Jemis 1:22 - Maləmce Məfele mala Ɓakuli: Kurcau Məbəshe

²² Wu duk aɓwana mǝnana à kǝ ok cau sǝ à kǝ ci aɓa turo ka, wu kǝa duk amǝ oe nǝ kiru nǝmurǝì ɗang. Mǝno ka wu nda ban swarki ɓamur rǝ wun. Wu pak gir mǝnana ceì bang ngga.

Jemis 1:22 ပူးပေါင်းရင်းမြစ်များ

Matiu 12:50

Ɓwa mǝnana kat kǝ pak gir mǝnana Tárram mana a kuli ka earkiyice ka nda mǝ'eambǝam, andǝ mǝ'nggaulem, andǝ nggem.”

Matiu 28:20

Wu kania wia ɓǝa kpata agir mana kat ǝn bangga wun ngga. Mǝ nda ata wun kàngkàng a ko ya pwari ka, ba masǝlǝata ɓanza.”

Luka 11:28

Yesu pa eare ama, “E, ɓafo, sǝa ma, tsǝkbu pwala mala Ɓakuli ka nda amur aɓwana mǝnana à kǝ ok cau male, sǝ à kǝ kpate ka!”

Yohana 13:17

Mǝno ado wu surǝna rǝ mǝnia yì mǝsǝcau ka, ɓǝ̀ wu ci aɓa turo ka Ɓakuli nǝ̀ tsǝka wun bui!

Amǝ Roma 2:13

Sǝ pa ace ok Nggurcau nǝmurǝì sǝ ɓwa nǝ̀ duk mǝɓoarne aban Ɓakuli ɗang, nda a tarǝia andǝ pak agir mǝnana Nggurcau bang ngga.

1 Amǝ Korinti 15:33

Wu kǝa eare ɓǝà swarki wun ɗang: “Gya a tarǝu andǝ amǝ'ɓealɓikea ka, kǝ kiɗiki ɓealǝu mǝɓoarne.”

1 Amǝ Korinti 3:18

Ɓǝ̀ kǝɓwa ɓǝ̀ kǝa swarki ɓamuri ɗang. Sǝ ɓǝ̀ ɓe kǝɓwa aɓalǝ wun kǝ sǝni kǝla ndanǝ sǝlǝe mala ɓanza man ngga, yì ka, ɓǝ̀ kpata njar mǝnana amǝɓanza twali ɓanggea na ka, sǝ yì ka, nǝ̀ duk mǝsǝle aɓa mǝsǝcau.

1 Amǝ Korinti 6:9

Wu sǝlǝ mbak ama amǝ'ɓealɓikea pa nǝ̀ kutio a Domurǝm mala Ɓakuli ɗang? Wu kǝa swarki ɓamur rǝ wun ɗang! Aɓwana mǝnana à kǝ dukdo kiɗìkì mala nonggi nǝ rǝarǝu, ko à kǝ peri ata ankúl andǝ nongginǝ amālá aɓea andǝ abura aɓea ka, à pà nǝ̀ kuti a domurǝm mala Ɓakuli ɗang. Sǝ kǝɓwa pà kàm ata amǝ kìɗìkì mala nongginǝban, ko aburana a rǝarǝia, ko amamǝna gbal a rǝarǝia, mana à nǝ̀ kum kutio a domurǝm mala Ɓakuli ka ɗang.

Amǝ Galati 6:3

Ɓǝ̀ kǝ ɓwa twalî ɓamuri ama ndanǝ gulo, sǝ pà nǝ̀ nyesǝ ɓamuri nǝ̀ bwali kǝ ɓwa kàm raka, ɓwe kǝ swarki ɓamuri nǝ swarkio. Yì ka, pà a kun ɓe kǝgir ɗang.

Amǝ Galati 6:7

Ɓǝa kǝa ɓosǝki wun ɗang, kǝɓwa pà nǝ̀ ɓangginǝ Ɓakuli ɗang. Ko ɓǝ̀ mana sǝ ɓwa ɓeal ka, kǝ gir nî na nǝ̀ càn ngga.

Amǝ Filipi 4:8

A masǝlǝate ka, wun amǝ'eamrǝarǝu, ɓǝ̀ ɗenyicau ma'wun ɓǝ̀ do amur gir mǝnana kat mǝsǝcau na, nǝ̀ yinǝ gulo, à nǝ̀ pe aɓa kpate a njari, mǝɓoarnsari na, mǝɓoarne na, andǝ mǝnana à nǝ̀ earce ka. Gir mǝnana kat karban nǝ̀ ɓoaro, sǝ gir mǝnana kat nǝ̀ yinǝ ɓwangsǝban ngga, wu tsǝk ɗenyicau ma'wun amuria.

