Amǝ Mishan 6:14 - Maləmce Məfele mala Ɓakuli: Kurcau Məbəshe

¹⁴ Sǝm oe bangŋa ama, mǝnia yì Yesu, Ɓwa Nazarat ka, nǝ̀ arki Ndàmǝgule mala Ɓakuli, sǝ nǝ̀ nggaɗi akuncau mǝnana Musa nyingga sǝm mia ka!”

Amǝ Mishan 6:14 ပူးပေါင်းရင်းမြစ်များ

Matiu 26:61

À na ama, “Mǝnia yì ɓwa ka bangŋa ama yì ka, nǝ̀ gandǝ arki Ndàmǝgule mala Ɓakuli sǝ nǝ̀ nyare nǝ̀ ɓè aɓa nongŋo tārú.”

Markus 14:58

“Sǝm oe bangŋa ama, ‘Mǝ nǝ arki Ndàmǝgule mala Ɓakuli mǝnana a ɓe nǝ bu ka, sǝ anzǝm nongŋo tārú ka, mǝ nǝ ɓak ɓe mǝnana à ɓe nǝ bu raka.’ ”

Luka 21:24

À nǝ̀ wal-lú aɓea ɓwana atea nǝ nggeabyau, sǝ aɓea ɓwana ka à nǝ̀ bwalia guro à nǝ̀ umnǝia arǝ anzali kat mala ɓanza. Aɓwana mana amǝ Isǝrayila na raka à nǝ̀ parki Urǝshalima aɓata rǝcandǝa malea, à nǝ̀ pak ce acau male ɓà, ba lumsǝo mala apwari mana Ɓakuli kasǝa acea, yia aɓwana mana amǝ Isǝrayila na raka.

Luka 21:6

“Ɓǝ̀ mala agir mǝnana wu kǝ sǝnia à nda ka, ɓe pwari nǝ̀ yiu mǝnana kǝ ɓe tali pa kàm à nǝ̀ ɗeki aban came amur ɓe ka ɗang. Ko mǝyani ka à nǝ̀ rambǝi à nǝ̀ turi a nzali.”

Yohana 2:19

Yesu earia wia ama, “Wu arki man yì Ndàmǝgule mala Ɓakuli ka, sǝ aɓa nongŋo tārú ka mǝ nǝ loasǝi ɗǝm.”

Yohana 4:21

Yesu eari wi ama, “Mɓwama, earnǝ cau mǝnana ǝn nggǝ banggo ka. Pwari na kǝ yiu ka mǝnana peri aban Ɓakuli ka, pà nǝ̀ pa amur nkono man ko aɓa Urǝshalima ka ɗang.

Amǝ Mishan 15:1

Aɓea amǝkwaɗi pur a nzali Yahudi à yiu à Antiyok a bu-nzali Suriya. À tita kani amǝkwaɗi ama, “Ɓǝa kasǝa wun ɓata wun, kǝla mana Nggurcau mala Musa kànì raka, pa wu nǝ̀ kum amsǝban ɗang.”

Amǝ Mishan 21:21

Aɓea ɓwana yiu à yì banggi amǝ Yahudi amǝkwaɗi mǝnana akani a Urǝshalima ka cau amuro. À bang ama, we ka a kǝ kania amǝ Yahudi kat mǝnana a do a nzali mala aɓwana mǝnana amǝ Yahudi na raka, ɓǝa ɗeki kpata Nggurcau mala Musa. À na ama, weama ɓǝa kǝa kasǝ ɓata amunia ɗang, sǝ ɓǝa kǝa kpata kuncau mala amǝ Yahudi ɗang.

Amǝ Mishan 25:8

Pǝlǝa Bulǝs bǝl kuni na ama: “Mim ngga ǝn pak ma kǝgir mǝɓane arǝ Nggurcau mala amǝ Yahudi, ko arǝ Ndàmǝgule mala Ɓakuli, ko arǝ Nggwamnati mala Roma ka ɗang.”

Amǝ Mishan 26:3

Nggeamurǝmi ata agir mǝnana ɓoar nǝi ka, nda mǝnana ama we ka, a surǝna rǝ cau mala akuncau andǝ akunɓuana mala amǝ Yahudi. Ace mani ka ǝn nggǝ zǝmbǝo, kwaki kiro oem, nǝ munyi.

Amǝ Mishan 28:17

Anzǝm anongŋo tārú ka, Bulǝs tunǝ aɓwana-mǝgule mala amǝ Yahudi mǝnana aban mǝno ka à kpapi. Lang à yì rambǝna ka, pǝlǝa banggia wia ama: Wun amǝ'eambǝam amǝ Isǝrayila, kat andǝ amani ama ǝn pak kǝgir mǝɓane aban aɓwana mem ko arǝ acau mala do kpata kuncau mala aká sǝm raka, à bwalam à kùrram a Urǝshalima. Sǝ à yiu nǝ mim à yì pe amǝ Roma.

Amǝ Galati 3:19

Sǝ mana ɗe nda tǝr pa Nggurcau? Ɓakuli pa Nggurcau nǝ nzǝmo, ace mǝnana ɓǝ̀ lǝmndǝì ɓwapǝndǝa acauɓikea malea. Sǝ Nggurcau ka à ci ama ɓǝ̀ pak turo ɓǝ̀ kya bik pwari yiu mala mǝno yì muna mala Ibǝrayim, mǝnana Ɓakuli pacau ace ka. Ɓakuli pa Nggurcau male nǝ bu amǝturonjar aban Musa, mǝnana do a nre ka aɓwana andǝ Ɓakuli ace banggia wia cau mala Nggurcau ka.

Amǝ Galati 3:23

Kaniama njargula paɓamuru aban Kǝrǝsti ɓǝ̀ yiu aban sǝm ngga, à bwal sǝm aɓata kùrban mala Nggurcau. À kasǝ kun sǝm ba yiu mala yì paɓamuru ɓǝ̀ yi lǝmndǝ rǝì ɓǝ̀ sǝm surǝì.