Amǝ Mishan 6:9 - Maləmce Məfele mala Ɓakuli: Kurcau Məbəshe

⁹ Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Mishan 6:9 ပူးပေါင်းရင်းမြစ်များ

Matiu 10:17

Wu par kir wun nǝ aɓwana. À nǝ̀ ká nǝ wun aban amǝɓashi. À nǝ̀ kok wun aɓalǝ andakpapi malea.

Matiu 23:34

Ace mani ka mǝ ndo mǝ nǝ tura wun ban nǝ amǝ'ɓangna, andǝ amǝ'sǝle, andǝ amǝkanigir. Aɓea atea ka wu nǝ̀ walia, wu nǝ̀ gballia a nggun; sǝ acilia ka wu nǝ̀ kwea aɓalǝ andakpapi sǝ wu nǝ̀ pǝrtea arǝ ala, wu nǝ̀ pea wia tanni.

Matiu 27:32

Lang à purni ɓa nggeala ka, à kya je andǝ ɓeɓwa mala nggeala Sayirin, lullǝi ama Shiman. À tsǝi púp ɓǝ̀ aki Yesu twal nggun-gangndi.

Markus 13:9

Wu do nǝ yal ɓamur rǝ wun! À nǝ̀ oasǝki mur wun aban amǝ ɓashi, à nǝ̀ kwak wun arǝ andakpapi. Sǝ acemǝnana wu nda ka amǝ kpatam ngga, à nǝ̀ kánǝ wun a ɓashi a ɓadǝmbǝa anggwamna andǝ amurǝma. Aɓa mǝno anggo ka wu nǝ̀ kumo wu nǝ̀ duk amǝ'nakunam abania.

Luka 21:12

Sǝ kaniama amǝnia yì agir nǝ̀ kumban ngga, à nǝ̀ bwalki wun, à nǝ̀ pa wun tanni. À nǝ̀ ká nǝ wun a ɓashi arǝ andakpapi, à nǝ̀ kur wun arǝ andakurban, à nǝ̀ ká nǝ wun aban amurǝma andǝ anggwamna, acemǝnana wu nda ka amǝ kpatam ngga.

Amǝ Mishan 11:20

Sǝa ma aɓea amǝkwaɗi mana à pur nǝ luran Sayipǝrus andǝ nggeala Sayirin ka, à kutio à wario a Antiyok, à kya tita hamnǝ Cau Amsǝban mala Mǝtalabangŋo Yesu aban aɓwana mala aɓea anzali.

Amǝ Mishan 13:1

Aɓa Ikǝlisiya mǝnana a Antiyok mala bu-nzali Suriya ka amǝ'ɓangna mala Ɓakuli nakam, andǝ amǝ kanigir. À nda ka Barnabas, andǝ Shimiyan (mǝnana à tunǝki ama Mǝpǝndǝe ka), andǝ Lukiyus (ɓwa Sayirin), andǝ Maneyan (mǝnana lo a tarǝia andǝ murǝm Hirǝdus ka), sǝ Sawul.

Amǝ Mishan 13:45

Lang aɓwana-mǝgule mala amǝ Yahudi nǝ̀ sǝn aɓwabunda ka, kara mɓali pakkia wia, à kǝ makgir nǝ cau kat mǝnana Bulǝs bang ngga, à kǝ sanggì.

Amǝ Mishan 15:23

À tasǝia nǝ mǝnia yì cautera ka: Cau mǝnia ka pur aban sǝm, amǝ'mishan andǝ aɓwana-mǝgule amur amǝkwaɗi, amǝ'eam wun. Sǝm nggǝ tasǝ makkun aban amǝ'eamrǝarǝu kat, mana amǝ Yahudi na raka, mana à ndanǝ do a Antiyok, andǝ acilia aban aɓalǝ abu-nzali Suriya, andǝ Sǝlisiya ka.

Amǝ Mishan 15:41

Pǝlǝa Bulǝs lidǝmbǝa nǝ gya a tarǝia andǝ Silas aɓalǝ abu-nzali Suriya andǝ Sǝlisiya, kǝ kwarkir amǝkwaɗi aban pea wia rǝcandǝa.

Amǝ Mishan 16:6

Bulǝs andǝ aɓi amǝgya à o arǝ abu-nzali Firigiya andǝ Galati, acemǝnana Bangŋo Mǝfele earia wia ama ɓǝa hamnǝ cau a bu-nzali Asiya ɗang.

Amǝ Mishan 18:24

A baku mǝno ka, ɓeɓwa Yahudi mana à tunǝki ama Apolo, mǝnana pur nǝ nggeala Alizandǝriya ka, yiu a Afisu. Yì ka, ɓwa na ndanǝ sǝlǝ nacau, sǝ surǝ Malǝmce mala Ɓakuli kǝrkǝr.

