Filimon 1:1 - Maləmce Məfele mala Ɓakuli: Kurcau Məbəshe

¹ Cautera mǝnia ka pur nǝban Bulǝs, ɓwa mǝnana ndǎ a ndàkurban ace hamnǝ Cau Amsǝban mala Kǝrǝsti Yesu ka, andǝ mǝ'eam sǝm Timoti. Mǝ nda ban gilǝì Filimon, gyajam ma'sǝm andǝ ɓi sǝm mǝturo,

Filimon 1:1 ပူးပေါင်းရင်းမြစ်များ

Amǝ Mishan 16:1

Bulǝs andǝ Silas wario a nggeala Dabe, sǝ à kya kutio à o a nggeala Listǝra. Abanì ka ɓe mǝkwaɗi na kam lullǝi ama Timoti. Ngge yì Timoti gbal ka mǝkwaɗi na, ɓwa Yahudi, sǝ tarrí ka ɓwa Gǝrik na.

1 Amǝ Korinti 3:9

Sǝm ngga sǝm ndaka amǝturo sǝnǝa Ɓakuli. Sǝ wun ngga, wu nda ka ɓaban mala Ɓakuli mǝnana rikiyi ka. Ɗǝm ngga, wu nda ka ɓah mala Ɓakuli mǝnana ɓakkiyi ka.

2 Amǝ Korinti 1:1

Mǝnia yì cautera ka, pur nǝ bu Bulǝs mǝnana nǝ eare mala Ɓakuli sǝ tàri, ama ɓǝ̀ duk mǝ'mishan mala Kǝrǝsti Yesu ka, andǝ mǝ'eam sǝm Timoti. Sǝm nda ban gilǝì ikǝlisiya mala Ɓakuli mǝnana a Korinti, andǝ aɓwana mala Ɓakuli kat mǝnana a nzali Akaya ka.

Amǝ Galati 3:26

Ace mani ka, wun kat ka, wu ndaka muna mala Ɓakuli ace guli ma'wun arǝ Kǝrǝsti Yesu.

Amǝ Afisu 3:1

Ace mǝnia, sǝ mim Bulǝs ka mǝ nda a kùrban ace Kǝrǝsti Yesu, ace wun, wun aɓwana mana wu ndaka amǝ Yahudi raka.

Amǝ Afisu 4:1

Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

Amǝ Afisu 6:20

Àkǝ̀ ce mǝnia yì cau ka sǝ mǝ nda a ndàkurban ado, sǝa ma ǝn lidǝmbǝa nǝ hamnǝ cau, acemǝnana Ɓakuli nǝ́ turam kǝla mǝ'pwantu male. Wu pak hiwi acem ama mǝ camarǝ nakuni nǝ mǝsǝkang-kangŋa, kǝla mǝnana ɓoaro ɓǝ̀ ǝn ne ka.

Amǝ Filipi 1:1

Cautera mǝnia ka, pur nǝban Bulǝs andǝ Timoti, aguro mala Kǝrǝsti Yesu. Aban ká aban aɓwana amǝ fele mala Ɓakuli a Filipi, yia mǝnana à nda aɓa dotarǝu andǝa Kǝrǝsti Yesu ka, kat andǝ aɓwana-mǝgule andǝ amǝ'bwalturo ɓa ndahiwi.

Amǝ Filipi 2:25

Ən sǝni, ndanǝ ɓoaro ɓǝ̀ ǝn nyesǝa wun Apafuroditus, mǝ'eambǝam, ɓiam mǝturo andǝ ɓiam soje. Yì gbal ka nda ɓwa mǝnana wu turi ɓǝ̀ tsǝkiram aɓa dotǝle mem ngga.

Amǝ Filipi 4:3

E, ǝn nggǝ zǝmbǝo gbal, we ɓiam mǝturo mǝɓafoe. Bwali amamǝna mǝnia ka. Yia ka à pak turo kǝrkǝr atam aban hamnǝ Cau Amsǝban, a tarǝ sǝm sǝnǝa Kǝlemen andǝ acili aɓiam amǝturo, mǝnana alullǝia ka, a nda aɓa Malǝmce mala Yilǝmu ka.

Amǝ Kolosi 1:1

Mim Bulǝs, mǝnana mǝ nda mǝ'mishan mala Kǝrǝsti Yesu, nǝ kani mala Ɓakuli ka, mim sǝnǝ mǝ'eam sǝm Timoti, sǝm gilǝ mǝnia yì Cautera ka.

Amǝ Kolosi 4:11

Yesu mǝnana à tunǝki ama Yustus ka, kǝ makka wun kun gbal. Kǝ amǝnia yì aburana ka, à nda ka amǝ Yahudi aɓalǝ aɓeam amǝturo ace Domurǝm mala Ɓakuli. À ɓak ɓabumam nǝ rǝcandǝa.

1 Amǝ Tasalonika 3:2

sǝ sǝm tasǝ Timoti ɓǝ̀ kyane ɓǝ̀ kya sǝn wun. Yì ka, mǝ'eam sǝm na andǝ ɓi'sǝm mǝturo mala Ɓakuli aɓa hamnǝ Cau Amsǝban mala Kǝrǝsti. Sǝm turi aban wun ace mǝnana ɓǝ̀ yi ɓakɓabum wun, ɓǝ̀ dupa wun gbasha aɓa paɓamuru ma'wun aban Kǝrǝsti.

2 Amǝ Tasalonika 1:1

Mǝnia yì cautera ka, pur nǝban Bulǝs andǝ Silas andǝ Timoti. Aban ká aban ikǝlisiya mala amǝ Tasalonika, aɓwana mala Ɓakuli Tár sǝm andǝ Mǝtalabangŋo Yesu Kǝrǝsti.

2 Timoti 1:8

Ace mani ka, ce kǝsǝkya pakko arǝ banggia aɓwana cau amur Mǝtalabangŋo ɗang. Sǝ ce kǝsǝkya pakko a rǝam gbal ɗang, kat andǝ amani ama mǝ nda a ndàkurban ace Kǝrǝsti ka. Nǝ rǝcandǝa mǝnana Ɓakuli po ka, dum nǝ kur rǝǔ ace nutanni atam ace hamnǝ Cau Amsǝban.

Filimon 1:23

Abafǝras, ɓiam pursǝna aɓa Kǝrǝsti Yesu, kǝ turban nǝ makkun male.

Filimon 1:24

Sǝ anggo gbal, sǝ Markus, andǝ Aristakus, andǝ Dimas andǝ Luka, aɓeam amǝturo.

Filimon 1:9

Kat andǝ amani ka, mǝ nda rǝ zǝmbǝo ace earcearǝu, mim Bulǝs, mǝnana ǝn ena, sǝ ɗǝm adyan ngga mǝ nda kuro ace Kǝrǝsti Yesu ka.