Amǝ Mishan 9:30 - Maləmce Məfele mala Ɓakuli: Kurcau Məbəshe

³⁰ Lang ce nǝ̀ kpa kir amǝ'eamrǝarǝu ka, kara à ɓang nǝ Sawul à um nǝi a Kaisariya, à kya tasǝ te aban ká Tarsus, a la malea.

Amǝ Mishan 9:30 ပူးပေါင်းရင်းမြစ်များ

Matiu 10:23

Ɓǝa pà wun tanni a ɓe la ka, wu ɓangŋa wu kya ɓe. Ən nggǝ na wun mǝsǝcau kaniama wu nǝ̀ mal gya arǝ ala mala amǝ Isǝrayila kat ka, Muna mala Ɓwa nyarǝna yina.

Matiu 16:13

Lang Yesu yina a nzali Kaisariya Filipi ka, ɗi alaggana male ama, “Yana ɗe aɓwana kǝ na ama nda mim Muna mala Ɓwa?”

Amǝ Mishan 1:15

Aɓalǝ anongŋo mǝno ka, amǝkpata Yesu yiu à yì rambǝa abanɓwáná, lakki malea kat ka nda gbǝman nǝ lumi-ɓari. Pǝlǝa Bitǝrus lo came na cau ama:

Amǝ Mishan 11:25

Pǝlǝa Barnabas wario a Tarsus a sǝn ban Sawul.

Amǝ Mishan 17:10

Lang du pǝndǝna ka, amǝkpata Yesu tasǝ ta Bulǝs andǝ Silas a Biriya. À yì bwalǝna ka, à kutio a ndakpapi mala amǝ Yahudi.

Amǝ Mishan 17:15

Aɓwana mana à waria tsǝkta Bulǝs ka, à wari nǝi a la mana à tunǝki ama Atina ka, sǝ à nyare à yiu a Biriya. Bulǝs banggia wia ɓǝa ne Silas andǝ Timoti ama, ɓǝa lo tu, ɓǝa kya kumi a Atina.

Amǝ Mishan 28:14

Akàm ngga, sǝm yì kum aɓea amǝ'eamrǝarǝu mǝnana à zǝmbǝa sǝm ama ɓǝ̀ sǝm do abania limo mwashat ka. Anggo sǝ sǝm yiu sǝm yì bwal Roma.

Amǝ Mishan 8:40

Sǝ Filip, nǝ nzǝmo ka, kya kum ɓamuri a ɓe la mana à tunǝki ama Azotus ka. Pǝlǝa camarǝ hamnǝ Cau Amsǝban arǝ ala aban ká a Kaisariya.

Amǝ Mishan 9:11

Pǝlǝa Mǝtalabangŋo ne wi ama, “Kyane a nreɓala mǝnana à tunǝki ama Pǝrapǝra ka, ɗice ɓeɓwa Tarsus nakam a ɓala mala Yahuda, lullǝi ama Sawul. Ndaban pak hiwi.

Amǝ Galati 1:21

Anzǝm mǝno ka ǝn wario arǝ aɓea ban aɓalǝ abu-nzali Suriya andǝ Sǝlisiya.