Amǝ Mishan 8:1 - Maləmce Məfele mala Ɓakuli: Kurcau Məbəshe

¹ Sawul ka ban ɓoari wi arǝ wal-lú Itǝfanu. Àkǝ̀ pwari mǝno ka pàtanni lo arǝ ikǝlisiya mana a Urǝshalima ka. Amǝkwaɗi kat à mesǝki arǝ aban ɗàngɗáng aɓa nzali Yahudi andǝ Samariya, kǝ amǝ'mishan na nǝmurǝia à ueo aɓa Urǝshalima ka.

Amǝ Mishan 8:1 ပူးပေါင်းရင်းမြစ်များ

Matiu 22:6

Acilia man ngga à bwal amuna-ɓala male à pakkia wia mǝɓane sǝ à wal-luia.

Matiu 23:34

Ace mani ka mǝ ndo mǝ nǝ tura wun ban nǝ amǝ'ɓangna, andǝ amǝ'sǝle, andǝ amǝkanigir. Aɓea atea ka wu nǝ̀ walia, wu nǝ̀ gballia a nggun; sǝ acilia ka wu nǝ̀ kwea aɓalǝ andakpapi sǝ wu nǝ̀ pǝrtea arǝ ala, wu nǝ̀ pea wia tanni.

Matiu 5:13

Wu ndaka tuɓamur mala ɓanza. Sǝ ɓǝ̀ tuɓamur ɗwanyi cyauwe male ka mana gir ni nǝ̀ tsǝi sǝ nǝ̀ cyau ɗǝm? Panǝ ɓoaro ɗǝm ɗang, à nǝ̀ sukki aɓwana nǝ̀ parki a ɓakusǝia.

Yohana 15:20

Wu ɗenyi nǝ cau mǝnana ǝn bangga wun nǝma, “Kǝ guro pà kàm gulo kuti mǝtala-ɓala male ɗang.” Ɓǝa pam tanni ka, à nǝ̀ pa wun tanni gbal. Sǝ ɓǝ̀ pǝlǝa ama à kpanata kanigir mem ngga, à nǝ̀ kpata kanigir ma'wun gbal.

Yohana 16:2

À nǝ̀ pǝr wun arǝ yiu aɓalǝ andakpapi, sǝ pwari na kǝ yiu ka, mana ɓwa mǝnana wal-lú wun ngga nǝ̀ twali ama nda ban pakki Ɓakuli turo.

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 13:1

Aɓa Ikǝlisiya mǝnana a Antiyok mala bu-nzali Suriya ka amǝ'ɓangna mala Ɓakuli nakam, andǝ amǝ kanigir. À nda ka Barnabas, andǝ Shimiyan (mǝnana à tunǝki ama Mǝpǝndǝe ka), andǝ Lukiyus (ɓwa Sayirin), andǝ Maneyan (mǝnana lo a tarǝia andǝ murǝm Hirǝdus ka), sǝ Sawul.

Amǝ Mishan 13:36

Mǝnia ka Dauda na à nakiyi cau amuri ka ɗang, acemǝnana anzǝm mana Dauda pangŋǝna gir mana kànì mala Ɓakuli na, a nza male ka, pǝlǝa wu, à ci a ɓembe ata ake, nggūrǝi ka rǝmbǝo.

Amǝ Mishan 2:47

À camarǝ ɓwangsǝki Ɓakuli, sǝ aɓwana kat ka banɓoaria wia a rǝia. Sǝ koya pwari ka, Ɓakuli kǝ tsǝa amur lakki malea nǝ aɓwana mǝnana à kǝ kum amsǝban ngga.

Amǝ Mishan 22:20

Sǝ a pwari mǝnana à wal-lú mǝ'nakuno yì Itǝfanu ka, ǝn ear nǝ mǝno yì wal-lú ka pepe. Mǝ nda kam aban came ǝn nggǝ tsǝkir anggea-daura mala aɓwana mǝnana à ɓukki à wali wu ka.”

Amǝ Mishan 26:10

Mǝnia ka nda gir mǝnana ǝn pê a Urǝshalima ka. Ən kum rǝcandǝa aban agbani pǝris, ǝn nggea bwalki aɓwana mala Ɓakuli, ǝn oasǝia a ndàkurban. Anzǝm mǝnana ɓǝa kasǝnia wia ɓashi mala lú ka, ǝn pu anzǝm amǝ wal-luia.

