Jemis 2:8 - Maləmce Məfele mala Ɓakuli: Kurcau Məbəshe

⁸ Ɓǝ̀ ɓafo na wu bwalǝna mǝnia yì nggurcau mala murǝm Ɓakuli, mǝnana à gilǝì aɓa Malǝmce ka, ama “Wu earce ɓio-mǝ'njarmurkala kǝla mǝnana a earce ɓamuro ka,” wu nǝ̀ nggǝ pak mǝɓoarne.

Jemis 2:8 ပူးပေါင်းရင်းမြစ်များ

Matiu 22:39

Mǝnana kpate ka nda kǝla yì, ama: “Earce ɓeomǝkunɓala kǝla mǝnana a earce ɓamuro ka.”

Matiu 25:21

Ɓwamǝgule male ne wi ama, “À pangŋǝna pepe, a nda mǝturo-ɓala mǝɓoarne andǝ mǝ'mǝsǝcau nì! A lǝmndǝ mǝsǝcau arǝ agir bǝti. Mǝ nǝ nyinggo agir pas a buo. Yiu li banɓoarnado mala mǝtala-ɓala mo!”

Matiu 25:23

Ɓwamǝgule male ne wi ama, “A pangŋǝna pepe, a nda mǝturo-ɓala mǝɓoarne andǝ mǝ'mǝsǝcau nì! A lǝmndǝ mǝsǝcau arǝ agir bǝti. Mǝ nǝ nyinggo agir pas a buo. Yiu li banɓoarnado mala mǝtala-ɓala mo!”

Matiu 7:12

Aɓa gir kat ka, pakki aɓwana agir mǝnana a earkiyice ama ɓǝa pakko ka. Mǝnia ka nda ɓa Nggurcau mala Musa andǝ kanigir mala amǝ'ɓangna mala Ɓakuli.

Amǝ Roma 13:10

Earcearǝu pa nǝ̀ pakki kǝɓwa mǝɓane ɗang. Ace mani ka, ɓwa mǝnana ndanǝ earcearǝu arǝ aɓwana ka, nda rǝ lumsǝ anzongcau kat mǝnana aɓa Nggurcau mala Ɓakuli ka.

Amǝ Galati 5:14

Nggearǝ anggurcau kat mǝnana Ɓakuli pâ ka, à ci kat aɓa mǝnia yì nzongcau mwashat mana ama: “Earce ɓeo mǝkunɓala kǝla mǝnana a earce ɓamuro ka.”

Amǝ Galati 6:2

Wu bwalia rǝ wun aɓa tanni; anggo ka, sǝ wu nǝ̀ lumsǝ nggurcau mala Kǝrǝsti.

Amǝ Filipi 4:14

Kat andǝ amǝno ka, gbasha mǝnana wu pakkam aɓalǝ atanni mem ngga, ndanǝ ɓoaro.

1 Amǝ Tasalonika 4:9

Amur cau mala lǝmndǝia rǝ wun earcearǝu ka panǝ ɓoaro mǝ gilǝa wun kǝgir ɗang. Acemǝnana wun nǝ ɓamur rǝ wun ngga, Ɓakuli kánìna wun ɓǝ̀ wu earcea rǝ wun.

Jemis 1:25

Sǝ ɓwa mǝnana kǝ tsǝkiri pepe arǝ bǝlki ɓalǝ anggurcau mǝɓafoe mala Ɓakuli mǝnana kǝ panzǝban ngga, sǝ ɓǝ̀ lidǝmbǝa, ɓālǝi lorǝ cau mǝnana ok raka, Ɓakuli nǝ̀ tsǝki wi bu aɓa gir mǝnana pakkiyi ka.

Jemis 2:12

Ace mani ka, ɓǝ̀ mana kat wu nǝ̀ na, ko wu nǝ̀ pak ka, wu ɗenyi ama à nǝ̀ pakka wun ɓashi nǝ nggurcau mǝnana kǝ panzǝ sǝm ngga.

Jemis 2:19

A ear ama Ɓakuli na mwashat; a pangŋa pepe. Sǝ ko nggearǝ akukwar gbal ka à earǝna nǝ mǝnia, sǝ rǝia kǝ ɓǝla ace ɓangciu.

Jemis 4:11

Wun amǝ'eambǝam, wu nying twal-lullǝarǝ wun. Ɓwa mǝnana kǝ na cau mǝɓane amur ɓi, ko kǝ kiɗiki ɓi ka, ndaban na mǝɓane amur, andǝ ɓashi nggurcau mala Ɓakuli. Sǝ ɓǝa kǝ ɓashi nggurcau ka a ndarǝ ɓinǝ kpata nzongcau mala earcearǝu. Anggo ka a ndarǝ na ama a ndanǝ rǝcandǝa mala ɓashi nggurcau mala Ɓakuli.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.