Filimon 1:16 - Maləmce Məfele mala Ɓakuli: Kurcau Məbəshe

¹⁶ A dyan ngga, yì ka, pa kǝla guro ɗǝm ɗang. Kutini bancame mala guro. Abanam ngga, mǝ'eamrǝarǝu na mǝnana ǝn earkiyi ace raka, sǝ abano ado ka nǝ̀ kuti mǝno, dumǝna kǝla ɓwa sǝ kǝla mǝ'eamrǝarǝu aɓa dotarǝu sǝnǝa Mǝtalabangŋo.

Filimon 1:16 ပူးပေါင်းရင်းမြစ်များ

Matiu 23:8

Wu kǝa eare ɓǝa tunǝ wun ama “Malǝm” ɗang. Wu ndaka amǝ'eamrǝarǝu kat. Malǝm ma'wun ngga nda mwashat ɓǝrɓǝr.

Amǝ Mishan 9:17

Pǝlǝa Hananiya lo kya kutio a ɓala mǝnana Sawul ndakam ngga. Tsǝk bui amur Sawul, sǝ na ama, “Mǝ'eamrǝarǝu Sawul, Mǝtalabangŋo Yesu mana pusǝrǝi abano amur njargula mǝnana a yiu nǝi ka, turam ace mǝnana wu kum sǝnban ɗǝm, sǝ wu lumsǝ nǝ Bangŋo Mǝfele.”

1 Amǝ Korinti 7:22

Ɗenyi ama ɓǝ̀ a nda guro ɗiɗyal sǝ Ɓakuli tunǝo wu duk mǝkwaɗi ka, Mǝtalabangŋo panzǝkino aɓa bu kùrban mala Shetan. Anggo gbal, ɓǝ̀ a ndá doɓamuro, sǝ Ɓakuli tunǝo wu duk mǝ kwaɗi ka, a dumǝna guro mala Kǝrǝsti, sǝ pup a nǝ nggǝ pak gir mǝnana Kǝrǝsti banggo ka.

Amǝ Kolosi 3:22

Wun aguro ka, wu oki amǝtala-ɓala ma'wun a ɓanza aɓa koya gir wu nǝ̀ pak kat ka. Wu ɓariki wu pak turo mǝnana nǝ̀ pwasǝ bumia koya pwari ka. Wu kǝa pe acemǝnana à nda ban sǝn wun ngga ɗang, wu pakkia wia turo nǝ ɓabum mwashat ace pagulo aban andǝ ɓanggi Mǝtalabangŋo.

1 Timoti 6:2

Amuna-ɓala mǝnana amǝtala-ɓala malea ka amǝkwaɗi na ka, ɓǝa kǝa ci ate ama amǝ'eambǝu na à nǝ̀ ɗwanyi pea wia gulo ɗang. Akuni ka, ɓǝa pakkia wia turo anjar mǝnana ɓoaribanì ka, acemǝnana amǝtala-ɓala malea mana à kǝ li mǝɓoarne aɓalǝ aturo malea ka aɓia amǝkwaɗi na, sǝ aɓwana na mǝnana Ɓakuli kǝ earcea ka. We Timoti ka, wu kǝ kani aɓwana mǝnia yì mǝsǝtacau ka, sǝ wu kǝ kwarkiria ɓǝa kǝ kpatea.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.