Amǝ Mishan 9:13 - Maləmce Məfele mala Ɓakuli: Kurcau Məbəshe

¹³ Sǝ Hananiya eare ama, “Mǝtalabangŋo, ǝn ongŋǝna cau mala mǝnia yì ɓwa ka a kun aɓwana pas, andǝ gir'murmwana mǝnana lǝmndǝia aɓwana mo mana a Urǝshalima ka.

Amǝ Mishan 9:13 ပူးပေါင်းရင်းမြစ်များ

Matiu 10:16

Mǝ ndya ǝn nggǝ tur wun kǝla anzur aɓalǝ anvwa bondo. Ace mani ka wu dum nǝ sǝlǝe kǝla an'yau, sǝ wu pak ɓukɓuk kǝla akutu.

Amǝ Mishan 22:4

Ən pea amǝ kpata Njar mala Mǝtalabangŋo tanni kǝrkǝr. Aɓea atea ka ǝn walia à wu tam-tam. Sǝ aɓea, aburana andǝ amamǝna ka, ǝn bwalkia ǝn turia aɓa ndàkurban.

Amǝ Mishan 8:3

Pǝlǝa Sawul lo wuni adyan aban pe ikǝlisiya tanni, kǝ kutikio arǝ aɓala, kǝ bwalki aburana andǝ amamǝna, kǝ um nǝia a ndàkurban.

Amǝ Mishan 9:1

Aɓa mǝno anggo ka, Sawul na arǝ lidǝmbǝa nǝ nabura arǝ amǝkpata Mǝtalabangŋo, kǝ earce ama nǝ̀ wal-luia. Wario aban Pǝris Mǝgule,

Amǝ Mishan 9:21

Aɓwana mǝnana kat à kwaki kiria a rǝì ka à ndali, gandǝa à ɗiban ama, “Mǝnia yì ɓwa ka, nda mana mbak kǝ lǝmndǝì amǝkpata Yesu gir'murmwana a Urǝshalima ka? Sǝ nggearǝ yiu male akani ka, pa ace mǝnana nǝ̀ yia bwalkia nǝ̀ um nǝia aban agbani pǝris a Urǝshalima ka re?”

Amǝ Mishan 9:32

Aɓa gya mala Bitǝrus arǝ ala ɗàngɗáng aban sǝn ta amǝkwaɗi ka, wario aban aɓwana mala Ɓakuli mǝnana nǝ do Lida ka.

Amǝ Mishan 9:41

Bitǝrus bwali a garabui, loasǝi tamsǝi amur akusǝi. Pǝlǝa tunǝ amǝkwaɗi andǝ aman-lú, sǝ pea wia Tabita nǝ yilǝmu.

Amǝ Roma 1:7

Ən nggǝ gilǝa wun, wun kat a Roma, mǝnana Ɓakuli earce wun sǝ tunǝ wun ɓǝ̀ wu duk amale ka. Ɓǝ̀ Ɓakuli Tar sǝm andǝ Mǝtalabangŋo Yesu Kǝrǝsti, pa wun ɓwamuru andǝ dorǝpwala.

Amǝ Roma 15:31

Wu pak hiwi ama, ɓǝ̀ ǝn api turo mǝɓike mala amǝ mgbikiru aɓa nzali Yahudi. Wu pak hiwi ɗǝm ama amǝkpata Ɓakuli mǝnana a Urǝshalima ka, ɓǝa kum ɓabum ak ɓoro mǝnana ǝn nggǝ kánia wia nǝi ka.

Amǝ Roma 16:15

Wu makki Filologus, andǝ Juliya, andǝ Nerius andǝ mǝ'nggaule, andǝ Olimpas andǝ acilia amǝkpata Ɓakuli mǝnana abania ka kun.

Amǝ Roma 16:2

Wu gingsǝi, wu é aɓa lullǝ Mǝtalabangŋo, kǝla mǝnana ɓoaro ɓǝa pakki mǝkpata Ɓakuli ka. Wu bwali wi kam aɓa gir mǝnana kat nǝ̀ earce ka. Acemǝnana yì ka, nggea gbasha mǝgule na aban ɓwapǝndǝa a là, sǝ nggearǝ mim ngga pangŋǝnam mǝɓoarne.

