Amǝ Mishan 8:5 - Maləmce Məfele mala Ɓakuli: Kurcau Məbəshe

⁵ Filip ka wario a ɓe nggeala aɓa nzali Samariya, kya camarǝ hamnǝ cau mala Kǝrǝsti, Mǝ'amsǝban aban aɓwana.

Amǝ Mishan 8:5 ပူးပေါင်းရင်းမြစ်များ

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 21:8

Ban fana ka, sǝm lidǝmbǝa aban o a nggeala Kaisariya. Akano ka, sǝm yì sulǝo a ɓala mala Filip mǝ hamnǝ Cau Amsǝban. Yì ka, nda mwashat aɓalǝ aburana tongno-nong-ɓari, mǝnana amǝkwaɗi twalia a Urǝshalima ace bwal ban turo gau girlina ka.

Amǝ Mishan 5:42

Nda do ama ko aya pwari ka, ko a Ndàmǝgule mala Ɓakuli, ko arǝ aɓala, amǝ'mishan ngga, à lidǝmbǝa nǝ kanigir andǝ hama nǝ Cau Amsǝban ama, Yesu nda Kǝrǝsti, Mǝ'amsǝban.

Amǝ Mishan 6:5

Mǝnia yì cau à bang ngga, banɓoari koyan ngga a rǝì. Pǝlǝa à twal Itǝfanu, ɓwa mǝnana lumsǝ nǝ paɓamuru aban Ɓakuli andǝ Bangŋo Mǝfele ka, andǝ Filip, andǝ Pǝrokorus, andǝ Nikano, andǝ Timon, andǝ Pamena, andǝ Nikolas. Nikolas ka ɓwa nggeala Antiyok na, mǝnana kuti a kpata peri mala amǝ Yahudi ka.

Amǝ Mishan 8:1

Sawul ka ban ɓoari wi arǝ wal-lú Itǝfanu. Àkǝ̀ pwari mǝno ka pàtanni lo arǝ ikǝlisiya mana a Urǝshalima ka. Amǝkwaɗi kat à mesǝki arǝ aban ɗàngɗáng aɓa nzali Yahudi andǝ Samariya, kǝ amǝ'mishan na nǝmurǝia à ueo aɓa Urǝshalima ka.

Amǝ Mishan 8:26

Ɓe mǝturonjar mala Mǝtalabangŋo ne Filip ama, “Lo, tsǝk muro nǝ njartamur, kyane a njargula njarnza, mǝnana sulǝ a Urǝshalima aban ká Gaza ka.”

Amǝ Mishan 8:30

Filip pǝlǝa ɓangŋa wario, kya ok mǝno yì ɓwa ka nda aban ɓalgir aɓa malǝmce mala Ishaya mǝɓangna mala Ɓakuli. Sǝ Filip ɗi ama, “A bwalta gir mǝnana a ɓalkiyi ka le?”

Amǝ Mishan 8:40

Sǝ Filip, nǝ nzǝmo ka, kya kum ɓamuri a ɓe la mana à tunǝki ama Azotus ka. Pǝlǝa camarǝ hamnǝ Cau Amsǝban arǝ ala aban ká a Kaisariya.

Amǝ Mishan 8:6

Ɓwabunda kwaki kiria aban ok cau mǝnana Filip kǝ na ka nǝ ɓabumia kat, lang à sǝn agir-ndǝlǝki mǝnana kǝ pea ka.

Amǝ Mishan 9:20

Anggo kara tita hamnǝ cau amur Yesu arǝ andakpapi ama, “Ɓafo, Yesu ka muna mala Ɓakuli na!”

1 Amǝ Korinti 1:23

Sǝ ma'sǝm ngga, sǝm nggǝ hamnǝ bǝsa Cau Amsǝban mala Kǝrǝsti mǝnana à gballì a nggun-gangndi ka. Mǝnia yì bǝsa cau ka tali annda na aban amǝ Yahudi, sǝ cau mǝɓangge na aban aɓwana mala acili anzali.

1 Amǝ Korinti 2:2

Acemǝnana ǝn twal a bumam nǝma ǝn earce surǝ ɓe kǝgir aɓalǝ wun ɗang, she kǝ Yesu Kǝrǝsti, kǝ yì mǝnana à gballì amur nggun-gangndi ka.

1 Amǝ Korinti 3:11

Sǝ kǝ ɓe kusǝɓa pà kàm ɓe kǝ ɓwa nǝ̀ kwakite mǝnana nda ɗàng andǝ mana à angŋa dǝmbǝa à kwakinate ka ɗang, mǝnana nda Yesu Kǝrǝsti ka.