Amǝ Roma 7:4 - Maləmce Məfele mala Ɓakuli: Kurcau Məbəshe

⁴ Anggo gbal, wun amǝ'eambǝam, wun gbal ka wu wunî Nggurcau, acemǝnana wu nda aɓa nggurǝ Kǝrǝsti a lú male. Ado ka, wu nda ka mala Kǝrǝsti, mana à loasǝi a ɓembe ka, ace mǝnana ɓǝ̀ sǝm pusǝ aturo mǝɓoarne ace Ɓakuli.

Amǝ Roma 7:4 ပူးပေါင်းရင်းမြစ်များ

Matiu 26:26

À nda ban li girlina ka, Yesu twal bǝredi, pak yàwá pǝlǝa ɓwani, pe alaggana male sǝ nea wia ama, “Wu ang, wu li; mǝnia ka nggūrǝam na.”

Markus 4:20

Aɓea ka à nda kǝla mǝsǝɓeale mǝnana à ɓeali a nzali mǝɓoarne ka, à ok cau, à é, ɓǝla a ɓabumia; aman banì lumi-tārú, aman lumi-tongno-nong-mwashat, aman ngga lumi-lum mala gir mǝnana à ɓeal ka.

Yohana 15:8

Ɓǝ̀ wu pusǝ aɓǝla wun kpǝm ngga, nda lǝmndǝ ama wu ndaka laggana mem ngga. Sǝ mǝno gbal ka nda nǝ̀ yinì Tárram nǝ́ gulo ka.

Yohana 3:29

Manfela ka mala bura-manfela na; sǝ murǝm gyajam mala bura-manfela mǝnana cam aban kundǝe kǝ kwakikiri a rǝì ka, ban kǝ ɓoari wi arǝ ok gi bura-manfela. Mim gbal ka, ban kǝ ɓoaram arǝ cau mǝno wu banggam ngga.

Yohana 6:51

Mǝ nda girlina mala yilǝmu mǝnana sulǝ nǝ kuli ka. Ɓwa mǝnana kat li mǝnia yì girlina ka nǝ̀ dumnǝ yilǝmu mǝnana málá male pà kàm raka. Sǝ mǝnia yì girlina ka nyam nggūrǝam na, mǝnana mǝ nǝ pa ace mǝnana ɓǝ̀ ɓanza kum yilǝmu ka.”

Amǝ Roma 6:11

Anggo gbal, wu sǝn ɓamur rǝ wun ado, wu nda ka alú aban cauɓikea, sǝ aban Ɓakuli ka, wu ndanǝ yilǝmu aɓa Kǝrǝsti Yesu.

Amǝ Roma 6:14

Cauɓikea ka pà nǝ̀ duk gbani amur wun ɗang, acemǝnana wu pa ɗǝm aɓata Nggurcau ɗang, wu nda aɓata ɓwamuru mala Ɓakuli.

Amǝ Roma 6:2

Awo! Ɓakuli twalbani! Lang sǝ sǝm mǝnana sǝm angŋa dǝmbǝa sǝm wunî cauɓikea ka, sǝm nǝ̀ lidǝmbǝa nǝ do ɗǝm a ɓalǝi le?

Amǝ Roma 6:22

Sǝ ado ka, à panzǝkina wun a bu cauɓikea, wu dumǝna aguro mala Ɓakuli, gir mǝnana wu nǝ̀ kum a ɓalǝi ka nda do mǝfele, sǝ masǝlǝate ka nda yilǝmu mǝnana málá male pà kàm raka.

Amǝ Roma 7:3

Ace mani ka, ɓǝ̀ mǝnia yì mɓwama puro al ɓe ɓwabura sǝ burri na nǝ mǝsǝì ka, nda aɓa pak cauɓikea nongnǝban a nza nǝ doɓala. Sǝ ɓǝ̀ burri pak lú ka, mɓwame purni mǝno yì Nggurcau ka, nǝ̀ gandǝ al ɓe ɓwabura, sǝ ɓǝ̀ pa anggo ka, pa aɓa pak cauɓikea nongnǝban a nza nǝ doɓala ɗang.

Amǝ Roma 7:6

Sǝ adyan ngga, sǝm purnì Nggurcau, acemǝnana sǝm wuna aban agir mǝnana ɗiɗyal à bwal sǝm a guro ka. Sǝm ado ka, sǝm nggǝ pak turo ɗǝm a njar mǝ'e mala Nggurcau mana à gilǝì nǝ́ gilǝa ka ɗang; turo ma'sǝm a dyan ngga, nda a njar mǝbǝshe mala Bangŋo.

Amǝ Roma 8:2

Acemǝnana, nggurcau mala Bangŋo mǝnana yinǝa sǝm yilǝmu aɓa Kǝrǝsti Yesu ka, panzǝkina sǝm a bu nggurcau mala cauɓikea andǝ lú.

1 Amǝ Korinti 10:16

Nggearǝ kwap mǝnana sǝm nggǝ nu aban likwar mala Mǝtalabangŋo, sǝm nggǝ pak yàwá ace kǎ, nda tsǝa sǝ sǝm duk mwashat aɓa nkila Kǝrǝsti ka re? Sǝ bǝredi mǝnana sǝm nggǝ ɓwano sǝm nggǝ she a tarǝ sǝm nggǎ, nda tsǝa sǝm duk mwashat aɓa nggurǝ Kǝrǝsti ka re?

