Jemis 3:17 - Maləmce Məfele mala Ɓakuli: Kurcau Məbəshe

¹⁷ Sǝ sǝlǝe mǝnana pur nǝ kuli ka mǝɓoarnsari na, sǝ ndanǝ earce dotarǝu, nda ɓukɓuk aɓa pa male, kǝ ɗenyi nǝ aɓwana, lumsǝ nǝ mǝsǝswatǝr andǝ aturo mǝɓoarne, kǝ lǝmndǝ tàrban ɗang sǝ kǝ pak gir aɓa mǝsǝcau.

Jemis 3:17 ပူးပေါင်းရင်းမြစ်များ

Matiu 23:28

Ana gbal, a nza ka aɓwana kǝ sǝn wun kǝla wu ndaka amǝ'ɓealɓoarna, sǝ a ɓabum wun ngga wu lumsǝ nǝ swarkiban andǝ ɓealɓikea.

Matiu 5:8

Amǝ ɓabum mǝɓoarnsari ka à ndanǝ tsǝkbu mala Ɓakuli, acemǝnana à nǝ̀ sǝn Ɓakuli.

Matiu 5:9

Amǝ gilǝki dotarǝu ka à ndanǝ tsǝkbu mala Ɓakuli, acemǝnana à nǝ̀ duk amuna mala Ɓakuli.

Luka 21:15

Acemǝnana mǝ nǝ pa wun acau andǝ sǝlǝe mǝnana kǝɓwa pà kàm ata amǝɓinǝ múr wun mǝnana nǝ̀ gandǝ cam a kun wun, ko nǝ̀ makgir cau ma'wun ngga ɗang.

Luka 6:36

Wu duk amǝ sǝn mǝsǝswatǝr, kǝla mǝnana Tar wun ngga ndanǝ mǝsǝswatǝr ka.

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 1:47

Lang Yesu sǝn Nataniyel aban yiu ka, na cau amuri ama, “Mǝnia ka ɓwa Isǝrayila mǝɓafoe na, mǝnana pànǝ nyir a rǝì raka.”

Amǝ Mishan 11:24

Barnabas ka ɓwa mǝɓoarne na, lumsǝ nǝ Bangŋo Mǝfele andǝ paɓamuru. Aɓwana pas à ak Mǝtalabangŋo.

Amǝ Mishan 9:36

Aɓa nggeala Jopa ka, ɓe ɓwama nakam, mǝkwaɗi na, lullǝi ama Tabita. (Lullǝi nǝ kun Gǝrik ka nda Dokas, ɓālǝi nda: mbamba). Yì ka, aulǝ a pakkiyi aɓwana gir mǝɓoarne ɗang, kǝ bwali amǝtǝr kam.

Amǝ Roma 12:18

Ɓǝ̀ nǝ̀ gandǝ pa ka, wu dukdo aɓa dorǝpwala wunǝ aɓwana kat.

Amǝ Roma 12:9

Earcearǝu ka, ɓǝà pè nǝ mǝsǝcau. Wu ginǝki ɓealɓikea, sǝ wu bwal gir mǝnana mǝɓoarne na ka kàngkàng.

Amǝ Roma 15:14

Wun amǝ'eambǝam, mim nǝ ɓamuram ngga ǝn sǝlǝna nǝma wu lumsǝna nǝ pe mǝɓoarne, wu ndanǝ sǝlǝ kat, wu nǝ̀ gandǝ kania rǝwun.

1 Amǝ Korinti 12:8

Ɓe ɓwa ka, Bangŋo pe wi cau mǝnana lumsǝ nǝ sǝlǝe ka, sǝ ɓǝ̀ ɓwa ka, Bangŋo pe wi cau mǝnana lumsǝ nǝ surǝe ka.

2 Amǝ Korinti 10:1

Mim Bulǝs ǝn nggǝ zǝmbǝa wun ace nongsǝmuru andǝ ɓukɓuka mala Kǝrǝsti, ǝn sǝlǝna wu kǝ twali ama, ɓǝ̀ mǝ nda aban wun ngga, ǝn loasǝki kunam ɗang, sǝ ɓǝ̀ mǝ nda zak ka, ǝn nggǝ na wun cau nǝ rǝcandǝa aɓalǝ acautera.

2 Amǝ Korinti 6:6

Sǝm nggǝ lǝmndǝ ɓamur rǝ sǝm nǝ doɓoarnsari, andǝ sǝlǝe, andǝ munyi, andǝ pe mǝɓoarne, nǝ bu Bangŋo Mǝfele mǝnana aɓalǝ sǝm ngga, sǝ nǝ earcearǝu mǝɓafoe.

