Filimon 1:20 - Maləmce Məfele mala Ɓakuli: Kurcau Məbəshe

²⁰ E, mǝ'eambǝam, ǝn nggǝ zǝmbǝo, lǝmndǝam mǝnia yì earmuru ka, ace Mǝtalabangŋo; kǝla mǝ'eambǝu aɓa Kǝrǝsti ka, ciem ɓabumam ɓǝ̀ nongŋo.

Filimon 1:20 ပူးပေါင်းရင်းမြစ်များ

1 Amǝ Korinti 16:18

Yia ka, à nongsǝam ɓabumam andǝ ɓabum wun gbal. Aɓwana mǝnana à kǝ pak turo mǝ'mǝsǝcau nì kǝla amǝnia ka, ɓalǝ wun ɓǝ̀ kǝa lorǝia ɗang.

2 Amǝ Korinti 2:2

Ɓǝ̀ ǝn kiɗiki ɓabum wun ngga, sǝ à yana ɗe à nǝ̀ pwasǝ bumam? Kǝ wun mǝnana ǝn kiɗiki ɓabum wun ngga, kǝ wu nda re?

2 Amǝ Korinti 7:13

Mǝnia ka ɓakɓabum sǝm kǝrkǝr. Kpapi andǝ mǝno yì ɓakɓabum ngga, banɓoara sǝm arǝ sǝn bumpwasǝa mala Titus ace akban mǝnana wun kat wu é sǝ wu ci ɓabumi nong ngga.

Amǝ Filipi 1:8

Ɓakuli surǝna rǝ lime mala earcearǝu mǝnana mǝ ndanǝi ace wun, andǝ nzal wun kat mǝnana ǝn nggǝ oe, nǝ ulang earceban mǝnana Kǝrǝsti Yesu ndanǝi ace wun ngga.

Amǝ Filipi 4:1

Ace mani ka, wun amǝ'eambǝam, wu cam kàngkàng aɓa kpata Mǝtalabangŋo. Wun mǝnana ǝn earkiyi earce wun raka, sǝ ɓabumam kǝ pi ace sǝn wun ngga, wu nda ka banɓoarnado mem andǝ mbulan-gulo mem.

Filimon 1:12

Mǝ nda aban tasǝ te, ɓǝ̀ nyare abano adyan. Ká male ka, ɓabumam na ate.

Filimon 1:7

Earcearǝu mo panam banɓoarnado kǝrkǝr andǝ girikiban, mǝ'eambǝam, acemǝnana pe mǝɓoarne mo yina nǝ bumpwasǝa aban aɓwana mala Ɓakuli kat.

Amǝ Ibǝru 13:17

Wu oki aɓwana mǝnana a múr wun ngga, wu pà ɓamur rǝ wun a ɓatea. Acemǝnana à ndaka amǝyal wun, sǝ à ndaka aɓwana mǝnana Ɓakuli nǝ̀ ngga ɗia amur mǝnia yì turo pea wia ka. Ace mani ka, wu cia ɓǝa pak ture nǝ bumpwasǝa, pà aɓa bumkiɗikea ɗang. Ɓǝ̀ ana raka, pà nǝ̀ ɓoara wun ɗang.

1 Yohana 3:17

Ɓǝ̀ kǝɓwa nanǝ agirkuma mala ɓanza man, sǝ sǝn mǝ'eambǝi aɓa tǝle, sǝ ɓinǝ sǝn mǝsǝswatǝr male ka, lang sǝ earcearǝu mala Ɓakuli nǝ̀ pa a ɓabum mǝnia yì ɓwa ka?

3 Yohana 1:4

Ɓe kǝ banɓoarnado pà kàm mǝnana nǝ̀ kuti mana ɓǝ̀ ǝn o ama, amunem ngga à nda aban gya aɓa mǝsǝcau ka ɗang.