Jemis 1:19 - Maləmce Məfele mala Ɓakuli: Kurcau Məbəshe

¹⁹ Wun amǝ'eambǝam aɓa earcearǝu, wu parkir wun arǝ mǝnia ka: koyan ngga ɓǝ̀ kaurǝa ta okcau, ɓǝ̀ dǝndi arǝ nacau, sǝ ɓǝ̀ dǝndi arǝ pak bumlulla.

Jemis 1:19 ပူးပေါင်းရင်းမြစ်များ

Matiu 5:22

Sǝ mim ngga ǝn nggǝ na wun ama ɓwa mǝnana bumi lullo arǝ ɓi ka à nǝ̀ pakki wi ɓashi. Sǝ ɗǝm ngga à bangŋa ama ɓwa mǝnana tunǝî ɓì ɓwaɓana ka à nǝ̀ ká nǝi aban amǝɓashi. Sǝ mim ngga ǝn nggǝ na wun ama ɓǝ̀ a ne ɓwa ama “We ɓwazalǝa” ka, a nda ɓa ká tanni mala ɓashi lu-bǝsa.

Markus 12:37

Yi mǝnana Dauda nǝ ɓamuri tunǝ Kǝrǝsti ama, ‘Mǝtalabangŋo’ ka, lang sǝ Kǝrǝsti nǝ̀ duk muni?” Ɓwabunda kwaki kiria a rǝì nǝ banɓoarnado.

Markus 2:2

Zuku ka ɓwabunda yiu yi lumsǝna ban kàngkàng, yi pur a kun ɓala, ko kǝ ban oasǝ kusǝu pa kàm ɗang. Lang Yesu na aban hambia wia nǝ cau mala Ɓakuli ka,

Luka 15:1

Aɓe fara ka amǝcemi andǝ amǝ'cauɓikea na aban rambǝa kat à nǝ̀ kwaki kiria arǝ Yesu.

Luka 19:48

Sǝ à kumbi ban ɗang, acemǝnana acau male pwan ɗenyicau mala ɓwapǝndǝa kat.

Amǝ Mishan 1:15

Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Mishan 10:33

Nda sǝ ǝn gbara ǝn turban a to ka, sǝ ndya gbal a pê pepè a yiu ka. Ado ka sǝm ndya kat sǝm nggǝ kundǝo a ɓadǝm Ɓakuli, sǝm nǝ̀ ak cau mana Mǝtalabangŋo no ama wu na sǝm ngga.

Amǝ Mishan 13:48

Lang aɓwana mana amǝ Yahudi na raka nǝ̀ o a na ka, kara banɓoaria wia, à kǝ ɓwangsǝki Mǝtalabangŋo ace cau male. Sǝ aɓwana mana kat Ɓakuli tàrria ace yilǝmu mana pà nǝ̀ mal raka, à paɓamuria, à duk amǝkwaɗi.

Amǝ Mishan 17:11

Amǝ Biriya ka ɓealǝia ɓoaro kuti mala amǝ Tasalonika, acemǝnana à akcau nǝ rǝɓǝla. À kǝ̀ bǝlki ɓa Malǝmce a koya pwari ka, ace mǝnana à nǝ̀ sǝni ko cau mana Bulǝs bang ngga, nda kǝ mǝsǝcau.

Amǝ Mishan 2:42

Pǝlǝa yia ka à paɓamuria aban ak kanigir aban amǝ'mishan, andǝ do a tarǝia, andǝ ligirlina a tarǝia, andǝ pakki ahiwi.

Amǝ Afisu 4:26

Ɓǝ̀ bumlulla ma'wun ɓǝ̀ kǝa kánǝ wun a cauɓikea ɗang. Wu kǝa eare ɓǝ̀ pwari lime wu ndanǝ bumlulla piu ɗang.

Amǝ Afisu 4:31

Ace mani ka, wu ɗeki bumkpǝmna, andǝ ukkio mala ɓabum andǝ bumlulla, andǝ kiɗikiɓwa andǝ loasǝkiaban, andǝ acili aɓealǝu mǝɓike ɗàngɗáng.

Amǝ Kolosi 3:15

Sǝ wu nying dorǝpwala mǝnana pur nǝban Kǝrǝsti ka, ɓǝ̀ ak ɓabum wun. Acemǝnana kǝla nggūrǝu mǝ'mwashati ka, à tunǝ wun ace dorǝpwala. Koya pwari ka wu kǝ pak yàwá.

