Amǝ Mishan 8:9 - Maləmce Məfele mala Ɓakuli: Kurcau Məbəshe

⁹ A mǝno yì nggeala ka, ɓeɓwa na kam lullǝi ama Shiman, yì ka, mǝɗikalu na. Kǝ pe aɓwana mǝnana a Samariya ka ndali. Kǝ twali ɓamuri ama yì ka, nggea ɓwa mǝcande na.

Amǝ Mishan 8:9 ပူးပေါင်းရင်းမြစ်များ

Yohana 7:18

Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.

Amǝ Mishan 13:6

À gya arǝ aban pas aɓa luran, à yì bwal la mana à tunǝki ama Pafos ka. Abanì sǝ à kum ɓeɓwa Yahudi mǝmonzǝe, à tunǝki ama Ba-Yesu, mǝnana twal ɓamuri aɓa nyir ama yì ka, mǝɓangna mala Ɓakuli na.

Amǝ Mishan 13:8

Sǝ mǝɓangna mǝ nyirì mǝno, mana gbal à tunǝki ama Elimas ka, camarǝ zurǝì kusǝcau, kǝ ɓariki nǝ̀ tsǝk nggwamna ɓǝ̀ kǝa surǝ mǝsǝcau ɓǝ̀ paɓamuri ɗang.

Amǝ Mishan 5:36

Wu nǝ̀ gandǝ ɗenyi ama, ɓwa kǝla Tiudas, pur a pwaryan kǝ na ama, yì ka, ɓwamǝgule na, yi mǝnana aɓwana gbǝman-ine pǝlǝ amǝkpate ka. Sǝ à yì wali wǔ, amǝ kpate gbal ka à mesǝke, sǝ cau male yi wú anggo.

Amǝ Mishan 8:11

Yia ka à nyesǝ ɗenyicau malea abani acemǝnana banì sauwuna, nda aban pea wia ndali nǝ kutan male.

2 Amǝ Tasalonika 2:4

Yì ka, nda ɓiumǝbura mǝnana kǝ loasǝ ɓamuri amur Ɓakuli andǝ agir mǝnana kat aɓwana kǝ peri abania ka. Yale nǝ̀ kutio a Ndàmǝgule mala Ɓakuli nǝ̀ duk kam, nǝ̀ na ama yì nda Ɓakuli.

2 Timoti 3:2

Ɓwapǝndǝa nǝ̀ duk amǝ earce ɓamuria, amǝ rufi ata boalo, amǝ nggori andǝ amǝ twalɓamuru. À nǝ̀ duk amǝ ɓǝsǝki Ɓakuli, andǝ amǝ mgbikiru aban atárria andǝ anggea, andǝ amǝ ɗwanyi pak yàwá, à pà nǝ̀ fali nǝ Ɓakuli ɗang.

2 Timoti 3:5

À nǝ̀ lǝmndǝi a nza kǝla yia ka aɓwana mala Ɓakuli na, sǝ à ɓinǝ pà ɓamuria arǝ rǝcandǝa mala Ɓakuli mǝnana nǝ̀ cia à nǝ̀ duk do mala amǝkwaɗi ka. A ulang amǝnia yì aɓwana ka, wu ɓanggi bania.

2 Bitǝrus 2:18

Nǝ́ naki acau mǝɓangge mala twalɓamuru malea, à kǝ swár aɓwana mǝnana à ndarǝ puro à nǝ̀ api ɓalǝ aɓwana mǝnana a do aɓa ɓwarkio mala cauɓikea ka. À kǝ ɓariki à nǝ̀ nunnia aɓalǝ asuno mǝɓane mala nggurǝ ɓwapǝndǝa mǝ'earce kìɗìkì mala cauɓikea.

Sǝna 22:15

A nza nǝ nggeala ka à ndaka amǝ do kiɗìkì kǝla anvwa, andǝ amǝ pakkia gir monzǝo, andǝ amǝ pak cauɓikea nonggi nǝ rǝarǝu, andǝ amǝ walki-alú, andǝ amǝ peri aban ankúl andǝ alú, andǝ aɓwana kat mǝnana à kǝ earce pak turo nyir, sǝ amǝ swarkiban na ka.