Amǝ Roma 1:3 - Maləmce Məfele mala Ɓakuli: Kurcau Məbəshe

³ Cau Amsǝban ngga, ndá amur Muni, mǝnana do ɓanza male ka à ɓǝli a tau mala Dauda.

Amǝ Roma 1:3 ပူးပေါင်းရင်းမြစ်များ

Matiu 1:1

Aɓa malǝmce ka tau mǝnana Yesu Kǝrǝsti, Mǝkà Dauda, Mǝkà Ibǝrayim, pur kam ngga ndya ka:

Matiu 1:16

Sǝ Yakupu yi ɓǝl Yisǝfu, bura Maryamu. Maryamu na yi ɓǝl Yesu, mana à tunǝki ama Kǝrǝsti ka.

Matiu 1:6

Sǝ Jeshi yi ɓǝl murǝm Dauda. Dauda ɓǝl Solomon. Nggea Solomon ɗiɗyal ka man-lú mala Yuriya na.

Matiu 12:23

Ɓwabunda kat ndali sǝ à na ama, “Ɓwa mǝnia ka ko nda Muna mala Dauda, Mǝ'amsǝban mǝnana sǝm kundǝkiyi yiu male ka le?”

Matiu 15:22

Ɓe mɓwama Kan'ana mǝnana ndanǝ do a mǝno yì bu ban ngga, yiu abani nǝ ɓua ama, “Mǝtalabangŋo, Muna mala Dauda, sǝn mǝsǝswatǝr mem! Ɓoarnsarilem ngga nda aɓa tanni kǝrkǝr a ɓabu kukwar mǝnana kutia rǝì ka.”

Matiu 26:63

Yesu duk kuni piu. Pǝris mǝgule ne wi ama, “Ən nggǝ kpapio wunǝ Ɓakuli Mǝyilǝmuì wu bangga sǝm ko a nda Kǝrǝsti, Muna mala Ɓakuli?”

Matiu 27:43

Yì ka, guli arǝ Ɓakuli, sǝ na ama yì ka, Muna mala Ɓakuli na. Ɓǝ̀ Ɓakuli earce nǝ̀ amsǝi ka, ɓǝ̀ amsǝi ado sǝm nǝ̀ sǝni.”

Matiu 3:17

Aɓwana ok gi Ɓakuli nacau a kuli ama, “Mǝnia ka nda Munem, mǝnana ǝn earkiyice, mǝnana bumam kǝ pwasǝa rǝì kǝrkǝr ka.”

Matiu 9:27

Yesu purni ban mǝno nǝ̀ nggǝ o ka, aɓea ante ɓari lo aban ká ate. À loasǝ gia ama, “Muna mala Dauda, ɓwamur sǝm!”

Luka 1:35

Mǝturonjar eari wi ama, “Bangŋo mala Ɓakuli nǝ̀ sulǝ a muro. Rǝcandǝa mala Ɓakuli mana Karban nǝ Gulo kat ka, nǝ̀ yia zuppi a muro, sǝ Muna Mǝfele mǝnana a nǝ ɓǝli ka, à nǝ̀ tunǝi ama, Muna mala Ɓakuli.

Luka 1:69

Yi pa sǝm Mǝ'amsǝban mǝnana ndanǝ rǝcandǝa ka, a tau-murǝm mala guro male Dauda.

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 1:34

Ən sǝni sǝ ǝn bangcau amuri ama, yì ka, nda Muna mala Ɓakuli.”

Yohana 1:49

Pǝlǝa Nataniyel ne Yesu ama, “Rabbi, a nda Muna mala Ɓakuli! A nda Murǝm mala amǝ Isǝrayila!”

Yohana 10:30

Mim sǝnǝ Tárram ka sǝm nda mwashat.

Yohana 10:36

ace mana sǝ wu twali ama cau ɓǝsǝki Ɓakuli na ǝn na ka, mǝnana ǝn bang nǝma “Mǝ nda Muna mala Ɓakuli,” yì mim mǝnana Ɓakuli taram sǝ tasǝam a ɓanza ka?

Yohana 20:28

Toma pǝlǝa eari Yesu ama, “Mǝtalem andǝ Ɓakuli mem!”

Yohana 20:31

Sǝ amǝnia à gilǝia ka, nda ace mǝnana ɓǝ̀ wu earnǝi ama Yesu nda Kǝrǝsti, Mǝ'amsǝban, Muna mala Ɓakuli; sǝ aɓa paɓamuru ma'wun abani ka, wu nǝ̀ kum yilǝmu aɓa rǝcandǝa mala lullǝi.

Yohana 5:25

Mǝ nda ban na wun mǝsǝcau, pwari na ban yiu, yale pwari nì pangŋǝna, mǝnana aɓwana mana alú na ka à nǝ̀ ok gi Muna mala Ɓakuli, sǝ aɓwana mǝnana à o ka, à nǝ̀ long nǝ yilǝmu.

Yohana 7:42

Malǝmce na ama, Kǝrǝsti Mǝ'amsǝban ngga nǝ̀ pur a tau mala Dauda, sǝ à nǝ̀ ɓǝli a Betalami, la mǝnana Dauda dukam ngga.”

Amǝ Mishan 2:30

Sǝ acemǝnana yì ka, mǝɓangna mala Ɓakuli na ka, surǝna rǝ cau mǝnana Ɓakuli banggi wi nǝ kángir ama, nǝ̀ tsǝk mwashat ata amǝkè ɓǝ̀ do a bunomurǝm male ka.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

Amǝ Mishan 8:36

À nda ban ká a njargula ka, à yì bwal ɓe ban mǝnana nǝ mur ka. Pǝlǝa bedǝran na ama, “Sǝni! Mur nia ka! Mana nǝ̀ tsǝa sǝ à pà nǝ̀ pakkam batisǝma ɗang?”

