Jemis 1:12 - Maləmce Məfele mala Ɓakuli: Kurcau Məbəshe

¹² Ɓakuli nǝ̀ tsǝkbu amur aɓwana mǝnana à dum nǝ mǝsǝcau abani aɓa karǝkiban mana yiu amur paɓamuru malea ka. Acemǝnana ɓǝa camǝna kàngkàng ngga, a masǝlǝate ka à nǝ̀ kum tangnakusǝu mala yilǝmu mǝnana Ɓakuli pacau ama nǝ̀ pea aɓwana mǝnana à lǝmndǝi wi earcearǝu ka.

Jemis 1:12 ပူးပေါင်းရင်းမြစ်များ

Matiu 10:22

Aɓwana kat à nǝ̀ ɓinǝmǝsǝ wun acem; sǝ ɓwa mǝnana cam kàngkàng aban ká masǝlǝate ka nǝ̀ auwa.

Matiu 25:34

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.

Luka 6:22

Wu ndanǝ tsǝkbu mala Ɓakuli, wun mana ɓwapǝndǝa kǝ ɓinǝ mǝsǝ wun, à kǝ tar wun kǝla amǝɓane, à kǝ sanggi wun, à kǝ tunǝa wun ɓealɓikea, ata cau mem ngga!

Amǝ Roma 5:4

sǝ do gandǝrǝu ka, kǝ yinǝ ɓealǝu mǝɓoarne, sǝ ɓealǝu mǝɓoarne kǝ tsǝa tsǝkɓalǝu ma'sǝm mala kum amsǝban kǝ dǝurǝ ɗang.

Amǝ Roma 8:28

Sǝ sǝm sǝlǝna ama Ɓakuli kǝ tsǝk agir kat ɓǝa pang nǝ ɓoaro, ace lidǝmbǝa mala aɓwana mǝnana à kǝ earce ka, aɓwana male mǝnana tunǝia ace kpata kane male ka.

1 Amǝ Korinti 2:9

Kǝla mǝnana Malǝmce bang ngga, “Kǝ mǝsǝu malaká sǝn ɗang, kiru malaká ok ɗang, yale malaká kutio aɓa ɗenyicau mala kǝɓwa ɗang, gir mǝnana Ɓakuli gilǝkini ace aɓwana mǝnana à kǝ earce ka.”

1 Amǝ Korinti 8:3

Sǝ ɓwa mǝnana earce Ɓakuli ka, Ɓakuli surǝna rǝì.

1 Amǝ Korinti 9:25

Aɓwana mǝnana kat à nǝ̀ kutio aɓa pakiɗire ɓanggi-amire ka, dumǝna ama à nǝ̀ pa rǝia ace kwar rǝǔ mala ɓangmire. Yia ka à kǝ pa anggo ace mǝnana à nǝ̀ kum tangnakusǝu mana nǝ̀ mal ka; sǝ ma'sǝm ngga, sǝm nggǝ pe ace tangnakusǝu mǝnana pà nǝ̀ mal raka.

2 Timoti 2:15

Ɓariki nǝ pa rǝcandǝa arǝ turo kàngkàng, ace mǝnana wu lǝmndǝ rǝo a ɓadǝm Ɓakuli ɓǝ̀ earnǝ we. Duk mǝturo mǝɓoarne, mǝnana kǝsǝkya pa nǝ̀ pakki wi arǝ ture raka, mǝturo mǝnana kǝ mǝnggi ɓa cau mǝ'mǝsǝcau nì pépè ka.

2 Timoti 4:8

Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

Amǝ Ibǝru 10:32

Wu ɗenyi nǝ anonggeo mǝnana a pwaryan wu tita kum tǎlaban a ɓabum wun ngga. Wu tanni kǝrkǝr, sǝ wu eare tanni mak wun ɗang.

