Jemis 2:14 - Maləmce Məfele mala Ɓakuli: Kurcau Məbəshe

¹⁴ Mana nda ɓoaro male, wun amǝ'eamrǝarǝu, mǝnana ɓǝ̀ ɓwa na ama pana ɓamuru aban Yesu, sǝ lǝmndǝi aɓa pakki aturo male raka? Mǝno yì paɓamuru ka nǝ̀ amsǝi le?

Jemis 2:14 ပူးပေါင်းရင်းမြစ်များ

Matiu 5:20

Ən nggǝ na wun ama ɓǝ̀ ɓealɓoarna ma'wun kuti mala amǝ Farisi andǝ amǝkani Nggurcau mala Musa raka, wu pa wu nǝ̀ kum kutio aɓa Domurǝm mala kuli ɗang ko bǝti.

Luka 3:11

Yohana earia wia ama, “Ɓwa mǝnana kat ndanǝ adaura ɓari ka, ɓǝ̀ nyesǝ ɓe ɓǝ̀ pè ɓwa mǝnana pa nǝi raka. Ɓwa mǝnana nǝ girlina ka, ɓǝ̀ pè aɓwana mǝnana à pa nǝi raka.”

Luka 6:49

Sǝ ɓwa mǝnana ok cau mem sǝ tsǝi aɓa turo raka, nda kǝla ɓwa mǝnana ɓak ɓala amur sala, ko tǝm kusǝì raka. Lang murɓangŋa yi wal mǝnia yì ɓala ka, kara ɓala kanggea kpa gbǝrǝrǝm.

Amǝ Mishan 15:9

Ɓakuli lǝmndǝa sǝm earmuru sǝ ɓinǝ mǝsǝia ɗang, twalia wia aban acauɓikea malea, lak ɓabumia, acemǝnana à paɓamuria abani ka.

Amǝ Mishan 8:13

Sǝ Shiman nǝ nggearǝì gbal ka, paɓamuri, pǝlǝa à pakki wi batisǝma. Pǝlǝa yì ka, akrǝi ata Filip, à kǝ gya andǝi a koya ban mǝnana wari kam ngga. Kǝ ndali kǝrkǝr lang sǝn agir-ndǝlǝki andǝ agir-gyambǝliban mǝgulke mǝnana Filip kǝ pea ka.

Amǝ Mishan 8:21

Kǝ gir oasǝo aɓa mǝnia yì turo ka ɗang, acemǝnana ɓabumo pa pepe a ɓadǝm Ɓakuli ɗang.

Amǝ Roma 2:25

Kasǝ-ɓatau ka ndanǝ gir mǝɓoarne ate ɓǝ̀ wu kǝ kpata Nggurcau mala Ɓakuli ka. Sǝ ɓǝ̀ wu kǝ pár Nggurcau mala Ɓakuli ka, wu dumǝna kǝla weama à kasǝa wun ɓatau ɗang.

1 Amǝ Korinti 15:2

Mǝnia yì Cau Yilǝmu ka nda mǝnana nǝ̀ amsǝ wun, ɓǝ̀ wu bwal kàngkàng arǝ cau mǝnana ǝn hamba wun ngga, she ko ɓǝa bangŋa ama paɓamuru ma'wun pa amur mǝsǝcau raka.

1 Amǝ Korinti 16:22

Ɓǝ̀ kǝɓwa kǝ earce Mǝtalabangŋo raka, ɓǝ̀ suban sulǝo amur ɓwe! Marana tha - Mǝtala sǝm, yiu!

Amǝ Galati 5:13

Wun amǝ'eambǝam, à tunǝ wun ace mǝnana ɓǝ̀ wu yi do aɓa panzǝban. Sǝa ma wu kǝa na ama wu nǝ̀ nyesǝ dopanzǝban mǝnana wu kumo à panzǝ wun arǝ Nggurcau ka, ɓǝ̀ dupa wun njargula kpata anpel mala nggūrǝu aban pakki acauɓikea ɗang. Akuni ka, wu kǝ pakkia rǝ wun turo aɓa earcearǝu.

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

1 Amǝ Tasalonika 1:3

Aɓa hiwi ma'sǝm amur wun aban Ɓakuli ma'sǝm yì Tarrú ka, sǝm nggǝ ɗenyi nǝ pé ma'wun aɓa paɓamuru, andǝ earcearǝu ma'wun mǝnana tsǝa wu pakturo kǝrkǝr, andǝ came mala tsǝkɓalǝu ma'wun arǝ Mǝtala sǝm Yesu Kǝrǝsti.

