Amǝ Mishan 7:25 - Maləmce Məfele mala Ɓakuli: Kurcau Məbəshe

²⁵ Musa twali ama aɓwana male, yì amǝ Isǝrayila, à nǝ̀ sǝlǝ ama Ɓakuli na aban pangŋa turo nǝi ɓǝ̀ amsǝia, sǝ ko à surǝ mani ɗang.

Amǝ Mishan 7:25 ပူးပေါင်းရင်းမြစ်များ

Markus 9:32

Sǝ ko à bwalta gir mǝnana banggiyi ka ɗang, sǝ ɓangciu pakkia wia ɓǝa ɗi amuri.

Luka 18:34

Sǝ ko alaggana male bwalta kǝgir aɓa mǝnia yì acau ka ɗang. À sǝmbǝrǝia wia ɓālǝi, ko à surǝ gir mǝnana kǝ na cau amuri ka ɗang.

Luka 9:45

Sǝ alaggana ka à surǝ ɓa mǝnia yì cau ka ɗang. Ceì sǝmbǝrǝia wia à gandǝ bwalte ɗang, sǝ ɓangciu pakkia wia ɓǝa ɗi amuri.

Amǝ Mishan 14:27

Lang à bingŋǝna ka, pǝlǝa à rambǝa amǝkwaɗi abanɓwáná, sǝ à banggia wia agir mǝnana kat Ɓakuli pe nǝ ta buia, andǝ njar mala paɓamuru mǝnana Ɓakuli mǝnmbi aɓwana mana amǝ Yahudi na raka gbal.

Amǝ Mishan 15:4

Lang à yina a Urǝshalima ka, amǝkwaɗi andǝ amǝ'mishan andǝ aɓwana-mǝgule amur amǝkwaɗi gingsǝia. Pǝlǝa yia ka à twal gir mǝnana kat Ɓakuli pak nǝia aɓa gya malea ka, à banggia wia.

Amǝ Mishan 15:7

Anzǝm naki acau pas ka, Bitǝrus lo came, sǝ nea wia ama: Wun amǝ'eamrǝarǝu, wu sǝlǝna ama aɓea apwari mǝno a kuti ka, Ɓakuli twalam aɓalǝ wun mǝ hamnǝ Cau Amsǝban aban aɓwana mana amǝ Yahudi na raka. Ɓakuli tasǝam ace mǝnana yia gbal ka, ɓǝa o, ɓǝa paɓamuria aban Yesu.

Amǝ Mishan 21:19

Anzǝm makkun ngga, Bulǝs bǝl ɓalǝ agir mwashat-mwashat, mǝnana Ɓakuli pea nǝ bu turo mishan male aɓalǝ aɓwana mǝnana amǝ Yahudi na raka.

Amǝ Mishan 7:24

Kya sǝn ɓe ɓwa-Masar aban pakki ɓe ɓwa-Isǝrayila gir mǝnana ɓoar raka, ɓà. Nda sǝ lo kya cama ta ɓwa-Isǝrayila, ak munǝo, pǝlǝa wal-lú ɓwa-Masar.

Amǝ Mishan 7:26

Ban fana ka yi kumǝna amǝ Isǝrayila ɓari aban munǝo, pǝlǝa kutia gakia. Nea wia ama, “Wu ndaka amǝ'eamrǝarǝu amǝ Isǝrayila wun kǝm, sǝ palang sǝ wu kǝ munǝo a rǝarǝ wun?”

Amǝ Roma 15:18

Amuri ka, ǝn nggori nǝ kǝgir ɗang, she kǝ gir mǝnana Kǝrǝsti pe nǝ buam aban yinǝ aɓwana mala acili anzali, aban oki Ɓakuli nǝ cau mǝnana ǝn hamnǝi andǝ turo mǝnana ǝn pe aɓalǝia ka.

1 Amǝ Korinti 15:10

Ɓǝ̀ mana gir nì mǝ nda ado ka, nda acemǝnana ɓwamuru mala Ɓakuli nǝ̀ cem sǝ ǝn duk gir nì, sǝ mǝnia yì ɓwamuru à lǝmndǝam ngga yi duk ɓà ɗang. Yale ǝn pak turo ǝn kuti koyan ata amǝ'mishan ngga, sǝ mǝnia ka sǝlǝpe mem na ɗang, ko bǝti, ɓwamuru mala Ɓakuli mana nda atam ngga, nǝ̀ pak mani kat.

1 Amǝ Korinti 3:9

Sǝm ngga sǝm ndaka amǝturo sǝnǝa Ɓakuli. Sǝ wun ngga, wu nda ka ɓaban mala Ɓakuli mǝnana rikiyi ka. Ɗǝm ngga, wu nda ka ɓah mala Ɓakuli mǝnana ɓakkiyi ka.

2 Amǝ Korinti 6:1

Acemǝnana sǝm nda ɓituro sǝnǝa Ɓakuli ka, sǝm nggǝ zǝmbǝa wun, wu kǝa ak ɓwamuru mala Ɓakuli mǝnana pa wun ngga ɓa, wu pangŋǝna turo nǝi ɗang.

Amǝ Kolosi 1:29

Ace mani ka ǝn nggǝ pak turo, ǝn nggǝ ɓariki kǝrkǝr, nǝ guli arǝ rǝcandǝa mǝgule mala Kǝrǝsti mǝnana pakkiyi turo a ɓalǝam ngga.