Amǝ Roma 9:3 - Maləmce Məfele mala Ɓakuli: Kurcau Məbəshe

³ ace aɓwana mem, amǝ'eambǝam aɓa nggūrǝu ka. Ən earǝna ɓǝa suem, ko ɓǝa gau sǝm sǝnǝa Kǝrǝsti, ɓǝ̀ mǝno ka nǝ̀ kánia ɓǝa kum amsǝban ngga.

Amǝ Roma 9:3 ပူးပေါင်းရင်းမြစ်များ

Amǝ Mishan 13:26

Ado ka wun amǝ'eambǝam amǝ Isǝrayila, amǝ kau mala Ibǝrayim, andǝ aɓwana mala acili anzali mǝnana à kǝ ɓanggi Ɓakuli ka, aban sǝm sǝ à turban nǝ mǝnia yì cau amsǝban ngga!

Amǝ Mishan 22:5

Nggearǝ Pǝris mǝgule andǝ aɓwana male ka à nǝ̀ earnǝ mim ama mǝ ndaban na mǝsǝcau. Acemǝnana a buia sǝ ǝn nggǝ ak acautera aban ká aban aɓwana-mǝgule amǝla-sǝm amǝ Yahudi mǝnana a Damaska ka. Tǝr wario mem ngga nda mǝnana ama, ɓǝn bwalki amǝ kpata Yesu, ɓǝn kurkia nǝ ansolo, ɓǝn yiu nǝia a Urǝshalima ace mǝnana ɓǝa yi pea wia tanni ka.

Amǝ Mishan 28:21

Pǝlǝa aɓwana-mǝgule nì banggi wi ama, “Sǝm ngga sǝm kum kǝ cautera mǝnana puro a nzali Yahudi aban yiu aban sǝm a muro ka ɗang. Sǝ kǝɓwa pa aɓalǝ amǝ'eam sǝm mǝnana pur kano nǝ ɓe kǝ̀ cau mǝɓane a muro ka ɗang.

Amǝ Roma 1:3

Cau Amsǝban ngga, ndá amur Muni, mǝnana do ɓanza male ka à ɓǝli a tau mala Dauda.

Amǝ Roma 11:1

Ən ɗiban ama, nggearǝì ka, Ɓakuli ginǝna aɓwana male lè? Awo, ginǝia ɗang! Nggearǝ mim nǝ ɓamuram ngga, mǝ nda ɓwa Isǝrayila, Mǝkà Ibǝrayim, a tau mala Benjami.

Amǝ Roma 11:14

Aɓa mǝno anggo ka, ǝn nggǝ earce nǝma, ɓǝ̀ nǝ̀ gandǝ pa ka, mǝ nǝ tsǝk amǝ Isǝrayila, aɓwana mem aɓa nggūrǝu, ɓǝa dum nǝ mɓali mala kum gir mana wu ndanǝi ka, acemǝnana ɓǝ̀ ǝn amsǝ aɓwana aɓalǝia.

Amǝ Roma 16:11

Wu makki ɓǝla mem, Hirǝdiyon kun. Wu makki aɓwana mala Mǝtalabangŋo mǝnana a ɓala mala Narkisus ka, kun.

Amǝ Roma 16:21

Timoti, ɓeam mǝturo, kǝ makka wun kun. Anggo gbal sǝ Lukiyus, andǝ Jasǝn, andǝ Sosipata, aɓǝla mem, à kǝ makka wun kun.

Amǝ Roma 16:7

Wu makki Andǝronikus andǝ Juniya kun, aɓǝla mem mǝnana sǝm nda a ndàkurban sǝnǝia ka. Yia ka, amǝ'mishan surǝia pepè, sǝ yia ka, à akàm dǝmbǝa ak Kǝrǝsti.

Amǝ Roma 9:2

mǝ ndanǝ bumkiɗikea kǝrkǝr andǝ pi mala ɓabum koya pwari

1 Amǝ Korinti 12:3

Ace mani ka, ǝn nggǝ earce nǝma ɓǝ̀ wu sǝlǝ ama, kǝɓwa pà kàm nǝ́ Bangŋo mala Ɓakuli a rǝì, sǝ nǝ̀ pur a kuni ama, “Suban na amur Yesu” ɗang. Sǝ kǝɓwa pà nǝ̀ na gbal ama, “Yesu ka Mǝtalabangŋo na” ɗang she nǝ Bangŋo Mǝfele.

1 Amǝ Korinti 16:22

Ɓǝ̀ kǝɓwa kǝ earce Mǝtalabangŋo raka, ɓǝ̀ suban sulǝo amur ɓwe! Marana tha - Mǝtala sǝm, yiu!

2 Amǝ Korinti 12:15

Ace mani ka, bumam nǝ pwasǝo mǝ kiɗiki koya gir nani mǝ ndanǝi ka, andǝ nggearǝ ɓamuram, ace yilǝmi wun. Sǝ nggearǝì ka, acemǝnana ǝn earce wun kpǝm ngga nda tsǝa sǝ wu earcem bǝti ka le?

Amǝ Galati 1:8

Ɓǝ̀ suban mala Ɓakuli sulǝo amur ko ɓǝ̀ ya ɓwa nani, ko ɓǝ̀ sǝm nda, ko ɓǝ̀ mǝturonjar mǝnana a kuli na ka, yi mǝnana ɓǝ̀ hamnǝ ɓe cau amsǝban ɗàng andǝ mǝnana sǝm hamǝna wunì ɗiɗyal ka.

Amǝ Galati 1:9

Kǝla mǝnana sǝm na wun a dǝmbe ka, ǝn nggǝ ɓǝsǝlǝi ɗǝm ama: Ɓǝ̀ ɓwa hamba wun nǝ ɓe kǝ cau ama “cau amsǝban” na, sǝ nda ɗàng andǝ Cau Amsǝban mǝnana wu angŋǝni ka, ɓǝ̀ suban mala Ɓakuli sulǝo amur ɓwe.

Amǝ Galati 3:10

Sǝ aɓwana mǝnana à makɓalǝia arǝ bwal Nggurcau ace kum akban a ɓadǝm Ɓakuli ka, à nda aɓata suban. Malǝmce ka na ama, “Suban na amur ɓwa mǝnana kat pà nǝ̀ kpata anzongcau kat mǝnana à gilǝia aɓa Malǝmce Nggurcau mala Ɓakuli raka.”

Amǝ Galati 3:13

Sǝa ma do mana Kǝrǝsti yi duk su-ɓwa ace sǝm ngga, angŋǝna mur sǝm a ɓabu suban mǝnana Nggurcau yinǝi ka. Acemǝnana à gilǝa aɓa Malǝmce ama, “Suban na amur koya ɓwa mǝnana à gyari a nggun ngga.”

Amǝ Afisu 6:5

Wun aguro, wu oki amǝtala-ɓala ma'wun mǝnana a ɓanza ka, nǝ pagulo nǝ rǝɓǝla. Wu pakkia wia turo nǝ ɓabum wun mwashat, kǝla Kǝrǝsti na wu pakkiyi wi ka.