Amǝ Mishan 9:16 - Maləmce Məfele mala Ɓakuli: Kurcau Məbəshe

¹⁶ Mǝ nǝ lǝmndǝì wi agir mǝnana nǝ̀ tanni a rǝia kat ace lullǝam ngga.”

Amǝ Mishan 9:16 ပူးပေါင်းရင်းမြစ်များ

Matiu 24:9

À nǝ̀ yia bwalki wun, à nǝ̀ ká nǝ wun aban aɓwana mǝnana à nǝ̀ pa wun tanni sǝ à nǝ̀ wal lú wun ngga. Aɓwana arǝ anzali kat à nǝ̀ ɓinǝ mǝsǝ wun acemǝnana wu ndaka amǝ kpatam ngga.

Matiu 5:11

Wu ndanǝ tsǝkbu mala Ɓakuli yi mǝnana aɓwana kǝ sang wun, à kǝ pa wun tanni, à kǝ tsǝka wun acau ɗàngɗáng aɓa nyir, acemǝnana wu ndaka amǝkpatam ngga.

Yohana 15:20

Wu ɗenyi nǝ cau mǝnana ǝn bangga wun nǝma, “Kǝ guro pà kàm gulo kuti mǝtala-ɓala male ɗang.” Ɓǝa pam tanni ka, à nǝ̀ pa wun tanni gbal. Sǝ ɓǝ̀ pǝlǝa ama à kpanata kanigir mem ngga, à nǝ̀ kpata kanigir ma'wun gbal.

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Mishan 21:11

Yiu sǝ yi twal nggur-ɓunu mala Bulǝs, pǝlǝa kùr akusǝ ɓamuri andǝ abui nǝi. Pǝlǝa bangŋa ama, “Bangŋo Mǝfele na aban na ama, ‘Anggo sǝ amǝ Yahudi nǝ̀ ngga kùr mǝtala nggur-ɓunu mǝnia ka a Urǝshalima, sǝ à nǝ̀ twali à nǝ̀ pea aɓwana mǝnana amǝ Yahudi na raka.’ ”

Amǝ Mishan 21:13

Sǝ yì ka, na ama, “Mana wu pakkiyi anggo, wu tsǝk mǝrǝm a mǝsǝ wun, wu nǝ̀ ɓunggi ɓabumam? Yale kùrban na ǝn nakiyi ce ka ɗang, ko nggearǝ lú ka ǝn earǝna mǝ nǝ ngga wu, acau mala Mǝtalabangŋo Yesu.”

Amǝ Mishan 21:4

Sǝm nggea alta amǝkwaɗi mǝnana abanì ka sǝm do atea limo mwashat. Bangŋo mala Ɓakuli lǝmndǝì amǝkwaɗi mǝno ka ama ɓǝa ne Bulǝs ɓǝ̀ kǝa na ama nǝ̀ ká Urǝshalima ɗang.

Amǝ Mishan 9:14

Sǝni ado, yiu male mana akani ka, agbani pǝris nǝ pe wi rǝcandǝa ɓǝ̀ yi bwalki aɓwana kat mana à kǝ̀ peri abano ka.”

Amǝ Mishan 9:6

Sǝ ado ka lo, kutio a nggeala, à nǝ̀ ngga banggo gir mǝnana a wu nǝ pak ka.”

2 Amǝ Korinti 6:4

Akuni ka, aɓa koyagir sǝm pak ka sǝm nggǝ lǝmndǝa ama sǝm nda ka amǝturo-mishan mǝ'mǝsǝcau nì mala Ɓakuli. Sǝm nggǝ pe nǝ shakminǝu kǝrkǝr aɓalǝ atanni, aɓa rǝpina, andǝ domǝkwane.

1 Amǝ Tasalonika 3:3

Sǝm pa anggo, ace mǝnana ɓǝ̀ ɓeɓwa aɓalǝ wun, ɓǝ̀ kǝa dǝurǝo ata cau mala amǝnia yì atanni ka ɗang. Sǝ wu sǝlǝna ama mǝno ka kàni mala Ɓakuli na ace sǝm.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

2 Timoti 3:11

kat andǝ atanni mem, andǝ apatanni mana à yiu amuram ngga. À surǝna rǝ kanggǝrang tanni mǝnana à pam a Antiyok, andǝ Ikoniya andǝ Listǝra ka. Kat andǝ amani ka, Mǝtalabangŋo amsǝam aɓalǝ amǝnia yì agir ka kat.

1 Bitǝrus 4:14

Ɓǝ̀ aɓwana kǝ sang wun acemǝnana wu nda ka amǝkpata Kǝrǝsti ka, tsǝkbu na amur wun, acemǝnana Bangŋo mala gulo andǝ mala Ɓakuli sulǝna amur wun.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.