Amǝ Roma 10:2 - Maləmce Məfele mala Ɓakuli: Kurcau Məbəshe

² Mǝ nda rǝ nakunia aɓa mǝsǝcau ama yia ka à ndanǝ bumpina arǝ kpata Ɓakuli, sǝ bumpina malea ka, pa aɓa sǝlǝe ɗang.

Amǝ Roma 10:2 ပူးပေါင်းရင်းမြစ်များ

Yohana 16:2

À nǝ̀ pǝr wun arǝ yiu aɓalǝ andakpapi, sǝ pwari na kǝ yiu ka, mana ɓwa mǝnana wal-lú wun ngga nǝ̀ twali ama nda ban pakki Ɓakuli turo.

Amǝ Mishan 21:20

À nǝ̀ ok mǝnia yì cau ka, à ɓwangsǝki Ɓakuli. Pǝlǝa à ne Bulǝs ama: Mǝ'eam sǝm Bulǝs, a sǝlǝna ama amǝ Yahudi mǝnana à pànà ɓamuria à angŋǝna Yesu ka, lakki malea na á-pas. Sǝ aɓa lakki malea mǝno kat ka, à ndanǝ bumpina arǝ kpata Nggurcau mala Musa.

Amǝ Mishan 21:28

À mak gawan bang-bang aban na ama, “Wun amǝ Isǝrayila! Wu bwala sǝm! Mǝnia yì ɓwa ka nda mǝnana kǝ kania aɓwana arǝ aban kat ɓǝa ɓǝsǝki amǝ Isǝrayila ka. Kǝ kania wia ɓǝa kǝa kpata Nggurcau mala Musa ɗǝm ɗang, sǝ ɓǝa kǝa pa gulo arǝ Ndàmǝgule mǝnia ka ɗǝm ɗang. Ndya yina nǝ aɓwana mǝnana amǝ Yahudi na raka aɓa Ndàmǝgule mala Ɓakuli, yi pǝndǝkina ce ban mǝfele mǝnia ka!”

Amǝ Mishan 22:22

Ɓwapǝndǝa kwaki kiri, yi bwal ban mǝnana Bulǝs na mǝnia yì cau ka, pǝlǝa à lo loasǝban nǝ giu kpǝm aban na ama, “Wu wali ɓǝ̀ wu! Yì ka, kārǝa ɓǝ̀ dum nǝ yilǝmu ɗang!”

Amǝ Mishan 22:3

Mim ngga mǝ nda ɓwa Yahudi. À ɓǝlam a nggeala Tarsus aɓa bu-nzali Sǝlisiya, sǝa ma ǝn gulo, sǝ à kaniam gir akani a Urǝshalima aɓata Gamaliyel. À kaniam Nggurcau mala aká sǝm nǝ kwarkiru pepe, ɓǝn kpata anzongcau kat ko mǝye na ka. Ən pa ɓamuram gbal nǝ rǝɓǝla mǝgule ace pe Ɓakuli gulo aɓa ko mana ǝn pak ka, kǝla mǝnana wu pa, wun mǝnana ado kat akani ka.

Amǝ Roma 10:1

Wun amǝ'eambǝam, ɓabumam andǝ zǝmbǝa mem aban Ɓakuli ka, nda ace amǝ Isǝrayila ɓǝa kum auwa.

Amǝ Roma 10:3

Acemǝnana yia ka à bwalta njargula mǝnana Ɓakuli akiyina aɓwana nǝi ɓǝa duk amǝ cauɓoarna abani ka ɗang, sǝ ɗǝm ngga à kutia kwakita malea yì njar mala kum akban aban Ɓakuli, nǝ ɓariki malea arǝ bwal Nggurcau. Ace mani ka, à pa ɓamuria arǝ njar mala Ɓakuli mǝnana kǝ pǝlǝna aɓwana nǝi ɓǝa duk amǝ'cauɓoarna ka ɗang.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

2 Amǝ Korinti 8:3

Mǝ nǝ gandǝ bangŋa amuria ama, à pà gir mǝnana kume malea bwal ka, yale à pà gir mǝnana kuti kume malea ka nǝ eare mala ɓabumia.

Amǝ Galati 1:14

Ən kutì aɓeam amǝlo kat aɓa peri mala amǝ Yahudi, sǝ mǝ ndanǝ ɓabumpina kǝrkǝr arǝ kuncau mala aká sǝm.

Amǝ Galati 4:15

Sǝ bumpwasǝa mǝnana wu ndanǝi ɗiɗyal ka, nda mǝ ye le? Ən sǝlǝna nǝma ɓǝ̀ nǝ̀ gandǝ pa ka, ɓǝ́ wu nǝ̀ pusǝki amǝsǝ wun, wu nǝ̀ pam mia.

Amǝ Filipi 1:9

Sǝ hiwi mem ngga, nda mǝnana ama earcearǝu ma'wun ɓǝ̀ lidǝmbǝa nǝ gulo, sǝ ɓǝ̀ wu lumsǝ nǝ surǝe andǝ bwaltagir mǝlime.

Amǝ Filipi 3:6

Ɓǝ̀ nda a cau mala pakki Ɓakuli turo nǝ bumpina ka, ɓafo ǝn pe ikǝlisiya tanni kǝrkǝr. Sǝ ɓǝ̀ kàr a bui mala docauɓoarna aɓa kpata Nggurcau ka, ko ǝn yallì kǝ ɓe ɗang.

Amǝ Kolosi 4:13

Mǝ nǝ gandǝ na kuni ama kǝ pak turo kǝrkǝr ace wun, sǝ ace amǝkwaɗi mǝnana a Lawodisi andǝ Herapoli ka.