1 Timoti 1:5

Tǝr mǝnia yì nzongcau ka nda mǝnana ama, amǝ kpata Ɓakuli kat ka, à nǝ̀ lumsǝ nǝ earcearǝu mǝnana purkiyi a ɓabum mǝɓoarnsari, andǝ ɗenyicau mǝɓoarne, andǝ paɓamuru mǝ'mǝsǝcau nì ka.

1 Timoti 4:8

Songnǝ nggūrǝu ka ndanǝ ɓoaro, sǝa ma ɓak ɓamuru aɓa do kpata Ɓakuli ka ndanǝ gir mǝɓoarne ate a koya njari ka, acemǝnana nda bwal kum do yilǝmu mǝɓoarne mana adyan andǝ mǝno kǝ yiu ka.

Titus 1:16

Amǝnia yia aɓwana ka, à kǝ bang nǝ mburkunia ama à surǝ Ɓakuli, sǝ pakkiagir malea ka lǝmndǝ ama à surǝ Ɓakuli ɗang. Aɓwana na à nǝ̀ ɓinǝia, amǝ ɗwanyi okiru na, à kārǝa à nǝ̀ pak kǝgir mǝɓoarne ɗang.

Titus 3:8

Mǝnia yì cau ka, cau na à nǝ̀ guli a rǝì. Ən nggǝ earce nǝma wu cam nǝ rǝcandǝa amur amǝnia yì akanigir ka, acemǝnana aɓwana mana à nyingŋǝna ɓabumia aban Ɓakuli kat ka, ɓǝa pà ɓamuria arǝ pakki agir mǝɓoarne. Amǝnia yì akanigir ka nggea mǝɓoarne na, sǝ à ndanǝ mbweban mala bwali ko yana ka kam.

Amǝ Ibǝru 11:17

Nǝ́ paɓamuru sǝ Ibǝrayim pà ɓoro nǝ muni Ishaku kǝla gir'nkila, a pwari mǝno Ɓakuli karǝki ka. Yì Ibǝrayim ngga Ɓakuli angŋa dǝmbǝa nani wi ama nǝ̀ pe wi muna, sǝ kat andǝ amani ka eare pà ɓoro nǝ kǝ muni mǝno mwashat ɓǝrɓǝr ka.

Amǝ Ibǝru 13:9

Ɓǝa kǝa ɓosǝki wun nǝ ambalang abǝri kanigir ɗang. Ndanǝ ɓoaro ɓǝ̀ rǝcandǝa mala ɓabum wun yiu nǝ ban ɓwamuru mala Ɓakuli, ɓǝ̀ kǝa yiu nǝ ban kpata anzongcau mala liki agirlina ɗang; aɓwana mǝnana à kǝ kpata amǝnia yì anzongcau ka, à kǝ kum kǝgir aɓalǝi ɗang.

Jemis 1:16

Wun amǝ'eamrǝarǝu mǝnana ǝn earkiyi acea raka, ɓǝ̀ ɓwa ɓǝ̀ kǝa swarki wun ɗang.

Jemis 2:16

Ɓǝ̀ ɓeɓwa ata wun ne wi ama, “Kyan jam, ɓǝ̀ Ɓakuli tsǝko bu, wu kum girkuroarǝu sǝ wu ɗǝmbǝo,” sǝ pe wi gir mǝnana ɓoaro ɓǝ̀ pangŋǝni ace nggūrǝi raka, mana nda ɓoaro male?

Jemis 2:18

Sǝa ma ɓǝ̀ ɓwa nǝ̀ na ama, “A ndanǝ paɓamuru sǝ mǝ ndanǝ aturo.” Lǝmndǝam paɓamuru mo mǝnana pànǝ aturo ate raka, sǝ mǝ nǝ lǝmndǝo paɓamuru mem aban Ɓakuli nǝ aturo mǝɓoarne mem.

Jemis 2:26

Kǝla mǝnana dǝɓang'rǝu mǝnana yilǝmu pa a ɓalǝi raka lú na ka, anggo gbal paɓamuru mǝnana kǝ lǝmndǝ rǝì aɓa turo raka lune na.

2 Bitǝrus 1:5

Ace mǝnia ka, wu ɓariki, wu lumsǝkun paɓamuru ma'wun nǝ cauɓoarna; sǝ cauɓoarna ka wu gbashite nǝ surǝgir;