Jemis 2:1 - Maləmce Məfele mala Ɓakuli: Kurcau Məbəshe

¹ Wun amǝ'eambǝam mǝnana wu pana ɓamur wun aban Mǝtalabangŋo Yesu Kǝrǝsti, mana lumsǝ nǝ tǎlaban ngga, wu nying lǝmndǝ tàrban.

Jemis 2:1 ပူးပေါင်းရင်းမြစ်များ

Matiu 22:16

Pǝlǝa à tur amuna-ɓala malea andǝ aɓea ɓwana mala Hirǝdus abani. À na ama, “Malǝm, sǝm sǝlǝna ama we ka a nda ɓwa mǝɓafoe, ɗǝm ngga a kǝ kani tanjar mala Ɓakuli nǝ mǝsǝcau. A kǝ tar ɓwa ɗang, acemǝnana aɓwana kat abano ka à nda mwashat.

Amǝ Mishan 10:34

Pǝlǝa Bitǝrus tita na cau ama: Ado ka ǝn sǝlǝna ama ɓafo na Ɓakuli ka earce kǝɓwa kuti ɓe ɗang.

Amǝ Mishan 20:21

Ən banggi amǝ Yahudi andǝ aɓwana mana amǝ Yahudi na raka, nǝ nunkiru nǝma, dumǝna púp ɓǝa nyare aban Ɓakuli. Ɓǝa pǝlǝ nzǝmia arǝ acauɓikea malea, ɓǝa pwanzali, sǝ ɓǝa paɓamuri aban Mǝtalabangŋo Yesu.

Amǝ Mishan 24:24

Anzǝm aɓea anonggeo ka Felis nyare yiu andǝ mami, Durǝsǝla mǝnana ɓwa Yahudi na ka. Pǝlǝa turban à tunǝ Bulǝs, yi kwaki kiri oe na cau amur paɓamuru aban Kǝrǝsti Yesu.

Amǝ Mishan 7:2

Itǝfanu eare ama: Wun amǝ'eambǝam andǝ atarram, wu kwaki kir wun a rǝam! Ɓakuli mǝɓoarɓwe pusǝrǝi aban ká sǝm Ibǝrayim a nzali Mesopotamiya peatu, kaniama ɓǝ̀ o a dola a Haran.

Amǝ Roma 1:11

Mim ngga ǝn earce kǝrkǝr a ɓabumam ɓǝ̀ ǝn kya sǝn wun, ɓǝ̀ ǝn pa wun aɓoro ɓa Bangŋo mǝnana nǝ̀ pa wun rǝcandǝa ka.

1 Amǝ Korinti 2:8

Kǝɓwa pà kàm aɓalǝ amurǝma mala nza man mǝnana surǝ mǝnia yì sǝlǝe ka ɗang. Ɓǝa pǝlǝa ama à surǝni ka, ɓǝ́ à gballì ma Mǝtalabangŋo mǝnana nǝ gulo kat ka ɗang.

Amǝ Kolosi 1:4

acemǝnana sǝm ongŋǝna ce paɓamuru ma'wun aɓa Kǝrǝsti Yesu andǝ earcearǝu ma'wun aban aɓwana mala Ɓakuli kat.

1 Timoti 1:19

Bwal kàngkàng arǝ paɓamuru mo aɓa Kǝrǝsti, nǝ ɗenyicau mǝɓoarne. Acemǝnana aɓea ɓwana ka, à ɓinǝi oki ɓabumia, gandǝa à kiɗikina paɓamuru malea.

1 Timoti 5:21

Ən nggǝ kwarkiro a ɓadǝm Ɓakuli andǝ Kǝrǝsti Yesu, andǝ amǝturonjar mǝnana à tària ka, kpata amǝnia yia anggurcau ka, kǝa na ama a wu nǝ lǝmndǝ tàrban, ko earmǝsu ɗang.

Titus 1:1

Cautera mǝnia ka pur nǝ banam Bulǝs, guro mala Ɓakuli andǝ mǝ'mishan mala Yesu Kǝrǝsti. À turam aban aɓwana mala Ɓakuli mana tària ka ace ɓak paɓamuru malea abani, sǝ mǝ kania wia ɓǝa surǝ mǝsǝcau mǝnana kǝ lǝmndǝì aɓwana njar mala dokpata Ɓakuli ka.

Titus 2:13

Ɓǝ̀ do ma'sǝm pǎ anggo a pa mǝnana sǝm nda rǝ kundǝ mǝno yì tsǝkɓalǝu mana nǝ̀ yia lumsǝ sǝm nǝ bumpwasǝa ka, yì tsǝkɓalǝu arǝ yiu mala Ɓakuli ma'sǝm mǝgule, Yesu Kǝrǝsti Mǝ'amsǝban, aɓa tǎ mala ɓoarɓwa male.

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Jemis 1:16

Wun amǝ'eamrǝarǝu mǝnana ǝn earkiyi acea raka, ɓǝ̀ ɓwa ɓǝ̀ kǝa swarki wun ɗang.

Jemis 1:19

Wun amǝ'eambǝam aɓa earcearǝu, wu parkir wun arǝ mǝnia ka: koyan ngga ɓǝ̀ kaurǝa ta okcau, ɓǝ̀ dǝndi arǝ nacau, sǝ ɓǝ̀ dǝndi arǝ pak bumlulla.

Jemis 2:3

Wu nǝ̀ tsǝkir ɓwa mǝnana oasǝ agir-nggurǝu mǝɓoarne ka, wu nǝ̀ pe wi ban-do mǝɓoarne, sǝ mala mǝtǝr ka wu ne wi ama, “Came akana” ko ana raka, “Duk kani a nzali” ka le?

Jemis 2:9

Sǝa ma ɓǝ̀ wu kǝ lǝmndǝ tàrban ngga, wu nda re pak cauɓikea, sǝ wu yalni nggurcau mǝno.

Jemis 3:17

Sǝ sǝlǝe mǝnana pur nǝ kuli ka mǝɓoarnsari na, sǝ ndanǝ earce dotarǝu, nda ɓukɓuk aɓa pa male, kǝ ɗenyi nǝ aɓwana, lumsǝ nǝ mǝsǝswatǝr andǝ aturo mǝɓoarne, kǝ lǝmndǝ tàrban ɗang sǝ kǝ pak gir aɓa mǝsǝcau.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

Yahuda 1:16

Amǝnia yì aɓwana ka, amǝ sǝn ɓwarkio mala aɓwana na andǝ amǝ'nggwani, à kǝ pakki agir mǝɓike mǝnana kat à earkiyice ka. Yia ka, amǝ nggori na, andǝ amǝ'swarban nǝ kunɓoarna ace kum gir mǝnana à earkiyice ka, a bu aɓwana.

Sǝna 14:12

Mǝnia ka kwarkiru na ace aɓwana amǝ'mǝsǝcau nì mala Ɓakuli, yia mǝnana à kǝ kpata anzongcau mala Ɓakuli, sǝ à dum nǝ mǝsǝcau aban Yesu ka, ɓǝa cam kàngkàng nǝ gandǝrǝu.