Jemis 4:12 - Maləmce Məfele mala Ɓakuli: Kurcau Məbəshe

¹² Ɓakuli na nǝmurǝì pākiyi nggurcau ka, sǝ kǝ yì nda mǝɓashi, yì nda kǝ ɓwa mǝnana ndanǝ rǝcandǝa mala amsǝban ko kiɗikiban ngga. Sǝ we ka, a nda yana mǝnana a nǝ ɓashi ɓio ka?

Jemis 4:12 ပူးပေါင်းရင်းမြစ်များ

Matiu 10:28

Wu kǝa ɓanggi aɓwana mǝnana à kǝ wal nggūrǝu ka ɗang; à pà nǝ̀ gandǝ je yilǝmu ɗang. Ɓwa mǝnana wu nǝ̀ ɓanggi wi ka nda kǝ Ɓakuli mwashat, mǝnana nǝ̀ kiɗiki nggūrǝu andǝ yilǝmu a lu-bǝsa ka.

Luka 12:5

Mǝ nǝ lǝmndǝa wun rǝ ɓwa mǝnana wu nǝ̀ ɓanggi wi ka. Wu ɓanggi Ɓakuli, mǝnana ɓǝ̀ walna ɓwa ka, ndanǝ rǝcandǝa mǝnana nǝ̀ ramta ɓwa a lu-bǝsa ka. Ɓafo, ǝn nggǝ na wun, wu ɓanggi wi!

Amǝ Roma 14:13

Ace mani ka, ɓǝ̀ sǝm nying ɓashì rǝarǝ sǝm. Ɓoaro male ka, ɓǝ̀ sǝm twali a ɓabum sǝm ama pà sǝm nǝ̀ pak ɓe kǝgir mǝnana nǝ̀ tsǝki amǝ'eamrǝarǝu gir annda, ko nǝ̀ tamsǝia aɓa kwaɗi malea ka ɗang.

Amǝ Roma 14:4

Sǝ a nda yan, mǝnana a nǝ ɓashì mǝturo-ɓala mala ɓeɓwa ka? Mǝturo-ɓala ka mǝtala-ɓala male na nǝ̀ kasǝi ɓashi mǝnana nǝ̀ lǝmndǝ kpa ko came male ka. Sǝ yì ka, nǝ̀ kum kusǝu-came, acemǝnana Mǝtalabangŋo nǝ̀ gandǝ ci ɓǝ̀ came.

Amǝ Roma 2:1

We ka, a kǝ twali ama a nǝ́ pakki amǝno yì aɓwana ka ɓashi, sǝ a nda kǝla yia nǝ ɓealɓikea, a panǝ kun nacau ɗang! Ɓǝ̀ we ka a na ama yia ka amǝ'ɓealɓikea na ɓǝa pea wia tanni ka, a ndaban pakki ɓamuro ɓashi, acemǝnana we mana a kǝ ɓashi aɓea ɓwana ka, kǝ àkǝ̀ gir nì na gbal a pakkiyi ka.

Amǝ Roma 9:20

Sǝ a nda yana, we ɓwapǝndǝa, yì mǝnana a wu nǝ pǝlǝcau a kun Ɓakuli ka? “Gir mǝnana à pè nǝ́ pa ka, nǝ̀ gandǝ banggi ɓwa mǝnana pè ka ama, ‘Palang sǝ a pem ani’ le?”

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

Jemis 5:9

Wun amǝ'eamrǝarǝu, wu kǝa nggwani arǝarǝ wun ɗang, acemǝnana Ɓakuli ɓǝ̀ kǝa ɓasha wun ɗang. Wu sǝni! Mǝɓashi na aban came a kunkurǝm!