓun aɓata Tar sǝm mǝnana pusǝ abangŋo ma'sǝm, ace mǝnana ɓǝ̀ sǝm dumnǝ yilǝmu ka ɗang?

1 Bitǝrus 2:13

Ace Mǝtalabangŋo ka, wu pà ɓamur rǝ wun aɓata aɓwana mǝnana à nda amur bunomurǝm aɓa mǝnia yì ɓanza ka. Wu pà ɓamur rǝ wun aban mǝtala-nzali kǝla ɓwa mǝnana nda mur aɓwana kat ka.

1 Bitǝrus 5:6

Ace mani ka, wu nyesǝ mur wun aɓata rǝcandǝa mǝgule mala Ɓakuli, sǝ ɓǝ̀ pwari male karǝ ka, nǝ̀ loasǝ wun a kuli.