Jemis 3:13 - Maləmce Məfele mala Ɓakuli: Kurcau Məbəshe

¹³ Ɓǝ̀ wu ndanǝ sǝlǝe sǝ wu surǝna rǝ anjargula mala Ɓakuli ka, wu lǝmndǝi aɓa do mǝɓoarne, wu kǝ pak aturo mǝɓoarne nǝ nyesǝɓamuru mǝnana kǝ pur aɓa sǝlǝe ka.

Jemis 3:13 ပူးပေါင်းရင်းမြစ်များ

Matiu 11:29

Wu pa ɓamur rǝ wun aɓata nzongcau mem, kǝla mana nda-rya kǝ pa ɓamuri aɓata nggun-rya ka. Acemǝnana mǝ nda ɓukɓuk, nǝ nwangsǝmuru a ɓabum ngga, wu kànì a rǝam, sǝ yilǝmi wun nǝ̀ kum usǝlǝo.

Matiu 21:5

“Wu ne amǝ Urǝshalima ama, Wu sǝni, murǝm ma'wun nia kǝ yiu aban wun ngga! Yì ka, mǝ'nwangsǝ-muru na, kǝ yiu a nzǝm mǝndambǝritso. A nzǝm muna mǝndambǝritso sǝ kǝ gya.”

Matiu 5:5

Amǝ nongsǝmuru ka à ndanǝ tsǝkbu mala Ɓakuli, acemǝnana à nǝ̀ li ɓanza.

Matiu 7:24

Ace mani ka, ɓwa mana kat kǝ ok amǝnia yì acau mem sǝ kǝ kpatea kǝ pea ka, à nǝ̀ kànì arǝ ɓwa mǝsǝle mǝnana ɓak ɓala male amur tali ka.

1 Amǝ Korinti 6:5

Cau kǝsǝkya nǝ wun! Lang ado sǝ à nǝ̀ bangŋa ama kǝɓwa pà kàm aɓalǝ wun mwashat mǝnana ndanǝ sǝlǝe, nǝ̀ gandǝ gilǝki nre ka amǝ'eamrǝarǝu raka ɗang?

2 Amǝ Korinti 10:1

Mim Bulǝs ǝn nggǝ zǝmbǝa wun ace nongsǝmuru andǝ ɓukɓuka mala Kǝrǝsti, ǝn sǝlǝna wu kǝ twali ama, ɓǝ̀ mǝ nda aban wun ngga, ǝn loasǝki kunam ɗang, sǝ ɓǝ̀ mǝ nda zak ka, ǝn nggǝ na wun cau nǝ rǝcandǝa aɓalǝ acautera.

2 Amǝ Korinti 8:24

Ace mani ka, wu lǝmndǝì aɓwana man a banfana a ɓadǝmbǝa a'ikǝlisiya, earcearǝu ma'wun andǝ tǝ́r jali ma'sǝm nǝ wun.

Amǝ Galati 5:23

andǝ ɓukɓuka, sǝ bwalrǝu. Ɓe kǝ nggurcau pà kàm amur amǝnia yia agir ka ɗang.

Amǝ Galati 6:1

Wun amǝ'eamrǝarǝu, ɓǝ̀ mǝ'eamrǝarǝu na sǝ à kumi aɓa ɓe kǝgir mǝɓane ka, wun mǝnana wu came aɓa Bangŋo ka, wu nyesǝi amur njargula, nǝ ɓealǝu mǝɓukɓuki. Sǝ we ɓwa mǝnana a nǝ pak turo nyesǝban ngga, parkiro ace mǝnana wu kǝa kpa aɓa mǝno yì karǝkiban ɗang.

Amǝ Galati 6:4

Kárǝ́kí turo mo nǝ nggearǝo wu sǝni, anggo sǝ a nǝ sǝlǝa ko turo mǝɓoarne na a pak ka, sǝ anggo ka a pà nǝ kani rǝo arǝ kǝɓwa ɗang.

Amǝ Afisu 4:2

Ko aya pwari ka, wu nyesǝmur wun, wu duk ɓuɓɓuk nǝ pak munyi nǝ rǝarǝ wun. Wu lǝmndǝì arǝ wun earcearǝu andǝ do nǝ gandǝrǝu.

Amǝ Filipi 1:27

Ado ka, gir mǝnana ɓoaribanì ka, nda mǝnana ama wu do kǝla aɓwana mala Kǝrǝsti, nǝ bwal ɓamur rǝ wun aɓa njar mala Cau Amsǝban. Sǝ ko ɓǝ̀ ǝn yiu ɗǝm a sǝn wun, ko ǝn yiu raka, mǝ nǝ ok ce came ma'wun kàngkàng aɓa Bangŋo andǝ ɓabum mǝ'mwashati andǝ ɓariki a tarǝ wun ace paɓamuru ma'wun arǝ Cau Amsǝban.

Amǝ Kolosi 3:12

Sǝ acemǝnana Ɓakuli tarna wun ɓǝ̀ wu duk aɓwana male mǝnana kǝ earcea ka, wu twal ɓealǝu mala sǝn mǝsǝswatǝr, andǝ pemǝɓoarne, andǝ nyesǝɓamuru, andǝ doɓuɓɓuka, sǝ munyi.

