Amǝ Roma 7:7 - Maləmce Məfele mala Ɓakuli: Kurcau Məbəshe

⁷ Sǝ mana ado sǝm nǝ̀ na? Nggearǝ Nggurcau ka, cauɓikea na le? Awo! Pa anggo ɗang! Ɓǝ̀ pà ace Nggurcau raka, ɓǝ́ pà mǝ surǝ cauɓikea ɗang. Ɓǝ́ pa mǝ nǝ sǝlǝ ce cauɓikea mala sham gir mala ɓwa ɗang, mǝnana ɓǝ̀ Nggurcau bang ma ama, “Kǝa sham gir raka” ɗang.

Amǝ Roma 7:7 ပူးပေါင်းရင်းမြစ်များ

Matiu 5:28

Sǝ mim ngga ǝn nggǝ na wun ama ɓwa mana kat sǝn mɓwama nǝ sǝnban nshawari ka, angŋǝna dǝmbǝa nongŋǝna nǝi a ɓabumi.

Luka 12:15

Pǝlǝa ne ɓwabunda ama, “Wu parkir wun, wu yal rǝ wun arǝ koya ulang kikil ka, acemǝnana lakki mala agirkuma mala ɓwa ka, nda yilǝmi ɗang.”

Luka 20:16

Nǝ̀ yiu nǝ̀ yia wal-lú amǝturo mǝnia sǝ nǝ̀ nyesǝ ɓaban nǝ̀ pe aɓea aɓwana!” Lang ɓwapǝndǝa nǝ̀ ok mǝnia ka à na ama, “Ɓǝ̀ Ɓakuli twalban mani!”

Amǝ Mishan 20:33

Ən sham ma kǝ boalo mala ɓwa ko agir-nggurǝu male ɗang.

Amǝ Roma 13:9

Anzongcau mǝnana ama, “Kǝa nongnǝ ɓwa mana wu pa doɓala wunǝi raka ɗang.” “Kǝa wal-lú ɗang.” “Kǝa iun'i ɗang.” “Kǝa sham gir mala ɓwa ɗang,” andǝ aɓea mǝnana kat à ndakam ngga, à nda à kpapia aɓa nzongcau mwashat ama, “Earce ɓeo mǝ'murkala kǝla mǝnana a earce ɓamuro ka.”

Amǝ Roma 3:20

Kǝ ɓwa pà kàm nǝ̀ duk mǝ'cauɓoarna a ɓadǝm Ɓakuli acemǝnana bwal Nggurcau ka ɗang. Gir mǝnana Nggurcau pakki ka, nda lǝmndǝa sǝm ulang do cauɓikea ma'sǝm.

Amǝ Roma 3:5

Sǝ ɓǝ̀ ɓealɓikea ma'sǝm kǝ lǝmndǝ cauɓoarna mala Ɓakuli ka, aman sǝ sǝm nǝ̀ na? Sǝm nǝ̀ na ama Ɓakuli pangŋǝna kpak, yì mǝnana ɓǝ̀ so bumlulla male amur sǝm ngga le? (Mǝnia ka nê mala ɓwapǝndǝa na.)

Amǝ Roma 4:1

Mana ado sǝm nǝ̀ na amur Ibǝrayim, yì kà-aɓwana ma'sǝm aɓa nggūrǝu? Mana gir nì na yi sǝlǝa amur cau mala do mǝ'cauɓoarna aban Ɓakuli?

Amǝ Roma 4:15

Yàl Nggurcau kǝ nun bumlulla mala Ɓakuli amur aɓwana mǝnana à kǝ ɓariki ama à nǝ̀ bwali ka. Sǝ ɓǝ̀ Nggurcau pà kàm raka, yàl Nggurcau gbal ka, pà kàm ɗang!

Amǝ Roma 5:20

À pà Nggurcau mala Ɓakuli, ace mǝnana ɓǝa ɓwana sǝn lime andǝ gulo mala cauɓikea malea. Sǝ lang ɓwapǝndǝa camarǝ lidǝmbǝa aɓa cauɓikea ka, ɓwamuru mala Ɓakuli kǝ gulo kǝ tur a dǝmbǝa kǝrkǝr.

Amǝ Roma 6:15

Lang sǝ wu sǝni ado ɗe? Sǝm nǝ̀ lidǝmbǝa nǝ pak cauɓikea, acemǝnana sǝm pa aɓata Nggurcau ɗang, sǝm nda aɓata ɓwamuru mala Ɓakuli ka le? Awo, pà nǝ̀ pak ɗang!

Amǝ Roma 7:11

Cauɓikea kara kum njar ata nzongcau, pǝlǝa swarkiam, sǝ pakturo nǝ nzongcau, wal luim.

Amǝ Roma 7:13

Ado ka, gir mǝɓoarne yinǝam nǝ lú le? Awo, pa anggo ɗang! Kǝ cauɓikea na pak turo nǝ gir mǝɓoarne, sǝ yinǝam nǝ lú, ace mǝnana cauɓikea ka, ɓǝa surǝì ama cauɓikea na. Sǝ ata cau mala nzongcau ka, cauɓikea nǝ̀ lǝmndǝ ɓike male kǝrkǝr.

Amǝ Roma 7:5

Aɓa do ma'sǝm ɗiɗyal mǝnana nggurǝ sǝm na kǝ gingnǝ sǝm ngga, anpel mala cauɓikea mana Nggurcau loasǝia aɓa nyam sǝm ngga, à ndarǝ pak turo, sǝ ko man sǝm pak kat ka, mala ká lú na.

Amǝ Roma 7:8

Sǝ cauɓikea ka, pak turo nǝ mǝnia yì nzongcau ka, pǝlǝa loasǝ ambalang shamgir ɗàngɗáng a ɓalǝam! Sǝ ɓǝ̀ pa ace cau mala nzongcau raka, ɓǝ́ cauɓikea ka lugir na.

1 Amǝ Korinti 15:56

Barya mala lú ka nda cauɓikea, sǝ Nggurcau nda mǝnana kǝ pe cauɓikea rǝcandǝa ka.

Amǝ Afisu 5:3

Nongginǝban, andǝ koya ulang ɓe kǝgir mǝɓeami, ko nzumon ka, ɓǝa kǝa kumia aɓalǝ wun ɗang. Acemǝnana amǝnia yì agir ka, à kārǝa arǝ do mala aɓwana mala Ɓakuli ɗang.

Amǝ Kolosi 3:5

Ace mani ka, wu wal lu koya ɓeal wun mala pakki agirɓana mala ɓanza. Yì aɓealǝu kìɗìkì mala nongginǝ rǝarǝu, andǝ do-pǝndǝkya, andǝ nshawari, andǝ suno mǝɓane, andǝ shamgir mala ɓwa (acemǝnana shamgir mala ɓwa ka ɓe njari mala peri ata nkul na).

1 Amǝ Tasalonika 4:5

Pà aɓa do nǝ npel mala nshawari mǝkǝrkǝr nì, kǝla pe mala amǝkpata ɓanza, aɓwana mǝnana à surǝ Ɓakuli raka ɗang.

Amǝ Ibǝru 7:19

Nggurcau mǝnana Ɓakuli pa nǝ bu Musa ka, gandǝ tsǝk kǝgir ɓǝ̀ lumsǝo kǝla mǝnana Ɓakuli earkiyice ka ɗang. Sǝ adyan ngga, à yina nǝ́ bǝsa tsǝkɓalǝu mǝnana ɓoaribanì, nǝ̀ nun sǝm aban Ɓakuli tù ka.