Filimon 1:6 - Maləmce Məfele mala Ɓakuli: Kurcau Məbəshe

⁶ Hiwi mem ngga nda mǝnana ama dotarǝu ma'sǝm sǝnǝ we kǝla amǝkwaɗi ka nǝ̀ yinǝ bwaltagir mǝlime mala koya gir mǝɓoarne mǝnana sǝm ndanǝi a do ma'sǝm aɓa kpapi ma'sǝm sǝnǝa Kǝrǝsti ka.

Filimon 1:6 ပူးပေါင်းရင်းမြစ်များ

Matiu 25:16

Mǝturo-ɓala mǝnana à pe wi luru mǝsǝboalo tongno ka wario kya nggaliki nǝi, pǝlǝa kum mur luru tongno amur amǝno.

Matiu 5:16

Anggo sǝ wu nǝ̀ nying tǎlaban ma'wun ɓǝ ta a ɓadǝmbǝ aɓwana ace mǝnana ɓǝa sǝn aturo ɓoarna ma'wun, sǝ ɓǝa gusǝlǝ Tar wun mana a kuli ka.

1 Amǝ Korinti 14:25

Ɓǝ̀ à ndarǝ oe ka, aɗenyicau ɓa-sǝmbǝrǝa malea ka, à nǝ̀ pusǝrǝia a banfana. Sǝ à nǝ̀ ɓun amur ankunia, à nǝ̀ peri aban Ɓakuli, à nǝ̀ nggǝ na ama, “Ɓafo na, Ɓakuli ka ndakani aɓalǝ wun!”

1 Amǝ Korinti 16:9

Anjar mala pakki aturo na pas kani, sǝa ma aɓibura gbal ka, à cambam kingging.

Amǝ Filipi 4:8

A masǝlǝate ka, wun amǝ'eamrǝarǝu, ɓǝ̀ ɗenyicau ma'wun ɓǝ̀ do amur gir mǝnana kat mǝsǝcau na, nǝ̀ yinǝ gulo, à nǝ̀ pe aɓa kpate a njari, mǝɓoarnsari na, mǝɓoarne na, andǝ mǝnana à nǝ̀ earce ka. Gir mǝnana kat karban nǝ̀ ɓoaro, sǝ gir mǝnana kat nǝ̀ yinǝ ɓwangsǝban ngga, wu tsǝk ɗenyicau ma'wun amuria.

Amǝ Kolosi 1:9

Ace mani ka, twal a pwari mǝnana sǝm tita okce wun ngga, sǝm usǝlǝkiyi pak hiwi ace wun ɗang. Sǝm nggǝ zǝmbǝi Ɓakuli ɓǝ̀ pa wun sǝlǝe mala surǝ gir mǝnana earkiyi ce kat ka, sǝ ɓǝ̀ pa wun sǝlǝe mala Bangŋo andǝ bwalta kusǝ agir male kat.

Amǝ Kolosi 3:10

sǝ wu twalǝna ɓealǝu mala bǝsa ɓwa. Mǝnia ka nda bǝsa ɓealǝu, mana Ɓakuli mana pusǝì ka, nda rǝ pakturo ace cie ɓǝ̀ twal ulang ɓealǝu male, a koya pwari, ace mǝnana ɓǝ̀ wu surǝi pepe ka.

Titus 3:14

Aɓwana ma'sǝm ngga, ɓoaro ɓǝa kǝ pakkia aturo mǝɓoarne ace kum girbu, ɓǝa ɗeki do mǝɓane.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

Jemis 2:14

Mana nda ɓoaro male, wun amǝ'eamrǝarǝu, mǝnana ɓǝ̀ ɓwa na ama pana ɓamuru aban Yesu, sǝ lǝmndǝi aɓa pakki aturo male raka? Mǝno yì paɓamuru ka nǝ̀ amsǝi le?

Jemis 2:17

Anggo gbal, ɓǝ̀ paɓamuru pa a tarǝia andǝ turo raka, nda ɓà.

1 Bitǝrus 2:12

Do ma'wun aɓalǝ aɓwana mǝnana amǝkwaɗi na raka ɓǝ̀ dum nǝ ɓealɓoarna. Anggo ka ko ɓǝa tsǝka wun cau arǝ wun ama wu ndaka amǝ'ɓealɓikea ka, à nǝ̀ sǝn aturo mǝɓoarne mǝnana wu pakki ka, sǝ à nǝ̀ pè Ɓakuli gulo a pwari mǝnana nǝ̀ yiu a lǝmndǝ rǝì ka.

1 Bitǝrus 3:1

Anggo gbal, wun amanɓala ka, wu pà ɓamur rǝ wun aɓata abura wun, ace mǝnana ɓǝ̀ aɓea ɓwana nakam atea mǝnana à earnǝ Cau Amsǝban raka, ɓeal wun nǝ nunia à nǝ̀ pà ɓamuria. Pà nǝ̀ do ama she ɓǝ̀ wu naná kǝ cau ka ɗang,

1 Bitǝrus 3:16

Sǝa ma wu pe nǝ ɓukɓuka, andǝ pagulo a ɓalǝi. Ɓǝ̀ ɗenyicau ɓabum wun do nǝ ɓoarnsari, ace mǝnana ko ɓǝa ɓwana kiɗiki wun nǝ kunia ka, kǝsǝkya nǝ̀ pakkia wia, yi mǝnana ɓǝa sǝn do ma'wun mǝɓoarnsari, acemǝnana wu nda ka mala Kǝrǝsti ka.

2 Bitǝrus 1:8

Ɓǝ̀ wu ndanǝ amǝnia yì aɓealǝu, sǝ à nǝ̀ nggǝ gul aɓalǝ wun ngga, pa wu nǝ̀ gatti aɓalǝ aturo ɗang, sǝ surǝgir ma'wun amur Mǝtala sǝm Yesu Kǝrǝsti ka, nǝ̀ duk gir mǝɓoarne andǝ gbasha aban aɓwana.