1 Timoti 4:12

Kǝa eare ɓǝ̀ kǝ ɓwa nyesǝo ɓà, acemǝnana a nda lo-ɓwa ka ɗang. Duk girkani aban amǝkwaɗi aɓa nacau, andǝ domǝɓoarne, andǝ earcearǝu, andǝ paɓamuru, andǝ domǝɓoarnsari mo.

1 Timoti 6:11

Sǝ we Timoti ka, a nda ɓwa mala Ɓakuli. Ace mani ka, ɓanggi agir mǝɓike mǝnia kat ka, sǝ wu kpata pakgir a njari andǝ pe mǝɓoarne, andǝ docauɓoarna, andǝ do ɓwa mala Ɓakuli, andǝ paɓamuru, andǝ earcearǝu, andǝ bwalrǝu, andǝ do ɓukɓuka.

2 Timoti 2:25

Aɓa pê ɓukɓuk ka, kwarkir aɓwana mǝnana à kǝ ɓinǝ earnǝ mǝsǝcau ka. Yakǝla ka, Ɓakuli nǝ̀ nggaɗi ɓabumia, sǝ à nǝ̀ vwaki buia arǝ cauɓikea à nǝ̀ pwanzali, ɓǝ̀ kyan nǝia aɓa surǝ mǝsǝcau.

Titus 3:2

Banggia wia, ɓǝa kǝa na kǝ cau mǝɓane amur kǝɓwa ɗang. Yia ka, ɓǝa dukdo ɓukɓuka, ɓǝa ɗeki munǝki amunǝo, ɓǝa kǝ ak aɓwana a rǝia, sǝ ɓǝa kǝ lǝmndǝ nongsǝmuru mǝɓafoe aban ko ya ɓwa.

Amǝ Ibǝru 13:5

Wu kǝa dum nǝ ɓealǝu mala rufi ata boalo ɗang. Agir mǝnana wu ndanǝia ka, ɓǝa ɗǝmsǝ wun. Acemǝnana Ɓakuli bangŋǝna ama, “Pà mǝ nǝ ɗekio ɗang; pà mǝ nǝ nying buam a rǝo ɗang.”

Jemis 1:21

Ace mani ka wu bwaki bu wun arǝ anggaman aɓealɓikea kat sǝ wu ak cau mala Ɓakuli mǝnana à pandǝa a ɓabum wun, mǝnana nǝ̀ amsǝ wun ngga, nǝ nyesǝmuru.

Jemis 2:18

Sǝa ma ɓǝ̀ ɓwa nǝ̀ na ama, “A ndanǝ paɓamuru sǝ mǝ ndanǝ aturo.” Lǝmndǝam paɓamuru mo mǝnana pànǝ aturo ate raka, sǝ mǝ nǝ lǝmndǝo paɓamuru mem aban Ɓakuli nǝ aturo mǝɓoarne mem.

Jemis 3:1

Wun amǝ'eamrǝarǝu, bangula wun ɓǝa kǝa duk amǝkanigir aban kpapi mala amǝkwaɗi ɗang, kǝla mǝnana wu sǝlǝna ka, sǝm amǝkani cau mala Ɓakuli ka, ɓashi ma'sǝm aban Ɓakuli ka nǝ̀ cande nǝ̀ yalî mala acili aɓwana.

Jemis 3:17

Sǝ sǝlǝe mǝnana pur nǝ kuli ka mǝɓoarnsari na, sǝ ndanǝ earce dotarǝu, nda ɓukɓuk aɓa pa male, kǝ ɗenyi nǝ aɓwana, lumsǝ nǝ mǝsǝswatǝr andǝ aturo mǝɓoarne, kǝ lǝmndǝ tàrban ɗang sǝ kǝ pak gir aɓa mǝsǝcau.

1 Bitǝrus 1:15

Wu duk do mǝfele aɓa koya gir wu nǝ̀ pak ka, kǝla mǝnana Ɓakuli mana tarki wun ngga mǝfele na ka.

1 Bitǝrus 2:12

Do ma'wun aɓalǝ aɓwana mǝnana amǝkwaɗi na raka ɓǝ̀ dum nǝ ɓealɓoarna. Anggo ka ko ɓǝa tsǝka wun cau arǝ wun ama wu ndaka amǝ'ɓealɓikea ka, à nǝ̀ sǝn aturo mǝɓoarne mǝnana wu pakki ka, sǝ à nǝ̀ pè Ɓakuli gulo a pwari mǝnana nǝ̀ yiu a lǝmndǝ rǝì ka.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

1 Bitǝrus 3:4

Gilǝki rǝǔ ma'wun ngga, ɓǝ̀ duk mala ɓabum wun, yì ɓoarnsari mǝnana pà nǝ̀ mal raka, yì ɓoarnsari mala ɓealǝu ɓukɓuka, andǝ do bwalrǝu arǝ aloasǝkiaban. Ulang mǝnia yì ɓealǝu ka, nggea gir mǝgule na aban Ɓakuli.