Filimon 1:9 - Maləmce Məfele mala Ɓakuli: Kurcau Məbəshe

⁹ Kat andǝ amani ka, mǝ nda rǝ zǝmbǝo ace earcearǝu, mim Bulǝs, mǝnana ǝn ena, sǝ ɗǝm adyan ngga mǝ nda kuro ace Kǝrǝsti Yesu ka.

Filimon 1:9 ပူးပေါင်းရင်းမြစ်များ

Amǝ Roma 12:1

Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.

2 Amǝ Korinti 5:20

Ace mani ka, sǝm nda ka mǝ'pwantu mala Kǝrǝsti; Ɓakuli na rǝ ɓuaki arǝ wun nǝ kun sǝm ama wu kwaki kir wun arǝ cau ma'sǝm. Sǝm nggǝ ɓuaki arǝ wun a kuni Kǝrǝsti ama, wu gilǝki nre wun wunǝa Ɓakuli.

2 Amǝ Korinti 6:1

Acemǝnana sǝm nda ɓituro sǝnǝa Ɓakuli ka, sǝm nggǝ zǝmbǝa wun, wu kǝa ak ɓwamuru mala Ɓakuli mǝnana pa wun ngga ɓa, wu pangŋǝna turo nǝi ɗang.

Amǝ Galati 3:26

Ace mani ka, wun kat ka, wu ndaka muna mala Ɓakuli ace guli ma'wun arǝ Kǝrǝsti Yesu.

Amǝ Afisu 3:1

Ace mǝnia, sǝ mim Bulǝs ka mǝ nda a kùrban ace Kǝrǝsti Yesu, ace wun, wun aɓwana mana wu ndaka amǝ Yahudi raka.

Amǝ Afisu 4:1

Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

Amǝ Afisu 6:20

Àkǝ̀ ce mǝnia yì cau ka sǝ mǝ nda a ndàkurban ado, sǝa ma ǝn lidǝmbǝa nǝ hamnǝ cau, acemǝnana Ɓakuli nǝ́ turam kǝla mǝ'pwantu male. Wu pak hiwi acem ama mǝ camarǝ nakuni nǝ mǝsǝkang-kangŋa, kǝla mǝnana ɓoaro ɓǝ̀ ǝn ne ka.

1 Timoti 1:12

Ən nggǝ pakki Kǝrǝsti Yesu Mǝtala sǝm yàwá mana pam rǝcandǝa mala pak turo male ka. Ən pak yàwá acemǝnana earnǝ mim sǝ twalam ama ɓǝ̀ ǝn pakki wi turo,

Titus 2:2

Kania aburana mǝnana à gulna ka do-bwalɓamuru, ɓǝa dum nǝ ɓealǝu mǝnana nǝ̀ tsǝa aɓwana kat nǝ̀ pea wia gulo ka. Kania wia ɓǝa duk aɓwana mǝnana à ndanǝ ɓabum ɓaɗenyicau ka, ɓǝa bwal kàngkàng arǝ paɓamuru mǝnana pà nǝ̀ kpa raka, andǝ earcearǝu, andǝ do munyi aɓa mǝkwane.

Amǝ Ibǝru 13:19

Ən nggǝ pà zǝmbǝa mem aban wun nǝ ɓuakiarǝu mǝcande ama wu pak hiwi ɓǝ̀ Ɓakuli tsǝa mǝ nyar ɗǝm tu aban wun.

1 Bitǝrus 2:11

Wun amǝ'eamrǝarǝu mǝnana ǝn earkiyi acea raka, wun mǝnana wu nda ka amǝgya-kutio andǝ abǝri a ɓanza ka, ǝn nggǝ kwarkir wun, wu gapita re wun nǝ anpel mala nggūrǝu, mǝnana à kǝ munǝo arǝ yilǝmi wun ngga.