Amǝ Roma 3:9 - Maləmce Məfele mala Ɓakuli: Kurcau Məbəshe

⁹ Sǝm amǝ Yahudi ado ka, sǝm nǝ̀ ne ɓamur rǝ sǝm ama sǝm kuti acili aɓwana le? Awo, sǝm kutia ɗang ko bǝti! Acemǝnana sǝm angŋǝna dǝmbǝa sǝm lǝmndǝna ama ɓwapǝndǝa kat, amǝ Yahudi andǝ aɓwana mǝnana amǝ Yahudi na raka, à nda aɓata rǝcandǝa mala cauɓikea.

Amǝ Roma 3:9 ပူးပေါင်းရင်းမြစ်များ

Luka 7:39

Ɓwa Farisi mǝnana tunǝ Yesu arǝ girlina ka sǝn mǝnia ka. Pǝlǝa na nǝ ɓabumi ama, “Ɓǝ̀ ɓwa man ngga mǝɓangna mala Ɓakuli na ka, ɓǝ́ surǝna rǝ ɓwa mǝnana jekiyi rǝì ka, sǝ koya ulang mɓwama na man, acemǝnana mǝ'cauɓikea na.”

Amǝ Roma 1:18

Ɓakuli kǝ lǝmndǝ bumlulla male nǝ kuli amur amǝ'cauɓikea andǝ amǝ'ɓealɓikea mǝnana à kǝ par mǝsǝcau nǝ aɓealɓikea malea ka,

Amǝ Roma 11:32

Ɓakuli ka, tsǝk aɓwana kat aɓata kùrban mala mgbikiru, acemǝnana nǝ̀ lǝmndǝ ɓwamuru male aban koyana le ka.

Amǝ Roma 11:7

Sǝ ado ka mana sǝm bang le? Ani sǝ ce pa, bangula amǝ Isǝrayila ka, à kum ɓwamuru mala Ɓakuli mǝnana à alkiyite ka ɗang. Aɓwana aɓalǝia mǝnana Ɓakuli tàrria ka, à nda à kum ngga. Acilia ka ɓabumia tǝra, à mgbikiru arǝ tunǝban mala Ɓakuli.

Amǝ Roma 2:1

We ka, a kǝ twali ama a nǝ́ pakki amǝno yì aɓwana ka ɓashi, sǝ a nda kǝla yia nǝ ɓealɓikea, a panǝ kun nacau ɗang! Ɓǝ̀ we ka a na ama yia ka amǝ'ɓealɓikea na ɓǝa pea wia tanni ka, a ndaban pakki ɓamuro ɓashi, acemǝnana we mana a kǝ ɓashi aɓea ɓwana ka, kǝ àkǝ̀ gir nì na gbal a pakkiyi ka.

Amǝ Roma 3:1

Nǝ mana sǝ duk ɓwa Yahudi ka kutina ban nǝi le? Ko a na raka, kasǝ-ɓatau ka kǝgir na le?

Amǝ Roma 3:19

Sǝm sǝlǝna ama gir mǝnana kat Nggurcau na ka, nda aban ne aɓwana mǝnana à nda aɓata Nggurcau ka, ace mǝnana ɓǝ̀ ɓwa ɓǝ̀ kǝa kum kún nacau ɗang, sǝ ɓanza kat ka à nǝ̀ yinǝi a ɓadǝm ɓashi mala Ɓakuli.

Amǝ Roma 3:5

Sǝ ɓǝ̀ ɓealɓikea ma'sǝm kǝ lǝmndǝ cauɓoarna mala Ɓakuli ka, aman sǝ sǝm nǝ̀ na? Sǝm nǝ̀ na ama Ɓakuli pangŋǝna kpak, yì mǝnana ɓǝ̀ so bumlulla male amur sǝm ngga le? (Mǝnia ka nê mala ɓwapǝndǝa na.)

Amǝ Roma 6:15

Lang sǝ wu sǝni ado ɗe? Sǝm nǝ̀ lidǝmbǝa nǝ pak cauɓikea, acemǝnana sǝm pa aɓata Nggurcau ɗang, sǝm nda aɓata ɓwamuru mala Ɓakuli ka le? Awo, pà nǝ̀ pak ɗang!

Amǝ Roma 7:14

Sǝm sǝlǝna ama Nggurcau ka, gir mala Bangŋo na, sǝ mim ngga mǝ nda ɓwa aɓa nggūrǝu, guro aɓata cauɓikea.

1 Amǝ Korinti 10:19

Sǝ mana ado ǝn nggǝ earce bangŋa? Mǝ nda aban bangŋa ado ama girlina mǝnana à kǝ ɗarǝna ankúl nǝi ka kǝgir na le? Sǝ nggearǝ ankúl ka, à kǝ́ gir na le?

1 Amǝ Korinti 14:15

Sǝ ado ka, mana mǝ nǝ pa? Mǝ nǝ pak hiwi nǝ bangŋo mem, sǝ mǝ nǝ pak hiwi nǝ ɗenyicau mem gbal. Mǝ nǝ tu'nggyal nǝ bangŋo mem, sǝ mǝ nǝ tu'nggyal gbal nǝ acau mǝnana ǝn bwalta ɓalǝia ka.

1 Amǝ Korinti 4:7

We ka, a nda ɗàng andǝ acili aɓwana le? Mana gir nì a ndanǝi mǝnana à po nǝ pa raka? Sǝ ɓǝa po nǝ pa ka, man tsǝa sǝ a kǝ nggori kǝla a pak turo ace?

Amǝ Galati 3:10

Sǝ aɓwana mǝnana à makɓalǝia arǝ bwal Nggurcau ace kum akban a ɓadǝm Ɓakuli ka, à nda aɓata suban. Malǝmce ka na ama, “Suban na amur ɓwa mǝnana kat pà nǝ̀ kpata anzongcau kat mǝnana à gilǝia aɓa Malǝmce Nggurcau mala Ɓakuli raka.”

Amǝ Galati 3:22

Sǝ Malǝmce ka, bangŋa ama sǝm kat ka, sǝm nda aɓata kùrban mala cauɓikea. Kǝ njargula mǝnana sǝm nǝ̀ kum panzǝban nǝi, mǝnana Ɓakuli pacau ace ka, nda mǝnana ama ɓǝ̀ sǝm pa ɓamur sǝm aban Yesu Kǝrǝsti ka.

Amǝ Filipi 1:18

Sǝ mǝno ka kiɗiki kǝgir ɗang! Ko ɓǝ̀ nda aɓa mǝsǝcau ko aɓa nyir ka, à hamǝna nǝ Kǝrǝsti, sǝ aɓa mǝno ka ǝn nggǝ pak banɓoarnado. E, sǝ mǝ nǝ lidǝmbǝa nǝ pak banɓoarnado,