Amǝ Mishan 7:8 - Maləmce Məfele mala Ɓakuli: Kurcau Məbəshe

⁸ Pǝlǝa Ɓakuli pe Ibǝrayim kurcau mala kasǝ ɓatau. Anggo, lang Ibǝrayim ɓǝlna Ishaku ka, kasǝi wi ɓate a tongno-nong-tāruia nongŋo. Ishaku ɓǝl Yakupu, sǝ Yakupu yì ɓǝl aká sǝm mǝnana lum-nong-ɓari ka.

Amǝ Mishan 7:8 ပူးပေါင်းရင်းမြစ်များ

Matiu 1:2

Ibǝrayim ɓǝl Ishaku, Ishaku ɓǝl Yakupu, Yakupu ɓǝl a Yahuda andǝ amǝ'eambǝi,

Yohana 7:22

Musa pà wun Nggurcau mala kasǝ-ɓatau kat andǝ amani ama yì nǝ̀ tite raka, aká wun nǝ̀ tite. Ace mani ka wu kǝ kasǝi muna ɓate a pwari Sabbat, pwari usǝlǝo.

Amǝ Mishan 2:29

Wun amǝ'eambǝam, mǝ nǝ gandǝ na wun nǝ rǝcandǝa ama, kà-sǝm Dauda ka wú, sǝ à cì a ɓembe, sǝ ba yalung, ɓembe male nia aban sǝm ngga.

Amǝ Roma 4:10

Sǝ lang sǝ Ɓakuli é? Ɓakuli é mǝ'cauɓoarna na anzǝm mǝnana à kasǝni wi ɓate ka le, ko Ɓakuli é anggo sǝ ɓǝa yi kasǝi wi ɓate? Ɓakuli ak Ibǝrayim sǝ à yì kasǝi wi ɓate nǝ nzǝmo!

Amǝ Galati 3:15

Wun amǝ'eamrǝarǝu, mǝ mǝnba wun ɓa mǝnia yì cau ka arǝ do mala ɓwamǝpǝnde: Kǝla mana ɓwa pà nǝ̀ gandǝ yâl cau mǝnana à earǝna amuri, ko nǝ̀ yiu nǝ ɓe kǝ cau ɗàng ama nǝ̀ tsǝa amuri nǝ̀ nggaɗi raka, anggo sǝ mǝnia pa.

Amǝ Galati 3:17

Mǝnia ka nda gir mǝnana ǝn nggǝ earce ne ka: Ɓakuli kurcau aban Ibǝrayim, sǝ bangŋǝna ama cau male ka nǝ̀ lumsǝì. Nggurcau mǝnana Ɓakuli yi pa, nǝ bu Musa a nzǝm mana apǝlǝa gbǝman ine nǝ lumi-tārú (430) kutikina ka, pà nǝ̀ kasǝ mǝno yì kurcau, sǝ nǝ̀ nyesǝ pacau mala Ɓakuli ɓǝ̀ duk ɓà ka ɗang.

Amǝ Ibǝru 7:4

Wu sǝn ulang gulo mala mǝnia yì ɓwa mǝnana kà-sǝm Ibǝrayim pe wi mwashat-aɓa-lum mala agir mǝnana pwan a kun munǝo ka.