Amǝ Mishan 9:17 - Maləmce Məfele mala Ɓakuli: Kurcau Məbəshe

¹⁷ Pǝlǝa Hananiya lo kya kutio a ɓala mǝnana Sawul ndakam ngga. Tsǝk bui amur Sawul, sǝ na ama, “Mǝ'eamrǝarǝu Sawul, Mǝtalabangŋo Yesu mana pusǝrǝi abano amur njargula mǝnana a yiu nǝi ka, turam ace mǝnana wu kum sǝnban ɗǝm, sǝ wu lumsǝ nǝ Bangŋo Mǝfele.”

Amǝ Mishan 9:17 ပူးပေါင်းရင်းမြစ်များ

Matiu 19:13

Aɓea ɓwana yiu nǝ amuna aban Yesu ace mǝnana ɓǝ̀ tsǝkbu amuria sǝ ɓǝ̀ pakkia wia hiwi ka. Pǝlǝa alaggana mala Yesu lo, à sà arǝ aɓwana mǝno à yiu nǝ amuna ka.

Markus 5:23

ɓuakia rǝì kǝrkǝr ama, “Muna-ɓwama mem ngga rǝì eari wi ɗang, mala nǝ̀ wu. Ən nggǝ zǝmbǝo, yiu yi tsǝk buo a rǝì; twali wi ban rǝkwana male, ɓǝ̀ auwa!”

Markus 6:5

Ace ɗwanyi earnǝban malea a rǝì ka gandǝ pakkia kǝ turo mǝgulke ɗang, kǝ amǝkwano shen à ndaka mǝnana tsǝkbu amuria sǝ twalia wia ban rǝkwana ka.

Luka 1:41

Lang Alisabatu ok makkun mala Maryamu ka, muna mǝnana a bumi ka yàl hǝrkit, sǝ Alisabatu lumsǝ nǝ Bangŋo Mǝfele.

Luka 1:67

Zakariya, tar Yohana ka lumsǝ nǝ Bangŋo Mǝfele. Pǝlǝa ɓangnǝ ɓangna, bangcau mala Ɓakuli, ama:

Luka 1:76

Sǝ we munem ngga, à nǝ̀ tunǝo ama mǝɓangna mala Ɓakuli mana Karban nǝ Gulo kat ka. A nǝ aki Mǝtalabangŋo dǝmbǝa, ace gilǝki wi atanjar male,

Luka 15:30

Lang munio mǝnana kiɗiki gǝna mo arǝ amǝgyatarǝu nyarǝna ka, a yi wali wi muna jamnda mǝ'nyane!”

Luka 15:32

Ɓoaro ɓǝ̀ sǝm pak banɓoarnado andǝ bumpwasǝa, acemǝnana mǝnia yì mǝ'kyauweo ka wú, sǝ adyan ngga longŋǝna nǝ amǝsǝì; ɓwaro, sǝ à kumǝni.”

Luka 2:11

Yalung aɓa nggeala mala Dauda ka, à ɓǝlǝ́na wun Mǝ'amsǝban; yì nda Kǝrǝsti Mǝtalabangŋo.

Amǝ Mishan 10:36

Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.

Amǝ Mishan 13:3

Anzǝm gilmur andǝ hiwi ka, pǝlǝa à tsǝk abu amuria sǝ à tasǝia aban o a turo mishan.

Amǝ Mishan 13:52

Amǝkpata Yesu mana a Antiyok ka, à lumsǝ nǝ banɓoarnado andǝ Bangŋo Mǝfele.

Amǝ Mishan 19:6

Pǝlǝa Bulǝs tsǝk bui amuria, kara Bangŋo Mǝfele sulǝo amuria, à nacau nǝ akún-takuli, sǝ à hamnǝ cau mala Ɓakuli.

Amǝ Mishan 2:4

Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

Amǝ Mishan 21:20

À nǝ̀ ok mǝnia yì cau ka, à ɓwangsǝki Ɓakuli. Pǝlǝa à ne Bulǝs ama: Mǝ'eam sǝm Bulǝs, a sǝlǝna ama amǝ Yahudi mǝnana à pànà ɓamuria à angŋǝna Yesu ka, lakki malea na á-pas. Sǝ aɓa lakki malea mǝno kat ka, à ndanǝ bumpina arǝ kpata Nggurcau mala Musa.

Amǝ Mishan 26:15

Sǝ ǝn ɗiban nǝma, “A nda yan le, ɓwamǝgule?” Pǝlǝa Mǝtalabangŋo ear ama, “Mǝ nda Yesu, mǝnana a pākiyi wi tanni ka.

