Amǝ Mishan 9:10 - Maləmce Məfele mala Ɓakuli: Kurcau Məbəshe

¹⁰ Ɓe mǝkwaɗi nakam a Damaska lullǝi ama Hananiya. Mǝtalabangŋo tunǝi a lorǝo ama, “Hananiya!” Pǝlǝa eare ama, “Mǝ ndya ka, Mǝtalabangŋo.”

Amǝ Mishan 9:10 ပူးပေါင်းရင်းမြစ်များ

Amǝ Mishan 10:3

Ɓe kǝ pwari nakam, a bu-pwari tārú mana pwari pǝlǝna ka, sǝni kǝla lorǝo, sǝ lorǝo na ɗang. Sǝn mǝturonjar mala Ɓakuli aban yiu abani, yi ne wi ama, “Karnilus!”

Amǝ Mishan 11:5

Mǝ nda aɓa nggeala Jopa, lang mǝ nda ban hiwi ka, kara Ɓakuli mǝn mǝsǝam. Ən sǝn ɓe kǝgir aban sulǝo a nzali kǝla nggurbyau mǝgule mana à mǝnni, à kǝ sulǝi nǝ kuli nǝ abui mana ine ka, pǝlǝa yiu yi came abanam.

Amǝ Mishan 12:9

Bitǝrus lo puri ɓa ndàkurban aban ká ata mǝturonjar. Amǝno anggo kat ka, kǝ twali kǝla lorǝo na, ko panǝ sǝlǝe ama mǝsǝcau na ɗang.

Amǝ Mishan 16:10

Pǝlǝa sǝm lo aban ká a Masǝdoniya, acemǝnana sǝm sǝlǝna ama Ɓakuli na aban tunǝ sǝm ɓǝ̀ sǝm hamnǝ Cau Amsǝban aban aɓwana mana a bu-nzali Masǝdoniya ka.

Amǝ Mishan 16:9

A bu mǝno yì du ka, Bulǝs kum sǝnǝ aɓa Bangŋo; sǝn ɓeɓwa mala bu-nzali Masǝdoniya aban came, aban zǝmbǝi wi ama, “Yiu a Masǝdoniya, yiu bwala sǝm!”

Amǝ Mishan 18:9

Aɓe fara nǝ du ka, Mǝtalabangŋo na cau nǝ Bulǝs aɓa sǝnǝ aɓa Bangŋo ama, “Ɓangciu ɓǝ̀ kǝa pakko ɗang, sǝ kǝa na ama a nǝ nying hamnǝ cau mala Ɓakuli ɗang,

Amǝ Mishan 2:17

“Ɓakuli bangŋa ama, a masǝlǝata apwari ka, Mǝ nǝ sulǝ Bangŋo mem amur ɓwapǝndǝa kat. Amuna-burana andǝ amuna- mamǝna ma'wun, à nǝ̀ na gì Ɓakuli. Alaggana ma'wun nǝ̀ sǝn sǝna aɓa bangŋo, sǝ aɓwana-mǝgule nǝ̀ lorǝ alorǝo.

Amǝ Mishan 22:12

Aɓa mǝno yì lamǝgule ka, ɓe kǝ ɓwabura na abanì à tunǝki ama, Hananiya; mǝ'ɓanggi Ɓakuli na, bwal nggurcau mala amǝ Yahudi nǝ paɓamuru tam-tam. Amǝ Yahudi mǝnana a Damaska kat ka, à kǝ pe wi gulo.

Amǝ Mishan 9:12

Ən lǝmndǝni wi, aɓa sǝnsǝna ɓeɓwa lullǝi ama Hananiya yiu, yi tsǝk abui amuri ace mǝnana ɓǝ̀ sǝnban ɗǝm ngga.”

Amǝ Mishan 9:9

Nongŋo tārú sǝnban ɗang, lili ɗang, sǝ nu kǝgir gbal ɗang.

2 Amǝ Korinti 11:32

Mǝnana mǝ nda a Damaska ka, nggwamna mǝnana aɓata Murǝm Aritas ka, tsǝk amǝyal la arǝ akunla ama ɓǝa bwalam.

Amǝ Galati 1:17

Yale ǝn wari ma a Urǝshalima nǝma mǝ nǝ ngga ok ɓe kǝcau a kun aɓwana mǝnana à akàm dǝmbǝa aɓa turo mishan ngga ɗang. A kun mani ka, ǝn o kporong aɓa nzali Arabiya, sǝ nǝ nzǝmo ka, ǝn nyare a nggeala Damaska.