Amǝ Roma 3:3 - Maləmce Məfele mala Ɓakuli: Kurcau Məbəshe

³ Mǝsǝcau ka, aɓea ɓwana aɓalǝia ka à kpata cau mala Ɓakuli kǝla mǝnana à bangŋa ama à nǝ̀ pak ka ɗang. Sǝ ɗwanyi kpata cau malea kâ, nggaɗi domǝsǝcau mala Ɓakuli le?

Amǝ Roma 3:3 ပူးပေါင်းရင်းမြစ်များ

Matiu 24:35

Agir mǝnana a bumkuli andǝa mǝnana a nzali ka tea nǝ̀ malâ, sǝ cau mem ngga te pà nǝ̀ mal ɗang.

Yohana 1:16

Aɓa ɓwamuru andǝ mǝnbu male sǝ tsǝka sǝm bu kat, kǝ pa sǝm agir mǝɓoarne a nzǝmarǝia.

Amǝ Roma 10:16

Sǝa ma aɓwana kat sǝ ak man yì Cau Amsǝban ngga ɗang. Acemǝnana Ishaya, mǝɓangna mala Ɓakuli nǝ ɓamuri ka, bangŋa ama: “Mǝtalabangŋo, ya ɓwa na earnǝ cau mana sǝm hamnǝi ka?”

Amǝ Roma 11:29

Acemǝnana Ɓakuli ka nggaɗikiyi ma ɗenyicau male arǝ aɓoro male aban aɓwana, mana nǝ̀ ea a rǝia ɗǝm ngga ɗang, sǝ aɓwana mana tunǝia sǝ tària ka, pà nǝ̀ ginǝkia ɗang.

Amǝ Roma 9:6

Ado ka mǝ nda rǝ na ama Ɓakuli ka gandǝ lumsǝ pàcau male aban Isǝrayila ɗang le? Awo pa anggo ɗang, acemǝnana aɓwana mǝnana à ɓǝlia a Isǝrayila ka, kat sǝ à nda ka ɓwana mala Ɓakuli ɗang!

2 Amǝ Korinti 3:18

Sǝm mǝnana kat sǝm panǝ lagir a ɓamǝsǝ sǝm raka, sǝ sǝm ndarǝ lǝmndǝ ta mala ɓoarɓwa mala Ɓakuli ka, à nda rǝ nggaɗi sǝm ɓǝ̀ sǝm pa kǝla yì, nǝ ɓoarɓwa mǝnana kǝ ká nǝ ká a dǝmbǝa ka. Mǝnia yì ɓoarɓwa ka pur nǝban Mǝtalabangŋo mǝnana nda Bangŋo ka.

2 Amǝ Tasalonika 1:3

Wun amǝ'eam sǝm, dumǝna sǝm púp ɓǝ̀ sǝm nggǝ ɓwangsǝ Ɓakuli a koya pwari, ace wun, sǝ anggo ka ndanǝ ɓoaro acemǝnana paɓamuru ma'wun ngga, nda rǝ lidǝmbǝa kǝrkǝr, sǝ earcearǝu mǝnana wu ndanǝi arǝarǝ wun ngga ndarǝ gulo.

2 Timoti 2:13

Ɓǝ̀ sǝm dum nǝ mǝsǝcau raka, yì ka, dumǝna nǝ mǝsǝcau, acemǝnana pà nǝ̀ tǝmce ɓamuri ɗang.”

Amǝ Ibǝru 4:2

Sǝm ongŋǝna Cau Amsǝban mana à hamnǝi, kǝla mǝnana yia à oe ka. Sǝ cau mǝnana à ok ka, ko pusǝia a gung ɗang, acemǝnana à dapì andǝ paɓamuru ɗang.