Amǝ Kolosi 3:17

Sǝ ɓǝ̀ mana kat wu nǝ̀ pa, ko wu nǝ̀ na ka, wu pe nǝ ɗenyicau ama wu nda ban pe kǝla amǝnakun Mǝtalabangŋo Yesu, wu kǝ pakki Tar sǝm Ɓakuli yàwá nǝ bani yì Kǝrǝsti.

2 Timoti 3:13

Sǝ amǝ'ɓealɓikea andǝ amǝ'swarkiban ngga, à nǝ̀ lidǝmbǝa nǝ ɓealɓikea aban ká kìɗìkì, à nǝ̀ nggǝ swarki aɓwana sǝ yia gbal ka à nǝ̀ nggǝ swarkia.

Titus 3:3

Sǝm ɗiɗyal gbal ka, sǝm ndaka aɓwana anggo sǝm kwar ɗang, amǝ'ɗwanyi okiru, à swarki sǝm, sǝm duk aguro mala gyata asuno andǝ anpel ɗàngɗáng mala nggūrǝu. Sǝm do aɓa bumkpǝmna andǝ mɓali. Aɓwana ɓinǝmǝsǝ sǝm, sǝ sǝm ɓinǝmǝsǝ arǝ sǝm.

Jemis 1:26

Ɓǝ̀ kǝɓwa kǝ ne ɓamuri ama yì ka, mǝkpata Ɓakuli na, sǝ bwal kuni raka, ɓwarkina aɓa ɗenyicau male. Kpata Ɓakuli male ka mǝɓane na.

Jemis 4:11

Wun amǝ'eambǝam, wu nying twal-lullǝarǝ wun. Ɓwa mǝnana kǝ na cau mǝɓane amur ɓi, ko kǝ kiɗiki ɓi ka, ndaban na mǝɓane amur, andǝ ɓashi nggurcau mala Ɓakuli. Sǝ ɓǝa kǝ ɓashi nggurcau ka a ndarǝ ɓinǝ kpata nzongcau mala earcearǝu. Anggo ka a ndarǝ na ama a ndanǝ rǝcandǝa mala ɓashi nggurcau mala Ɓakuli.

Jemis 4:17

Ace mani ka, ɓwa mǝnana surǝna rǝgir mǝɓoarne mǝnana ɓoaro ɓǝ̀ pa sǝ pe raka, pangŋǝna cauɓikea.

2 Bitǝrus 2:13

Kiɗikea malea ka, tangnakusǝia na ace ɓealɓikea mǝnana à lǝmndǝi ka. Do kìɗìkì mala likiali andǝ nukiagir nǝ nggea pwari a kuli ka, à nyesǝi banɓoarnado na abania. Aban likwar ata wun ngga à duk agir kǝsǝkya andǝ agir ɓǝsǝkiban aɓalǝ wun, à panzǝ rǝia arǝ pak banɓoarnado nǝ pakkiagir ɓosǝkiban malea.

1 Yohana 1:8

Ɓǝ̀ sǝm nggǝ ne ɓamur rǝ sǝm ama sǝm pànǝ cauɓikea raka, sǝm nda ban swarki ɓamur rǝ sǝm, sǝ mǝsǝcau pà aɓalǝ sǝm ɗang.

1 Yohana 2:3

Ani sǝ sǝm nǝ̀ sǝla ama sǝm surǝna rǝ Ɓakuli, ɓǝ̀ sǝm nggǝ kpata anzongcau male ka.

1 Yohana 3:7

Wun amunem, wu kǝa eare ɓǝ̀ kǝɓwa ɓǝ̀ ɓosǝki wun ɗang: Ɓwa mǝnana kat kǝ pak mǝɓoarne ka, mǝ'cauɓoarna na, kǝla mǝnana Kǝrǝsti ka mǝ'cauɓoarna na ka.

3 Yohana 1:11

Gyajam mem mǝnana ǝn earkiyi ace raka, ce a twal kusǝu mǝnana mǝɓike na ka ɗang, kpata gir mǝnana mǝɓoarne na ka. Ɗenyi ama ɓwa mǝnana kǝ pak mǝɓoarne ka, ɓwa mala Ɓakuli na. Sǝ ɓwa mǝnana kǝ pak mǝɓike ka, ɓwe malaká surǝ Ɓakuli ɗang.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 22:7

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”