Amǝ Kolosi 3:8

Sǝ adyan ngga dumǝna pup wu nǝ̀ bwaki bu wun arǝ agir kǝla amǝnia ka: bumlulla, sǝ bumkpǝmna, sǝ ɓwashiriɓe, sǝ nacau kiɗiki ɓwa, andǝ naki acauɓana.

1 Amǝ Tasalonika 2:13

Sǝ ɗǝm ngga sǝm nggǝ pakki Ɓakuli yàwá tutu. Acemǝnana, lang sǝm yinǝ́nà wun nǝ́ cau mala Ɓakuli ka, wu twali kǝla cau mala ɓwapǝndǝa na ɗang. Wu oe, sǝ wu é cau mala Ɓakuli na, mǝ'mǝsǝcau nì mǝnana ndaban pak turo a ɓabum wun, wun aɓwana mǝnana kat wu pa ɓamur wun abani ka.

Jemis 1:16

Wun amǝ'eamrǝarǝu mǝnana ǝn earkiyi acea raka, ɓǝ̀ ɓwa ɓǝ̀ kǝa swarki wun ɗang.

Jemis 1:2

Wun amǝ'eambǝam, ɓǝ̀ wu kutio aɓalǝ akárǝkiban ɗàngɗáng ngga, ɓǝ̀ ban ɓoara wun kǝrkǝr,

Jemis 1:26

Ɓǝ̀ kǝɓwa kǝ ne ɓamuri ama yì ka, mǝkpata Ɓakuli na, sǝ bwal kuni raka, ɓwarkina aɓa ɗenyicau male. Kpata Ɓakuli male ka mǝɓane na.

Jemis 2:1

Wun amǝ'eambǝam mǝnana wu pana ɓamur wun aban Mǝtalabangŋo Yesu Kǝrǝsti, mana lumsǝ nǝ tǎlaban ngga, wu nying lǝmndǝ tàrban.

Jemis 2:5

Wu kwaki kir wun, wun amǝ'eamrǝarǝu mǝnana ǝn earkiyi acea raka, Ɓakuli twal aɓwana mǝnana amǝɓanza nyesǝia amǝtǝr na ka, ɓǝa duk amǝkume aɓa paɓamuru abani. Sǝ ɗǝm ngga ɓǝa kum domurǝm mǝnana Ɓakuli pàcau ama nǝ̀ pe aɓwana mǝnana à kǝ earce ka.

Jemis 3:10

Nǝ́ kun sǝ sǝm nggǝ ɓwangsǝban, sǝ nǝ́ kun sǝ sǝm nggǝ suban. Wun amǝ'eambǝam, ɓoaro ɓǝ̀ pa anggo ɗang!

Jemis 4:11

Wun amǝ'eambǝam, wu nying twal-lullǝarǝ wun. Ɓwa mǝnana kǝ na cau mǝɓane amur ɓi, ko kǝ kiɗiki ɓi ka, ndaban na mǝɓane amur, andǝ ɓashi nggurcau mala Ɓakuli. Sǝ ɓǝa kǝ ɓashi nggurcau ka a ndarǝ ɓinǝ kpata nzongcau mala earcearǝu. Anggo ka a ndarǝ na ama a ndanǝ rǝcandǝa mala ɓashi nggurcau mala Ɓakuli.

Jemis 5:12

Wun amǝ'eambǝam, a dǝmbǝa nǝ ko yia gir ka, wu kǝa kángir ɗang, ko “nǝ kuli,” ko “nǝ nzali,” ko nǝ kǝgir ɗang. Cau ma'wun ngga ɓǝ̀ kǝa kuti “E” ko “Awo” ɗang. Ɓǝ̀ ana raka, ɓashi mala Ɓakuli nǝ̀ bwal wun.

Jemis 5:19

Wun amǝ'eambǝam, ɓǝ̀ kǝ ɓwa aɓalǝ wun ɓwarki tanjar mala Ɓakuli, wu nyesǝi a tanjar.

1 Yohana 2:21

Ən pa aban gilǝa wun acemǝnana wu surǝ mǝsǝcau raka ɗang, wu surǝna rǝì, sǝ wu sǝlǝna ama mǝsǝcau kǝ ɓǝl nyir ɗang.