Jemis 1:6 - Maləmce Məfele mala Ɓakuli: Kurcau Məbəshe

⁶ Ɓǝ̀ zǝmbǝi wi nǝ ɓabumi mwashat, ɓǝ̀ kǝa pak nǝ ɓukibum ɗang, acemǝnana ɓwa mana ɓabumi kǝ ɗǝnggǝli ka nda kǝla gung nggeamur mǝnana kǝ came aban mǝ'mwashati raka.

Jemis 1:6 ပူးပေါင်းရင်းမြစ်များ

Matiu 14:28

Pǝlǝa Bitǝrus ne wi ama, “Mǝtalabangŋo, ɓǝ̀ a nda ka, banggam ɓǝn gya amur mùr ɓǝn kyane abano.”

Amǝ Mishan 10:20

Lo, sulǝo, wu kyan wunǝia, ce a ɓukibumo ɗang, acemǝnana mǝ́ nǝ̀ tasǝia.”

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

1 Timoti 2:8

A koya ban peri ka, ǝn nggǝ earce aburana mǝnana à pana ɓamuria aban Ɓakuli ka, ɓǝa pak hiwi nǝ loasǝ abuia mǝfele a kuli nǝ ɓabum mǝɓoarnsari, bumlulla andǝ makgir pà kàm ɗang.

Amǝ Ibǝru 10:23

Ɓǝ̀ sǝm bwal kàngkàng arǝ tsǝkɓalǝu ma'sǝm mǝnana sǝm nggǝ bangce ka, acemǝnana Ɓakuli mǝnana pàcau aban sǝm ngga, à nǝ̀ gandǝ guli a rǝì ama kǝ nggaɗi kuni ɗang.

Amǝ Ibǝru 11:6

Ɓǝ̀ paɓamuru pà kàm raka, kǝɓwa pà nǝ̀ gandǝ pwasǝ bum Ɓakuli ɗang, acemǝnana ɓwa mana nǝ̀ yiu abani ka, she nǝ̀ ear ama yì ka, ndakam, sǝ nda mǝnana kǝ pa tangnakusǝ aɓwana mǝnana à kǝ alte ka.

Amǝ Ibǝru 13:9

Ɓǝa kǝa ɓosǝki wun nǝ ambalang abǝri kanigir ɗang. Ndanǝ ɓoaro ɓǝ̀ rǝcandǝa mala ɓabum wun yiu nǝ ban ɓwamuru mala Ɓakuli, ɓǝ̀ kǝa yiu nǝ ban kpata anzongcau mala liki agirlina ɗang; aɓwana mǝnana à kǝ kpata amǝnia yì anzongcau ka, à kǝ kum kǝgir aɓalǝi ɗang.

Jemis 1:7

Ulang mǝnia yì ɓwa ka ɓǝ̀ kǝa tsǝk ɓālǝi ama nǝ̀ ak kǝgir a bu Mǝtalabangŋo Ɓakuli ɗang;

Jemis 5:15

Sǝ hiwi mǝnana à pe nǝ ɓabum mwashat ka, nǝ̀ amsǝ mǝrǝkwana ɓǝ̀ nggūrǝi ɓǝ̀ pwalo. Mǝtalabangŋo ka nǝ̀ loasǝi aɓa rǝpina male, sǝ ɓǝ̀ pak cauɓikea ka à nǝ̀ twali wi banì.

2 Bitǝrus 2:17

Amǝnia yì aɓwana ka, à dumǝna agir mǝɓane kǝla amgbeaɗe mǝnana à imǝna ka, ko kǝla burambulo mǝnana gung loasǝi ka. Ɓakuli gilǝkina ban acea a nggea ɓa pǝndǝa mǝlime.