Jemis 1:2 - Maləmce Məfele mala Ɓakuli: Kurcau Məbəshe

² Wun amǝ'eambǝam, ɓǝ̀ wu kutio aɓalǝ akárǝkiban ɗàngɗáng ngga, ɓǝ̀ ban ɓoara wun kǝrkǝr,

Jemis 1:2 ပူးပေါင်းရင်းမြစ်များ

Amǝ Mishan 5:41

Lang amǝ'mishan nying bania ka, à pak banɓoarnado, acemǝnana Ɓakuli sǝnǝnia ama à karǝna nutanni ace lullǝ Yesu.

Amǝ Roma 5:3

Ban kǝ ɓoara sǝm gbal, yi mǝnana ɓǝ̀ sǝm kuti aɓalǝ atanni ka. Acemǝnana sǝm sǝlǝna ama tanni ka, nǝ̀ yina sǝm nǝ do gandǝrǝu,

Amǝ Filipi 1:29

Acemǝnana dǝmbǝu mǝnana wu kumo arǝ pakki Kǝrǝsti turo ka, pa ace paɓamuru nǝmurǝì abani ɗang, nda gbal acemǝnana ama wu nǝ̀ nu tanni ace ka.

Amǝ Filipi 2:17

Paɓamuru andǝ aturo ma'wun aɓa kpata Mǝtalabangŋo ka, à ndà kǝla pa ɓoro abani. Sǝ ko ɓǝ̀ yi do ama à nda rǝ ɗarǝ yilǝmem kǝla gir-ɗarǝa amur mǝnia yì ɓoro mala paɓamuru ma'wun ngga, bumam nǝ̀ pwasǝo, sǝm nǝ̀ pak banɓoarnado a tarǝ sǝm kat.

Amǝ Filipi 2:18

Wun gbal ka, ban nǝ̀ ɓoara wun, wu nǝ̀ pakiɗire atam.

Amǝ Kolosi 1:24

Sǝ ado ka ban kǝ ɓoaram arǝ tanni mǝnana ǝn nggǝ nu ace wun ngga. Acemǝnana aɓa tanni mem a nggūrǝu ka, mǝ nda ban ɓariki mǝ lumsǝkun gir mǝnana ueo aɓa tanni mala Kǝrǝsti ace nggūrǝi, yì amǝkpate.

Amǝ Ibǝru 10:34

Aɓwana mǝnana à turia aɓa ndàkurban ngga, wu sǝn mǝsǝswatǝr malea. Ko nggearǝ akume ma'wun mǝnana à ea arǝ wun nǝ rǝcandǝa ka, wu pak bumpwasǝa nǝ mǝno, acemǝnana wu sǝlǝna ama wu ndanǝ kume mana kuti mǝno ka, sǝ ɗǝm ngga pà nǝ̀ mal raka.

Jemis 1:12

Ɓakuli nǝ̀ tsǝkbu amur aɓwana mǝnana à dum nǝ mǝsǝcau abani aɓa karǝkiban mana yiu amur paɓamuru malea ka. Acemǝnana ɓǝa camǝna kàngkàng ngga, a masǝlǝate ka à nǝ̀ kum tangnakusǝu mala yilǝmu mǝnana Ɓakuli pacau ama nǝ̀ pea aɓwana mǝnana à lǝmndǝi wi earcearǝu ka.

Jemis 1:16

Wun amǝ'eamrǝarǝu mǝnana ǝn earkiyi acea raka, ɓǝ̀ ɓwa ɓǝ̀ kǝa swarki wun ɗang.

Jemis 1:19

Wun amǝ'eambǝam aɓa earcearǝu, wu parkir wun arǝ mǝnia ka: koyan ngga ɓǝ̀ kaurǝa ta okcau, ɓǝ̀ dǝndi arǝ nacau, sǝ ɓǝ̀ dǝndi arǝ pak bumlulla.

Jemis 5:11

Kǝla mǝnana wu sǝlǝ ka, yia mǝnana à lidǝmbǝa nǝ came kàngkàng aɓa paɓamuru malea ka, sǝm twalia amǝ'kúm tsǝkbu mala Ɓakuli na. Wu ongŋǝna ce came mala Ayuba aɓa mǝkwane, sǝ wu sǝna gir mǝnana Mǝtalabangŋo Ɓakuli pakki wi a masǝlǝate ka. Mǝtalabangŋo ka lumsǝ nǝ mǝsǝswatǝr andǝ ɓwamuru.

2 Bitǝrus 2:9

Sǝ acemǝnana Ɓakuli pak mǝno ka, yì ka, surǝna njar mana nǝ̀ amsǝna amǝ'ɓealɓoarna nǝi aɓalǝ akárǝkiban malea, sǝ amǝ'ɓealɓikea ka, nǝ̀ cia aɓata tanni, ba pwari mala ɓashi.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.