Filimon 1:10 - Maləmce Məfele mala Ɓakuli: Kurcau Məbəshe

¹⁰ Mǝ ndarǝ zǝmbǝo, wu sǝn mǝsǝswatǝr mala munem Onisǝmu. Ən duk tarrí aɓa bangŋo akani aɓa ndàkurban.

Filimon 1:10 ပူးပေါင်းရင်းမြစ်များ

Markus 9:17

Ɓe ɓwa aɓa ɓwabunda kasǝa ama, “Malǝm, ǝn yiu nǝ munem abano ace mǝnana wu twali ban rǝkwana ka. Ndanǝ kukwar a rǝì, mǝnana kǝ eari wi nacau raka.

Amǝ Roma 12:1

Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.

1 Amǝ Korinti 4:14

Mim ngga, ǝn pa aban gilǝa wun mǝnia ka ace mǝnana ɓǝ̀ ǝn tsǝk wun, wu kum kǝsǝkya ka ɗang. Ən pa anggo ace mǝnana ɓǝ̀ ǝn kwarkir wun kǝla amuna mem mǝnana ǝn earkiyi acea raka.

1 Amǝ Korinti 4:15

Sǝ ko ɓǝ̀ wu ndanǝ aɓwana aɓa Kǝrǝsti mǝnana à kǝ ɗenyi nǝ wun, lakki malea bwal á-lum ngga, kat andǝ amani ka, wu ndanǝ tárrú mwashat. Acemǝnana aɓa do kpata Kǝrǝsti Yesu ma'wun ngga, mǝ nda kǝ ɓwa mǝnana ǝn duk tár wun ngga, mǝnana yina wun nǝ Cau Mǝɓoarne mala Kǝrǝsti Yesu ka.

Amǝ Galati 4:19

Wun amunem mǝnana ǝn earkiyi acea raka! Ən nggǝ ok kwanban a rǝam ace wun, kǝla mɓwama mǝnana nda aban gbashi ka, sǝ mǝno ka pà nǝ̀ mal ɗang she ɓǝ̀ Kǝrǝsti lumsǝna aɓalǝ wun ngga.

Amǝ Kolosi 4:9

Ndya ɗǝm ǝn nggǝ tasǝ Onisǝmu ka. Yì gbal ka, mǝ'eamrǝarǝu mǝɓafoe na mǝnana à nǝ̀ guli a rǝì ka, nggearǝ yì ka, kǝ ɓwa ma'wun na. Yì andǝ Tikikus ka à nǝ̀ bangga wun gir mǝnana kat kǝ kumban kani ka.

1 Timoti 1:2

Mǝ nda ban gilǝì Timoti, yì munem mǝɓafoe aɓa paɓamuru aban Ɓakuli. Ɓǝ̀ ɓwamuru, andǝ sǝn mǝsǝswatǝr, andǝ dorǝpwala nǝ ban Ɓakuli Tár sǝm andǝ Kǝrǝsti Yesu Mǝtala sǝm do ato.

Titus 1:4

Ən nggǝ gilǝì Titus, munem mǝ'mǝsǝcau nì aɓa paɓamuru mǝnana sǝm kat sǝm nda a ɓalǝi ka. Ɓǝ̀ Tar sǝm Ɓakuli andǝ Kǝrǝsti Yesu Mǝ'amsǝ sǝm, bwalo kam nǝ ɓwamuru andǝ dorǝpwala!

Filimon 1:11

Ɗiɗyal ka, ɓwa mǝɓane na abano, sǝ adyan ngga, dumǝna ɓwa mǝɓoarne aban sǝm kǝm.

Filimon 1:13

A eare mem ngga, mǝ nǝ bwali akani abanam ɓǝ̀ dupam gbasha a kunio, aɓa kùrban mǝnia mǝ ndakam ace hamnǝ Cau Amsǝban ngga.

3 Yohana 1:4

Ɓe kǝ banɓoarnado pà kàm mǝnana nǝ̀ kuti mana ɓǝ̀ ǝn o ama, amunem ngga à nda aban gya aɓa mǝsǝcau ka ɗang.