2 Amǝ Korinti 11:2

Mǝ ndanǝ mɓali amur wun, ulang mɓali mala Ɓakuli, acemǝnana, ǝn pana wun kǝla nsari ace alban aban ɓwabura mwashat, yì Kǝrǝsti nǝ ɓamuri.

Amǝ Galati 3:13

Sǝa ma do mana Kǝrǝsti yi duk su-ɓwa ace sǝm ngga, angŋǝna mur sǝm a ɓabu suban mǝnana Nggurcau yinǝi ka. Acemǝnana à gilǝa aɓa Malǝmce ama, “Suban na amur koya ɓwa mǝnana à gyari a nggun ngga.”

Amǝ Galati 5:18

Sǝ ɓǝ̀ wu nying Bangŋo mala Ɓakuli ging nǝ wun ngga, wu pa aɓata pe-púp mala Nggurcau mala Musa ɗǝm ɗang.

Amǝ Afisu 2:15

Nǝ́ lú andǝ lo male a ɓembe ka, yi wal nggurcau andǝ anzongcau, andǝ akuncau mala amǝ Yahudi. Yiu nǝ dorǝpwala a nre ka amǝ Yahudi andǝ aɓwana mǝnana amǝ Yahudi na raka. Yiu nǝ aɓwana mala amǝnia yì akāmbe ɓari ka, ɓǝa duk aɓwana mǝ'mwashati mala bǝsa nzali.

Amǝ Filipi 1:11

Wu lumsǝ nǝ aɓealǝu mala docauɓoarna, mǝnana Yesu Kǝrǝsti pea aɓalǝ wun ngga. Mǝnia ka, nǝ̀ pè Ɓakuli gulo andǝ ɓwangsǝban.

Amǝ Filipi 4:17

Ən pa aban bang mǝnia yì cau ka acemǝnana mǝ nda rǝ alta ɓoro aban wun ngga ɗang. Nda ace mǝnana ɓǝ̀ wu kum tangnakusǝu mala pe mǝɓoarne ma'wun ngga.

Amǝ Kolosi 1:10

Sǝm nggǝ pak hiwi mǝnia ka acemǝnana ɓǝ̀ do ma'wun, ɓǝ̀ gusǝlǝ Mǝtalabangŋo, ɓǝ̀ pwasǝ bumi a koya njar, nǝ pak koya turo mǝɓoarne. Anggo sǝ wu nǝ̀ nggǝ gulo aɓa surǝ Ɓakuli pepe.

Amǝ Kolosi 1:22

Sǝ adyan ngga, Ɓakuli nyesǝna wun aɓa dotarǝu andǝi, nǝ lú mala Kǝrǝsti aɓa nggūrǝi mala ɓwapǝndǝa. Nyesǝ wun ace mǝnana ɓǝ̀ pǝlǝ wun, ɓǝ̀ wu duk aɓwana ace Ɓakuli, amǝ ɗwanyi cau a rǝǔ a sǝne male, aɓwana mǝnana à pà nǝ̀ tsǝkia wia kun raka.

Amǝ Kolosi 1:6

mana à yinanǝi aban wun ngga. Mǝnia yì Cau Amsǝban ngga, nda ban mǝsǝe a ɓanza kat. Nda ban pusǝ ɓealǝu a koya ban, kǝ nggaɗi do mala aɓwana kǝla mǝnana nggaɗi do ma'wun, a pwari mǝnana wu tita o sǝ wu bwalta mǝsǝcau amur ɓwamuru mala Ɓakuli ka.

Amǝ Kolosi 2:14

Yi panzǝki ɓashi mǝnana à gilǝì amur sǝm ngga, yi kasǝki kat andǝ anzongcau mala nggurcau mǝnana à bwal sǝm nǝi ka; twalia umia kya gballia a nggun-gangndi.

Amǝ Kolosi 2:20

Wun ngga, wu wuna wunǝa Kǝrǝsti sǝ à panzǝna wun a bu rǝcandǝa mala abangŋo mala mǝnia yì ɓanza ka. Sǝ ace mana sǝ wu kǝ dukdo kǝla weama wu ndaka mala ɓanza ka? Man tsǝa sǝ wu kǝ kpata anzongcau mala amǝɓanza mǝnana ama:

Amǝ Ibǝru 10:10

Sǝ aɓa pě mala mǝno yì kànì mala Ɓakuli ka, sǝm dumǝna amale nǝ pá mǝnana Yesu Kǝrǝsti pà ɓoro nǝ nggūrǝì kusǝ mwashat ɓǝrɓǝr ace koyan ngga.

1 Bitǝrus 2:24

Yì nǝ nggearǝì ka, twal acauɓikea ma'sǝm a nggūrǝì amur nggun- gangndi, ace mǝnana ɓǝ̀ sǝm wuki cauɓikea, sǝ ɓǝ̀ sǝm duk do ɓealɓoarna. Nǝ́ anpenye male mana à tsǝki wi ka sǝ wu kum twalban rǝkwana.

Sǝna 19:7

Ɓǝ̀ sǝm pak banɓoarnado andǝ pakiɗire, sǝ ɓǝ̀ sǝm pe wi gulo. Pwari isǝban mala Mǝgam yina, sǝ Manfela male ka, gilǝkina rǝì.

Sǝna 21:9

Mwashat ata amǝturonjar mala Ɓakuli, yia mǝno tongno-nong-ɓari, mǝnana à bwal atasau mana à lumsǝkia nǝ masǝlǝata agir yinǝ tanni twal la ka, yiu abanam. Nam ama, “Yiu, mǝ nǝ lǝmndǝo Mālá Mǝgam, yì Manfela male.”