Amǝ Roma 7:9 - Maləmce Məfele mala Ɓakuli: Kurcau Məbəshe

⁹ Mǝnana ǝn malaká sǝlǝ ce nzongcau raka, mǝ ndanǝ yilǝmu; sǝ lang nzongcau yina ka, cauɓikea long nǝ yilǝmu, sǝ ǝn pǝlǝ lú.

Amǝ Roma 7:9 ပူးပေါင်းရင်းမြစ်များ

Matiu 19:20

Lagga mǝno ne wi ama, “Ən kpana ta anzongcau mǝnia kat. Mana ueo ɗǝm?”

Luka 15:29

Sǝ ne tarrí ama, “Sǝn apǝlǝa mǝnia pas mǝ nda ban pakko turo kǝla guro, ko ǝn mgbikio kiru arǝ cau mo àkǝ̀ pwari ɗang. Kat andǝ amani anggo ka, ko kǝ muna-mbul mǝnana a nǝ pam ama ɓǝ̀ ǝn twani ɓǝ̀ sǝm pakiɗire sǝnǝ agyajam mem ngga, pà kàm ɗang!

Luka 18:21

Pǝlǝa ɓwe na ama, “Amǝnia ka, yale mǝ nda muntulo sǝ ǝn bwalia.”

Amǝ Roma 10:5

Amur njar mala do mǝ'cauɓoarna aban Ɓakuli, mǝnana à kumnggiyi nǝ bwal Nggurcau ka, Musa gilǝ ama, “Ɓwa mǝnana kat kpata Nggurcau lumsǝ agir mǝnana kat nzongcau male na ka, ɓwe na nǝ̀ kum yilǝmu ka.”

Amǝ Roma 7:10

Nggearǝ nzongcau mǝnana ɓoaro ɓǝ̀ lǝmndǝam njargula yilǝmu ka, pǝlǝa wal-luem.

Amǝ Roma 7:11

Cauɓikea kara kum njar ata nzongcau, pǝlǝa swarkiam, sǝ pakturo nǝ nzongcau, wal luim.

Amǝ Roma 7:4

Anggo gbal, wun amǝ'eambǝam, wun gbal ka wu wunî Nggurcau, acemǝnana wu nda aɓa nggurǝ Kǝrǝsti a lú male. Ado ka, wu nda ka mala Kǝrǝsti, mana à loasǝi a ɓembe ka, ace mǝnana ɓǝ̀ sǝm pusǝ aturo mǝɓoarne ace Ɓakuli.

Amǝ Roma 7:6

Sǝ adyan ngga, sǝm purnì Nggurcau, acemǝnana sǝm wuna aban agir mǝnana ɗiɗyal à bwal sǝm a guro ka. Sǝm ado ka, sǝm nggǝ pak turo ɗǝm a njar mǝ'e mala Nggurcau mana à gilǝì nǝ́ gilǝa ka ɗang; turo ma'sǝm a dyan ngga, nda a njar mǝbǝshe mala Bangŋo.

Amǝ Roma 7:8

Sǝ cauɓikea ka, pak turo nǝ mǝnia yì nzongcau ka, pǝlǝa loasǝ ambalang shamgir ɗàngɗáng a ɓalǝam! Sǝ ɓǝ̀ pa ace cau mala nzongcau raka, ɓǝ́ cauɓikea ka lugir na.

Amǝ Roma 8:7

Lǝmndǝ ama aɓwana mǝnana à dum nǝ ɓabum mala kpata nggūrǝu ka, à dumǝna aɓibura mala Ɓakuli; yia ka à kǝ kpata nzongcau mala Ɓakuli ɗang, sǝ aɓa mǝsǝcau ka, à pà nǝ̀ gandǝ kpate ɗang.

Amǝ Galati 2:19

Ɓǝ̀ ǝn ɓariki nǝma mǝ nǝ kpata nggurcau ka, ǝn yi sǝni ka, mǝno ka pà nǝ̀ pwasǝ bum Ɓakuli ɗang. Pǝlǝa ǝn wuki nggurcau, ǝn tamsǝ kpata nggurcau, ace mǝnana mǝ dupi Ɓakuli.

Amǝ Galati 3:10

Sǝ aɓwana mǝnana à makɓalǝia arǝ bwal Nggurcau ace kum akban a ɓadǝm Ɓakuli ka, à nda aɓata suban. Malǝmce ka na ama, “Suban na amur ɓwa mǝnana kat pà nǝ̀ kpata anzongcau kat mǝnana à gilǝia aɓa Malǝmce Nggurcau mala Ɓakuli raka.”