Amǝ Mishan 19:10

Bulǝs lidǝmbǝa nǝ kanigir a mǝno yì ndà-kanigir ka, kya bwal pǝlǝa ɓari, sǝ ace mǝno ka aɓwana kat mana nǝ do a bu-nzali mala Asiya ka, amǝ Yahudi andǝ amǝ Gǝrik, à ok cau mala Mǝtalabangŋo.

Amǝ Mishan 19:26

A dyan ngga, wu nda wu kǝ sǝni sǝ wu kǝ oe nǝ akir wun, gir mǝnana mǝnia yì ɓwa à tunǝki ama Bulǝs kǝ pe ka. Nda ban na ama agir mǝnana aɓwapǝndǝa pe nǝ buia sǝ à kǝ peri abania ka, agir na à nǝ̀ peri abania ɗang ko bǝti, sǝ nda kǝ̀ pwan ɓabum ɓwapǝndǝa ka. Tsǝngŋǝnia à ɓwarkini tanjar akani aɓa Afisu andǝ bu-nzali Asiya kat.

Amǝ Mishan 21:27

Anonggeo tongno nong-ɓari mala mǝno yì gilǝki rǝia ka a malanǝ mala, sǝ aɓea amǝ Yahudi mǝnana à pur a bu-nzali Asiya ka, à sǝn Bulǝs aɓa Ndàmǝgule mala Ɓakuli. Pǝlǝa à swarkita ɓwabunda kat, kara à bwal Bulǝs.

Amǝ Mishan 21:39

Bulǝs na ama, “Awo, Mim ngga mǝ nda ɓwa Yahudi, a ɓǝlam a Tarsus, nggeala aɓa bu-nzali Sǝlisiya. Mǝ nda muna nggeala mǝɓoarne. Ən nggǝ zǝmbǝo nyinggam njar mǝ nea aɓwana mǝnia ka cau.”

Amǝ Mishan 22:19

Pǝlǝa ǝn ne wi nǝma, “Mǝtalabangŋo, kǝla yia ka à sǝlǝna ama, a koya ndakpapi ka ǝn wario ǝn nggǝ bwalki amǝ kpato, ǝn nggǝ pea wia tanni.

Amǝ Mishan 22:3

Mim ngga mǝ nda ɓwa Yahudi. À ɓǝlam a nggeala Tarsus aɓa bu-nzali Sǝlisiya, sǝa ma ǝn gulo, sǝ à kaniam gir akani a Urǝshalima aɓata Gamaliyel. À kaniam Nggurcau mala aká sǝm nǝ kwarkiru pepe, ɓǝn kpata anzongcau kat ko mǝye na ka. Ən pa ɓamuram gbal nǝ rǝɓǝla mǝgule ace pe Ɓakuli gulo aɓa ko mana ǝn pak ka, kǝla mǝnana wu pa, wun mǝnana ado kat akani ka.

Amǝ Mishan 23:34

Nggwamna pǝlǝa ɓal cautera sǝ ɗi Bulǝs aya buban sǝ puro. Lang yì ka, ongŋǝna ama Bulǝs pur a bu-nzali Sǝlisiya ka,

Amǝ Mishan 24:18

Mǝ ndaban pak mǝnia ka sǝ à yì kumam a Ndàmǝgule mala Ɓakuli, ǝn malǝna pakkiagir mala lak rǝǔ, kǝ ɓwabunda pa atam ɗang, sǝ loasǝban pa abanì ɗang.

Amǝ Mishan 26:11

Kusǝ pas ǝn tsǝa à pea wia tanni arǝ andakpapi, ǝn nggǝ cia ɓǝa makgir kpata Yesu. Acemǝnana ǝn ɓinǝ mǝsǝia kǝrkǝr ka, ǝn zuppi atea arǝ aɓea anggea-là ace ká pea wia tanni.

Amǝ Mishan 6:10

Sǝ Bangŋo mala Ɓakuli pe Itǝfanu sǝlǝe mǝnana ɓǝ̀ na cau ka, kǝɓwa atea gandǝ makgirì ɗang.

1 Amǝ Korinti 1:20

Sǝ ake sǝ amǝ'sǝle pa? Sǝ amǝɓalgir ka à nda ke? Amǝ sǝlǝ makgir amur acau mala ɓanza man ngga à nda ke? Ɓakuli lǝmndǝ ma ama sǝlǝe mala ɓanza ka gǝmi na re?

Amǝ Galati 1:21

Anzǝm mǝno ka ǝn wario arǝ aɓea ban aɓalǝ abu-nzali Suriya andǝ Sǝlisiya.