2 Amǝ Korinti 7:11

Wu sǝn gir mǝnana bumkiɗikea mala ɓanggi Ɓakuli pusǝ aɓalǝ wun ngga! Tsǝk wun arǝ kum ɓabumpina mala pě. Tsǝk wun a lǝmndǝ do kunpwasǝa ma'wun. Tsǝk wun a bumlulla arǝ pě mǝɓane. Tsǝk wun a ɓalǝkasǝkya. Tsǝk wun a rǝuɓǝla ace sǝn ɓamǝsǝam. Tsǝk wun a ɓabumpina arǝ pakki agir mala Ɓakuli, sǝ pà wun ɓabum mala nunkir amǝ'cauɓikea. Wu lǝmndǝna arǝ anjar kat ama wu pangŋǝna gir mǝnana kat ɓoaro ɓǝa pe ka.

2 Amǝ Korinti 9:10

Ɓakuli mǝnana pākíyì mǝ'rya mǝsǝɓeale andǝ girlina ka, nǝ̀ pà wun mǝsǝɓeale mǝnana wu earkiyi ce ka, sǝ nǝ̀ gusǝlǝ gir mǝnana wu nǝ̀ pwano aɓalǝ aturo mǝɓoarne ma'wun, mǝnana wu pà nǝ ɓabum wun mwashat ka.

Amǝ Afisu 5:9

Acemǝnana mǝnia yì tǎlaban aɓalǝ wun ngga, nda nǝ̀ pusǝ mǝɓoarne, andǝ mana pepe, andǝ mǝnana mǝsǝcau na ka.

Amǝ Filipi 1:11

Wu lumsǝ nǝ aɓealǝu mala docauɓoarna, mǝnana Yesu Kǝrǝsti pea aɓalǝ wun ngga. Mǝnia ka, nǝ̀ pè Ɓakuli gulo andǝ ɓwangsǝban.

Amǝ Filipi 4:8

A masǝlǝate ka, wun amǝ'eamrǝarǝu, ɓǝ̀ ɗenyicau ma'wun ɓǝ̀ do amur gir mǝnana kat mǝsǝcau na, nǝ̀ yinǝ gulo, à nǝ̀ pe aɓa kpate a njari, mǝɓoarnsari na, mǝɓoarne na, andǝ mǝnana à nǝ̀ earce ka. Gir mǝnana kat karban nǝ̀ ɓoaro, sǝ gir mǝnana kat nǝ̀ yinǝ ɓwangsǝban ngga, wu tsǝk ɗenyicau ma'wun amuria.

Amǝ Kolosi 1:10

Sǝm nggǝ pak hiwi mǝnia ka acemǝnana ɓǝ̀ do ma'wun, ɓǝ̀ gusǝlǝ Mǝtalabangŋo, ɓǝ̀ pwasǝ bumi a koya njar, nǝ pak koya turo mǝɓoarne. Anggo sǝ wu nǝ̀ nggǝ gulo aɓa surǝ Ɓakuli pepe.

1 Amǝ Tasalonika 2:7

Sǝm kǝla amǝturo mishan mala Kǝrǝsti ka, ɓǝ́ sǝm pangŋǝna turo nǝ rǝcandǝa mǝnana sǝm ndanǝi ka ace alta gir aban wun. Sǝa ma sǝm ngga, sǝm duk ɓukɓuk aɓalǝ wun, kǝla mǝnana nggea ka amuna kǝ pa ace ɗenyi nǝ amuna male ka.

1 Timoti 5:21

Ən nggǝ kwarkiro a ɓadǝm Ɓakuli andǝ Kǝrǝsti Yesu, andǝ amǝturonjar mǝnana à tària ka, kpata amǝnia yia anggurcau ka, kǝa na ama a wu nǝ lǝmndǝ tàrban, ko earmǝsu ɗang.

2 Timoti 2:24

Sǝ guro mala Ɓakuli ka, ɓoaro ɓǝ̀ kǝ loasǝban andǝ kǝɓwa ɗang. Ɓoaro ɓǝ̀ duk ɓukɓuk nǝ aɓwana kat. Ɓǝ̀ duk mǝsǝlǝ kanigir andǝ ɓwa nǝ munyi.

Titus 1:15

Aban aɓwana mǝnana bumia pwatpwat ka, ko man ngga mǝ pwatpwati na. Sǝ aban ɓwana mǝnana amǝ bumpǝndǝkia na sǝ amǝ ɓinǝ ak cau na ka, kǝgir pà kàm mǝɓoarne na ɗang. Yale ɗenyicau malea andǝ ɓabumia ka à pǝndǝkina.

Titus 3:2

Banggia wia, ɓǝa kǝa na kǝ cau mǝɓane amur kǝɓwa ɗang. Yia ka, ɓǝa dukdo ɓukɓuka, ɓǝa ɗeki munǝki amunǝo, ɓǝa kǝ ak aɓwana a rǝia, sǝ ɓǝa kǝ lǝmndǝ nongsǝmuru mǝɓafoe aban ko ya ɓwa.

