Jemis 3:4 - Maləmce Məfele mala Ɓakuli: Kurcau Məbəshe

⁴ Sǝni, kat andǝ gulo mala waru-bǝsa mǝnana nggea-gung mǝcande na kǝ ging nǝi ka, mǝgara samsǝa na à kǝ pūrǝí nǝi aban o aban mǝnana mǝtawaru earce nǝ̀ ká nǝi kam ngga.

Jemis 3:4 ပူးပေါင်းရင်းမြစ်များ

Matiu 11:27

Tárram Ɓakuli panam agir kat aɓa buam. Kǝ ɓwa surǝam yì Muni ɗang, she kǝ yì Ɓakuli Tárram; sǝ kǝɓwa surǝ Ɓakuli yì Tárram ɗang, she kǝ mim Muni andǝ aɓwana mana ǝn tarkia mǝ nǝ lǝmndǝ Ɓakuli Tárram abania ka.

Matiu 8:24

Puro malea aɓa nggeamur ka, kara nggea gung mǝcande loarǝia, mur kǝ ali aɓa waru. Sǝ Yesu ka nda a ntulo.

Amǝ Mishan 27:11

Sǝ ɓwamǝgule soje ka, kǝ cau mǝnana mǝtala waru andǝ mǝkwak waru na ka, kǝ nda kpate ka, ɓinǝ cau mala Bulǝs.

Jemis 3:3

Sǝm nggǝ oasǝi apǝr nggwiandan a kunia ace mǝnana ɓǝ̀ sǝm cia ɓǝa oka sǝm, sǝ sǝm nggǝ pǝlǝ muria aban mǝnana kat sǝm earce ɓǝa pǝlǝ kam ngga.

Jemis 3:5

Anggo gbal, lasǝu ka gir mǝkyauwe na aɓa nggūrǝu, sǝ kǝ gandǝ jali amur agir mǝgulke. Wu sǝni, mǝlasǝ bǝsa bǝti kǝ pisǝ nggea nda'nggun dalǝm.