Amǝ Mishan 9:36 - Maləmce Məfele mala Ɓakuli: Kurcau Məbəshe

³⁶ Aɓa nggeala Jopa ka, ɓe ɓwama nakam, mǝkwaɗi na, lullǝi ama Tabita. (Lullǝi nǝ kun Gǝrik ka nda Dokas, ɓālǝi nda: mbamba). Yì ka, aulǝ a pakkiyi aɓwana gir mǝɓoarne ɗang, kǝ bwali amǝtǝr kam.

Amǝ Mishan 9:36 ပူးပေါင်းရင်းမြစ်များ

Matiu 25:17

Mǝturo-ɓala mǝnana ak luru mǝsǝboalo ɓari ka wari gbal kya kum mur luru ɓari amur amǝno.

Yohana 15:5

Mǝ nda nggun-anap, sǝ wu nda ka bu-nggun. Ɓǝ̀ ɓwa do a ɓalǝam, sǝ ǝn do a ɓālǝi ka, nǝ̀ pusǝ ɓǝle kpǝm. Ɓǝ̀ nǝ́ mim raka pà wù nǝ̀ gandǝ pak ɓe kǝgir ɗang.

Yohana 15:8

Ɓǝ̀ wu pusǝ aɓǝla wun kpǝm ngga, nda lǝmndǝ ama wu ndaka laggana mem ngga. Sǝ mǝno gbal ka nda nǝ̀ yinì Tárram nǝ́ gulo ka.

Amǝ Mishan 10:23

Bitǝrus pǝlǝa warinia a ɓala, à pak abǝri male. Ban fana ka, lo andǝia. Aɓea mǝkwaɗi mana a Jopa ka, à lo atea.

Amǝ Mishan 10:31

Na ama, “Karnilus, Ɓakuli ongŋǝna hiwi mo sǝ sǝnǝna aɓoro mǝnana a kǝ pe amǝtǝr ka.

Amǝ Mishan 10:8

Anzǝm mana bǝlǝnia wia ɓacau kat mǝnana mǝturonjar banggi wi ka, sǝ tasǝia a Jopa.

Amǝ Mishan 11:13

Pǝlǝa bangga sǝm cau mala mǝturonjar mala Ɓakuli mǝnana sǝni aban came a ɓala male, sǝ banggi wi ama, “Tasǝ ɓwa a Jopa aban ɓwa mana lullǝi ama Shiman Bitǝrus ka.

Amǝ Mishan 11:5

Mǝ nda aɓa nggeala Jopa, lang mǝ nda ban hiwi ka, kara Ɓakuli mǝn mǝsǝam. Ən sǝn ɓe kǝgir aban sulǝo a nzali kǝla nggurbyau mǝgule mana à mǝnni, à kǝ sulǝi nǝ kuli nǝ abui mana ine ka, pǝlǝa yiu yi came abanam.

Amǝ Mishan 9:38

Lida ka nda aban Jopa tu. Lang amǝkwaɗi o ama Bitǝrus yiu, nda a Lida ka, pǝlǝa à tasǝ aɓwana ɓari, ɓǝa kya zǝmbǝi wi ama ɓǝ̀ ɓangŋa abania a kaurǝa.

Amǝ Mishan 9:42

Mǝnia yì gir ka ceì aki ɓa Jopa kat, sǝ ɓwapǝndǝa pas pa ɓamuria aban Mǝtalabangŋo.

Amǝ Afisu 2:10

Sǝm nda ka aturobu mǝgule mala Ɓakuli. Yì ka, pusǝ sǝm abǝshe aɓa kpapi ma'sǝm sǝnǝa Kǝrǝsti Yesu, ace pakki aturo mǝɓoarne mǝnana ak dǝmbǝa cia ace sǝm ngga.

Amǝ Filipi 1:11

Wu lumsǝ nǝ aɓealǝu mala docauɓoarna, mǝnana Yesu Kǝrǝsti pea aɓalǝ wun ngga. Mǝnia ka, nǝ̀ pè Ɓakuli gulo andǝ ɓwangsǝban.

Amǝ Kolosi 1:10

Sǝm nggǝ pak hiwi mǝnia ka acemǝnana ɓǝ̀ do ma'wun, ɓǝ̀ gusǝlǝ Mǝtalabangŋo, ɓǝ̀ pwasǝ bumi a koya njar, nǝ pak koya turo mǝɓoarne. Anggo sǝ wu nǝ̀ nggǝ gulo aɓa surǝ Ɓakuli pepe.

1 Amǝ Tasalonika 4:10

Aɓa mǝsǝcau ka, mǝno nda kǝ gir mǝnana wu kǝ lǝmndǝì amǝ'eamrǝarǝu kat mǝnana aɓa nzali Masǝdoniya ka. Sǝa ma, wun amǝ'eamrǝarǝu, sǝm nggǝ kwarkir wun, wu lǝmndǝi aɓa pě mǝnana kuti mǝno ka aban ká nǝi a dǝmbǝa.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Titus 2:7

Aɓalǝ agir kat ka, we nǝ nggearǝo ka pak gir mǝɓoarne mǝnana yia ka à nǝ̀ sǝna a rǝo ka. Aɓa kanigir mo ka, lǝmndǝ mǝsǝcau andǝ pe nǝ ɓabumo kat.

Titus 3:8

Mǝnia yì cau ka, cau na à nǝ̀ guli a rǝì. Ən nggǝ earce nǝma wu cam nǝ rǝcandǝa amur amǝnia yì akanigir ka, acemǝnana aɓwana mana à nyingŋǝna ɓabumia aban Ɓakuli kat ka, ɓǝa pà ɓamuria arǝ pakki agir mǝɓoarne. Amǝnia yì akanigir ka nggea mǝɓoarne na, sǝ à ndanǝ mbweban mala bwali ko yana ka kam.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.