Amǝ Ibǝru 12:11

Koya nunkiru ado ka pà pǝlpǝl ɗang, kǝ kwanrǝu. Sǝ nǝ nzǝmo ka, kǝ pusǝ ɓǝle mala dorǝpwala andǝ ɓealɓoarna aban aɓwana mǝnana à kum kanigir aɓa kwarkiruî ka.

Amǝ Ibǝru 12:14

Wu ɓariki wu dukdo rǝpwala wunǝ aɓwana andǝ do mǝfele; aɓwana mǝnana à kǝ dukdo mǝfele raka, à pà nǝ̀ sǝn Mǝtalabangŋo ɗang.

Jemis 1:17

Koya ɓoro mǝɓoarne, mǝɓafoe ka, sulǝ nǝ kuli, nǝban Ɓakuli Tarrû mǝnana pak atalaban ngga, mǝnana ɓǝ̀ pǝlǝa aya bui ka kǝ nggaɗi ɗang sǝ kǝ tur pǝndǝa raka.

Jemis 1:5

Ɓǝ̀ kǝɓwa aɓalǝ wun ɗwanyi sǝlǝe ace pak mǝɓoarne ka, ɓǝ̀ zǝmbǝa aban Ɓakuli mǝnana kǝ pa nǝ ɓabumi kat nggwani pà kàm raka. Sǝ à nǝ̀ pe wi.

Jemis 2:13

Ɓǝ̀ yiua pak ɓashi ka, à pà nǝ̀ sǝn mǝsǝswatǝr mala aɓwana mǝnana à kǝ lǝmndǝ mǝsǝswatǝr aban acilia aɓwana raka ɗang; sǝ ɓwa mǝnana kǝ lǝmndǝ mǝsǝswatǝr ka Ɓakuli nǝ̀ lǝmndǝì wi mǝsǝswatǝr a pwari ɓashi!

Jemis 2:4

Ɓǝ̀ wu pa anggo ka, wu lǝmndǝ ma tàrban aɓalǝ wun re? Sǝ ɗǝm ngga ɓǝ̀ wu pa anggo ka, wu pa aban lǝmndǝ ama wu nda ban ɓashi arǝ wun nǝ ɓabum mǝɓike re?

Jemis 3:15

Acemǝnana mɓali andǝ earce ɓamuru ka à pa aɓa sǝlǝe mǝnana mala Ɓakuli na ka ɗang. Amǝno yì agir ka à mala ɓanza na, mala Bangŋo mala Ɓakuli na ɗang; mala mgbǝrǝm na.

Jemis 4:8

Wu sung aban Ɓakuli tu sǝ yì gbal ka nǝ̀ sung aban wun tu. Wu ɗeki pakki agir mǝɓane, wun amǝ'cauɓikea! Wu gilǝki ɗenyicau ma'wun ɓǝ̀ dum nǝ ɓoarnsari, wun aɓwana mǝnana ɓabum wun gaki ka!

1 Bitǝrus 1:22

Mǝno ado wu langŋǝna rǝ wun nǝ okiru ma'wun arǝ mǝsǝcau, sǝ wu ndanǝ earcearǝu arǝ amǝ'eamrǝarǝu nǝ ɓabum wun mwashat ka, wu lidǝmbǝa nǝ lǝmndǝ mǝno yì earcearǝu ka, nǝ ɓabum mǝɓoarnsari.

1 Bitǝrus 2:1

Ace mani ka, wu swár koya ulang ɓealɓikea, andǝ koya ulang kutan mǝɓane, andǝ kúnɓárína, andǝ mwararǝu, andǝ koya ulang naki acau kiɗiki ɓwa.

1 Bitǝrus 2:18

Wun mǝnana wu nda ka amuna-ɓala ka, wu kǝ okia amǝtala-ɓala ma'wun nǝ pagulo. Ɓǝ̀ kǝa do ama, she ɓǝa nda ka aɓwana mǝnana à kǝ pakka wun mǝɓoarne sǝ à nda ɓukɓuk ka ɗang; nggearǝ amǝnana ɓealia ɓiki ka, wu kǝ okia wia.

1 Yohana 3:18

Wun amunem, earcearǝu ma'sǝm ngga, ɓǝ̀ kǝa ueo a mburkun ɗang, ɓǝ̀ duk mǝ'mǝsǝcau nì, mǝnana kǝ lǝmndǝ rǝì aɓa pě ka.

1 Yohana 3:3

Sǝ ɓwa mǝnana kat ndanǝ mǝnia yì tsǝkɓalǝu ka, kǝ dukdo ɓoarnsari, kǝla mǝnana Yesu ka mǝɓoarnsari na ka.