Amǝ Mishan 5:18

Pǝlǝa à bwal amǝ'mishan, à oasǝia a ndàkurban.

Amǝ Mishan 5:20

“Wu kyane, wu kya came a Ndàmǝgule mala Ɓakuli, wu banggi aɓwana kat cau mala mǝnia yì bǝsa yilǝmu ka.”

Amǝ Mishan 5:33

Lang amǝkurcau kat ongŋǝna mǝno yì cau ka, bumia lul kǝrkǝr, sǝ à lo ama, à nǝ̀ wal-luia.

Amǝ Mishan 5:40

sǝ a tunǝ amǝ'mishan ɓǝa kutio abania, sǝ à nunkiria, à kwea. Pǝlǝa à nea wia ama, ɓǝa kǝa na ama à nǝ̀ ɓǝsǝlǝ na cau nǝ lullǝ Yesu ɗǝm ɗang. Pǝlǝa à nyia ɓǝa o anggo.

Amǝ Mishan 7:38

Yì Musa ka, nda ata amǝ Isǝrayila aban rambǝa a njarnza; ndakam akano ata aká sǝm a tarǝia andǝ mǝturonjar mala Ɓakuli mǝnana na cau nǝi a Nkono Saina, sǝ ak acau mǝpà yilǝmuì, ace yinǝia aban sǝm.

Amǝ Mishan 7:54

Lang amǝkurcau nǝ̀ ok ana ka, kara ce nì lul bumia kǝrkǝr, à nǝm munabuia a rǝì nǝ bumlulla.

Amǝ Mishan 7:58

À bwali à nunggi, à pusǝì anzǝm nggeala, sǝ à tita ɓukki nǝ atali. Anggo ka, aɓwana mǝnana à tsǝki wi cau a rǝì ka, à nongsǝ anggea-daura malea aban ɓe mǝlagga lullǝi ama Sawul.

Amǝ Mishan 8:14

Lang amǝ'mishan mǝnana a Urǝshalima, ongŋǝna ama amǝ Samariya angŋǝna cau mala Ɓakuli ka, à tasǝ Bitǝrus andǝ Yohana abania.

Amǝ Mishan 8:2

Aɓea amǝ'ɓanggi Ɓakuli na à yì tsǝkban Itǝfanu ka. À ɓua ace kǝrkǝr.

Amǝ Mishan 8:4

Amǝkwaɗi mǝnana à mesǝki ka, à camarǝ hamnǝ Cau Amsǝban a koya ban mǝnana à wari kam ngga.

Amǝ Mishan 8:5

Filip ka wario a ɓe nggeala aɓa nzali Samariya, kya camarǝ hamnǝ cau mala Kǝrǝsti, Mǝ'amsǝban aban aɓwana.

Amǝ Mishan 9:31

Anggo sǝ ikǝlisiya aɓa nzali Yahudi kat, andǝ Galili andǝ Samariya ka, dum nǝ rǝpwala. Nǝ́ pa gbasha mala Bangŋo Mǝfele, amǝkwaɗi kum rǝcandǝa, sǝ à kǝ lakki, à do nǝ ɓanggi Mǝtalabangŋo.

Amǝ Roma 1:32

À sǝlǝna ama nzongcau mala Ɓakuli bangŋa ama, aɓwana mǝnana à kǝ pakkia ulang amǝnia yì agir ka, à nǝ̀ ká lú. Sǝ kat andǝ sǝlǝe mǝno ka à go amur pakkia agir nì nǝmurǝia ɗang, à kǝ earnǝ aɓwana mǝnana à kǝ pakkia agir nì ka.

Amǝ Filipi 1:12

Ado ka ǝn nggǝ earce ɓǝ̀ wu sǝlǝa, wun amǝ'eamrǝarǝu, ama agir mǝnana à kumam kani ka, à nda à tsǝk Cau Amsǝban akiban ngga.

Amǝ Ibǝru 11:27

Nǝ́ paɓamuru sǝ Musa nying nzali Masar, ɓangciu pakki wi arǝ bumlulla mala murǝm ɗang. Lidǝmbǝa aban o, ɓinǝ pǝlǝ mǝsǝì a nzǝmi, kǝla ɓwa mǝnana tsǝngŋǝna mǝsǝì jik arǝ Ɓakuli, yi mana à sǝnggiyi raka.