Amǝ Ibǝru 11:17

Nǝ́ paɓamuru sǝ Ibǝrayim pà ɓoro nǝ muni Ishaku kǝla gir'nkila, a pwari mǝno Ɓakuli karǝki ka. Yì Ibǝrayim ngga Ɓakuli angŋa dǝmbǝa nani wi ama nǝ̀ pe wi muna, sǝ kat andǝ amani ka eare pà ɓoro nǝ kǝ muni mǝno mwashat ɓǝrɓǝr ka.

Amǝ Ibǝru 12:5

Ɗǝm ngga, ɓalǝ wun lorǝna cau ɓakɓabum mala Ɓakuli aban wun mǝnana kǝ tunǝ wun ama amuni ka le? Yi mǝnana ama: “Munem, kǝa burice kwarkiru mala Mǝtalabangŋo ɗang, sǝ rǝo ɓǝ̀ kǝa wuki ɗang, mǝnana ɓǝ̀ cio a njar ka.

Amǝ Ibǝru 6:15

Sǝ acemǝnana Ibǝrayim pak munyi, kundǝ ka, yi kum gir mǝnana Ɓakuli ne wi ama nǝ̀ pe wi ka.

Jemis 2:5

Wu kwaki kir wun, wun amǝ'eamrǝarǝu mǝnana ǝn earkiyi acea raka, Ɓakuli twal aɓwana mǝnana amǝɓanza nyesǝia amǝtǝr na ka, ɓǝa duk amǝkume aɓa paɓamuru abani. Sǝ ɗǝm ngga ɓǝa kum domurǝm mǝnana Ɓakuli pàcau ama nǝ̀ pe aɓwana mǝnana à kǝ earce ka.

Jemis 5:11

Kǝla mǝnana wu sǝlǝ ka, yia mǝnana à lidǝmbǝa nǝ came kàngkàng aɓa paɓamuru malea ka, sǝm twalia amǝ'kúm tsǝkbu mala Ɓakuli na. Wu ongŋǝna ce came mala Ayuba aɓa mǝkwane, sǝ wu sǝna gir mǝnana Mǝtalabangŋo Ɓakuli pakki wi a masǝlǝate ka. Mǝtalabangŋo ka lumsǝ nǝ mǝsǝswatǝr andǝ ɓwamuru.

1 Bitǝrus 3:14

Sǝ ko ɓǝ̀ wu kum tanni ace pak gir mǝnana nda a njari ka, wu ndanǝ tsǝkbu mala Ɓakuli. Ace mani ka, “bum wun ɓǝ̀ kǝa zurǝki ɗang, sǝ ɓangciu ɓǝ̀ kǝa pakka wun ɗang.”

1 Bitǝrus 4:13

A kun mani ka, ɓǝ̀ ban ɓoara wun ama wu ndarǝ nu tanni arǝ agir mǝ'mwashati mǝnana Kǝrǝsti twal gandǝa nǝia ka. Wu pak bumpwasǝa ado ace mǝnana ɓǝ̀ wu kum banɓoarnado mǝgule a pwari mǝnana nǝ̀ nyar nǝi sǝ nǝ̀ lǝmndǝ ɓoarɓwa male ka.

1 Bitǝrus 4:14

Ɓǝ̀ aɓwana kǝ sang wun acemǝnana wu nda ka amǝkpata Kǝrǝsti ka, tsǝkbu na amur wun, acemǝnana Bangŋo mala gulo andǝ mala Ɓakuli sulǝna amur wun.

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.

1 Bitǝrus 5:4

Sǝ ɓǝ̀ Gbani mala ayalgir yi pusǝna rǝì ka, wu nǝ̀ kum mbulan-gulo mǝɓoarne mǝnana pà nǝ̀ è raka.

1 Yohana 4:19

Sǝm nggǝ lǝmndǝ earcearǝu, acemǝnana Ɓakuli na tita lǝmndǝa sǝm earcearǝu ka.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 3:19

Aɓwana mǝnana kat ǝn earcea ka, ǝn nggǝ sâ rǝia, sǝ ǝn nggǝ kwarkiria. Ace mǝno ka, pak bumkiɗikea, sǝ wu pǝlǝ nzǝmo arǝ aɓealɓikea mo nǝ ɓabumo kat!

Sǝna 3:21

Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.