Amǝ Mishan 8:36 - Maləmce Məfele mala Ɓakuli: Kurcau Məbəshe

³⁶ À nda ban ká a njargula ka, à yì bwal ɓe ban mǝnana nǝ mur ka. Pǝlǝa bedǝran na ama, “Sǝni! Mur nia ka! Mana nǝ̀ tsǝa sǝ à pà nǝ̀ pakkam batisǝma ɗang?”

Amǝ Mishan 8:36 ပူးပေါင်းရင်းမြစ်များ

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Matiu 3:6

À bang acauɓikea malea, sǝ pakkia wia batisǝma a Nggeasala Jodan.

Yohana 3:23

Yohana gbal ka nda aban pak batisǝma a Ainon mǝnana aban Salim ngga, acemǝnana mur na abanì kpǝm. Ɓwapǝndǝa camarǝ yiu abani, sǝ kǝ pakkia wia batisǝma.

Yohana 3:5

Yesu ne wi ama, “Mǝ nda ban no mǝsǝcau, kǝɓwa pà nǝ̀ kuti aɓa domurǝm mala Ɓakuli ɗang, she ɓǝà ɓǝlǝni nǝ mur andǝ Bangŋo mala Ɓakuli ka.

Amǝ Mishan 10:47

“Aɓwana mǝnia ka à kumǝna Bangŋo Mǝfele kǝla mana sǝm kum ngga, kǝɓwa nakam nǝ̀ gine ama ɓǝa kǝa pakkia wia batisǝma aɓa lullǝ Yesu raka le?”

Amǝ Mishan 8:37

[Filip ne wi ama, “Ɓǝ̀ a paɓamuro nǝ ɓabumo mwashat ka, à nǝ̀ gandǝ pakko.” Pǝlǝa bedǝran eari wi ama, “Ən earǝna nǝma Yesu Kǝrǝsti ka Muna mala Ɓakuli na.”]

1 Yohana 5:6

Ɓwa mǝnana yiu nǝ múr andǝ nkila ka, nda Yesu Kǝrǝsti. Pà nǝ múr nǝmurǝì sǝ yiu ɗang, ndà nǝ múr andǝ nkila. Sǝ Bangŋo mala Ɓakuli ka nda mǝnana banggiyi mǝnia yì cau ka, acemǝnana yì Bangŋo ka, nda mǝsǝcau.