Amǝ Mishan 4:31

Lang à nǝ̀ mal pak hiwi ani ka, kara ban mǝnana à ram nggam ngga dǝurǝkio. Sǝ yia kat ka, à lumsǝ nǝ Bangŋo Mǝfele, sǝ à hamnǝ cau mala Ɓakuli nǝ ɓabumcandǝa.

Amǝ Mishan 6:6

Amǝnia yia aɓwana ka, nda à yì tamsǝia a ɓadǝmbǝ amǝ'mishan, à pakkia wia hiwi, sǝ à tsǝkia wia bu ka.

Amǝ Mishan 8:17

Pǝlǝa Bitǝrus andǝ Yohana tsǝk buia amuria, sǝ à kum Bangŋo Mǝfele.

Amǝ Mishan 9:18

Kara anggo ka, ɓe kǝgir kǝla anggwato nji puro aɓalǝ amǝsǝ Sawul à kpa, kara kǝ sǝnban ɗǝm. Pǝlǝa lo, à pakki wi batisǝma.

Amǝ Roma 15:7

Ace mani ka, wu ak rǝarǝ wun, kǝla mǝnana Kǝrǝsti ak wun ngga, ace mǝnana mǝnia ka, nǝ̀ yinǝì Ɓakuli gulo.

1 Amǝ Korinti 15:47

Adamu, ɓwa mǝdǝmbe ka, pur nǝ nzali, à pe nǝ dǝɓang; Kǝrǝsti, yì ɓaria Ɓwa ka, sulǝ nǝ kuli.

1 Amǝ Korinti 15:8

A masǝlǝate ka, mim mǝnana kǝla pwari ɓǝlam karǝ raka sǝ a ɓǝlam ngga, yi pusǝrǝi abanam gbal.

1 Amǝ Korinti 9:1

Mim ngga, ǝn pa mbak ata rǝam mǝ nǝ duk ulang do mǝnana ǝn earkiyi ce ka? Mim ngga mǝ nda mǝ'mishan re? Ən sǝn ma Yesu Mǝtala sǝm nǝ mǝsǝam re? Do mǝnana wu duk amǝkwaɗi ka, pà ace turo mem mǝnana ǝn pakki Mǝtalabangŋo ka re?

1 Timoti 4:14

Ce a burice ɓoro mala Bangŋo mǝnana a ndanǝi, mana à po nǝ na gi Ɓakuli, a pwari mǝnana amǝkurcau aɓwana-mǝgule amur ikǝlisiya tsǝko buia a muro ka.

1 Timoti 5:22

Ce a kaurǝa ata pe ɓwa gulo aɓa ikǝlisiya ɗang. Sǝ kǝa wu oasǝ ɓamuro aɓalǝ acauɓikea mala aɓea aɓwana ɗang. Yal ɓamuro aɓa doɓoarnsari.

2 Timoti 1:6

Ace mani ka ǝn nggǝ kasǝ ɓalǝo ama, ɓoro mala Bangŋo mǝnana Ɓakuli po a pwari mǝnana ǝn tsǝk abuam a muro ka, lo ci aɓa turo nǝ pi mala ɓabum.

Filimon 1:16

A dyan ngga, yì ka, pa kǝla guro ɗǝm ɗang. Kutini bancame mala guro. Abanam ngga, mǝ'eamrǝarǝu na mǝnana ǝn earkiyi ace raka, sǝ abano ado ka nǝ̀ kuti mǝno, dumǝna kǝla ɓwa sǝ kǝla mǝ'eamrǝarǝu aɓa dotarǝu sǝnǝa Mǝtalabangŋo.

Amǝ Ibǝru 6:2

Sǝ ɓǝ̀ sǝm ngga camarǝ ɓǝsǝlǝki kanigir amur batisǝma, andǝ tsǝkbu amur aɓwana, andǝ lo mala alú, andǝ amur kasǝ ɓashi mǝnana masǝlǝate pà kàm raka ɗang.

2 Bitǝrus 3:15

Wu ɗenyi ama, munyi mala Mǝtalabangŋo ka, nda rǝ pe ɓwapǝndǝa dǝmbǝu ɓǝ̀ kum amsǝban. Mǝnia ka, nda gir mǝnana mǝ'eamrǝarǝu Bulǝs gbal ka gilǝa wun nǝ sǝlǝe mǝnana Ɓakuli pe wi ka.