Amǝ Mishan 9:20

Anggo kara tita hamnǝ cau amur Yesu arǝ andakpapi ama, “Ɓafo, Yesu ka muna mala Ɓakuli na!”

Amǝ Roma 1:9

Ɓakuli mǝnana ǝn nggǝ pakki wi turo nǝ ɓabumam kat, aɓa hamnǝ Cau Amsǝban mala Muni ka, nda mǝ'nakunam ama ǝn nggǝ pak hiwi ace wun tutu.

Amǝ Roma 4:1

Mana ado sǝm nǝ̀ na amur Ibǝrayim, yì kà-aɓwana ma'sǝm aɓa nggūrǝu? Mana gir nì na yi sǝlǝa amur cau mala do mǝ'cauɓoarna aban Ɓakuli?

Amǝ Roma 9:3

ace aɓwana mem, amǝ'eambǝam aɓa nggūrǝu ka. Ən earǝna ɓǝa suem, ko ɓǝa gau sǝm sǝnǝa Kǝrǝsti, ɓǝ̀ mǝno ka nǝ̀ kánia ɓǝa kum amsǝban ngga.

Amǝ Roma 9:5

A Ibǝrayim, andǝ Yakupu, andǝ Ishaku ka à ndaka keà mǝnana nǝ bania sǝ tau ɓǝlban aɓa nggūrǝu mala Kǝrǝsti pur ka. Ɓwangsǝban mǝnana málá male pà kàm raka ɓǝa pè Ɓakuli mǝnana nda amur aɓwana kat ka! Amin.

1 Amǝ Korinti 1:9

Ɓakuli mǝnana tunǝ wun aɓa dotarǝu wunǝa Muni Yesu Kǝrǝsti, Mǝtala sǝm ngga, mǝ mǝsǝcau na.

1 Amǝ Korinti 10:18

Wu ɗenyi nǝ amǝ Isǝrayila. Aɓwana mǝnana à kǝ li gir'nkila mǝnana à pànà ɓoro nǝi amur gyangŋan ngga, à ndanǝ kāmbe aɓa turo mana à pakki Ɓakuli amur gyangŋan ngga.

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.

1 Amǝ Tasalonika 1:10

Ɗǝm ngga à bang cau mala do kundǝmuru ma'wun arǝ yiu mala Muna mala Ɓakuli nǝ kuli, yì muna male mana loasǝi a ɓembe ka. Nda Yesu mana nda mǝ'amsǝ sǝm a bu tanni mala bumlulla mǝɓike mala Ɓakuli mǝnana kǝ yiu ka.

1 Timoti 2:5

Ɓakuli ka, nda mwashat ɓǝrɓǝr, sǝ Ɓwa mǝnana a nre ɓwapǝndǝa andǝ Ɓakuli ka, nda mwashat, yì Ɓwa kǝla Kǝrǝsti Yesu,

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

2 Timoti 2:8

Koya pwari ka, dum nǝ ɗenyicau ama, Yesu Kǝrǝsti, Mǝkà Dauda ka, à loasǝi a ɓembe. Mǝnia ka nda Cau Amsǝban mana ǝn nggǝ hamnǝi ka.

1 Yohana 1:3

Sǝm nggǝ na wun ce gir mǝnana mǝsǝ sǝm sǝni, sǝ kir sǝm oe ka, ace mǝnana wun gbal ka ɓǝ̀ wu kum dotarǝu nǝ sǝm. Sǝ dotarǝu ma'sǝm ngga, sǝm nda andǝ Ɓakuli Tarrû, andǝ Muni, Yesu Kǝrǝsti.

1 Yohana 3:23

Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.

1 Yohana 3:8

Ɓwa mǝnana lidǝmbǝa aɓa cauɓikea ka, ɓwa mala Shetan na, acemǝnana twal a tite ka, Shetan ngga mǝ'cauɓikea na. Tǝr yiu mala Muna mala Ɓakuli ka, nda ace kiɗiki aturo mala Shetan.

1 Yohana 4:15

Ɓwa mǝnana kat bang bwāng ama, Yesu ka Muna mala Ɓakuli na ka, nda aɓa dotarǝu andǝa Ɓakuli, sǝ Ɓakuli na aɓa dotarǝu andǝi.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.

1 Yohana 5:5

Sǝ yana ɓwe mǝno likiyi-murǝm amur ɓanza ka? Nda kǝ ɓwa mǝnana earǝna ama Yesu nda Muna mala Ɓakuli ka.

2 Yohana 1:7

Ən bang mǝnia ka acemǝnana amǝ swarkiban pas mana à ear ama Yesu Kǝrǝsti yiu aɓa nggūrǝu raka, à kutina a ɓanza. Ɓwa kǝla ulang amǝno ka, mǝswarkiban na sǝ ɓimǝbura mala Kǝrǝsti na.

Sǝna 2:18

Gilǝî mǝturonjar mala ikǝlisiya mǝnana a Tiyatǝra ka ama: Mǝnia ka nda cautera mǝnana pur nǝban Muna mala Ɓakuli ka. Yì nda ɓwa mana amǝsǝì kǝ earke kǝla lasǝ bǝsa, sǝ akusǝi kǝ ta gǝraɗau kǝla bolo mǝbangŋe mǝnana à kolǝi ka.