1 Amǝ Korinti 1:2

À tasǝi aban ká aban ikǝlisiya mala Ɓakuli mana a Korinti, yia aɓwana mǝnana à tària ɓǝa duk aɓwana mala Ɓakuli aɓa Kǝrǝsti Yesu ka. Yia andǝ aɓwana kat arǝ aban kat mǝnana à kǝ tunǝ lullǝ Mǝtalabangŋo Yesu mǝnana nda Mǝtalea andǝ Mǝtala sǝm ngga.

1 Amǝ Korinti 14:33

Acemǝnana Ɓakuli ka, Ɓakuli mala zuriki gir na ɗang, mala nongsǝ cau a tarǝia na andǝ dorǝpwala. Kǝla mǝnana ndakam arǝ abankpapi mala aɓwana mala Ɓakuli ka,

1 Amǝ Korinti 16:1

Amur cau mala ramnggi ɓoro ace bwali aɓwana mala Ɓakuli mǝnana a Urǝshalima ka: Wu pa kǝla mǝnana ǝn kania a'ikǝlisiya mǝnana a Galati ka.

1 Amǝ Korinti 6:5

Cau kǝsǝkya nǝ wun! Lang ado sǝ à nǝ̀ bangŋa ama kǝɓwa pà kàm aɓalǝ wun mwashat mǝnana ndanǝ sǝlǝe, nǝ̀ gandǝ gilǝki nre ka amǝ'eamrǝarǝu raka ɗang?

Amǝ Afisu 1:1

Mǝnia yì cautera ka pur nǝ bu Bulǝs, mǝnana à tàrì, à twali nǝ eare mala Ɓakuli ɓǝ̀ duk mǝ'mishan mala Kǝrǝsti Yesu ka. Gilǝ mǝnia yì cau ka aban ká aban aɓwana mala Ɓakuli, yì amǝkwaɗi mǝnana à pa ɓamuria aban Kǝrǝsti Yesu nǝ mǝsǝcau, a nggeala Afisu ka.

Amǝ Filipi 1:1

Cautera mǝnia ka, pur nǝban Bulǝs andǝ Timoti, aguro mala Kǝrǝsti Yesu. Aban ká aban aɓwana amǝ fele mala Ɓakuli a Filipi, yia mǝnana à nda aɓa dotarǝu andǝa Kǝrǝsti Yesu ka, kat andǝ aɓwana-mǝgule andǝ amǝ'bwalturo ɓa ndahiwi.

Amǝ Filipi 4:22

Aɓwana mala Ɓakuli kat kǝ makka wun kun, nggeamurǝmi ka amǝnana aɓa ɓala mala Kaisar ka.

Amǝ Kolosi 1:2

Aban ká aban aɓwana mala Ɓakuli mǝnana a nggeala mala amǝ Kolosi, yia amǝ'eamrǝarǝu aɓa Kǝrǝsti mǝnana à dum nǝ mǝsǝcau aban Ɓakuli ka. Tár sǝm Ɓakuli ɓǝ̀ pa wun ɓwamuru andǝ dorǝpwala.

Amǝ Ibǝru 13:24

Wu makki aɓwana-mǝgule ma'wun kun, andǝ acili aɓwana mala Ɓakuli kat. Amǝkwaɗi mǝnana amǝ Italiya na ka à kǝ makka wun kun.

Yahuda 1:3

Wun agyajam mem mǝnana ǝn earkiyi acea raka, mǝ ndanǝi a ɓabumam nǝ rǝɓǝla mǝ nǝ gilǝa wun cau amur amsǝban mǝnana sǝm kat sǝm ndanǝi ka. Sǝ ado ka ǝn nggǝ sǝni dumǝnam ama mǝ nǝ gilǝa, mǝ nǝ ɓakɓabum wun ɓǝ̀ wu munǝ ace yál dokwaɗi mana Ɓakuli pa kusǝ mwashat ɓǝrɓǝr ace anza kat, a ɓabu aɓwana male mǝnana tària ka.