Amǝ Mishan 6:12 - Maləmce Məfele mala Ɓakuli: Kurcau Məbəshe

¹² Anggo sǝ à soa bum amǝ Yahudi andǝ aɓwana-mǝgule andǝ amalǝm Nggurcau mala Musa. À lo à bwal Itǝfanu à um nǝi aban amǝɓashi.

Amǝ Mishan 6:12 ပူးပေါင်းရင်းမြစ်များ

Matiu 26:57

Aɓwana mǝno à bwal Yesu ka à um nǝi aban pǝris mǝgule, yì Kayafas. Akano sǝ amǝkani Nggurcau mala Musa andǝ aɓwana-mǝgule yi dapia.

Matiu 5:22

Sǝ mim ngga ǝn nggǝ na wun ama ɓwa mǝnana bumi lullo arǝ ɓi ka à nǝ̀ pakki wi ɓashi. Sǝ ɗǝm ngga à bangŋa ama ɓwa mǝnana tunǝî ɓì ɓwaɓana ka à nǝ̀ ká nǝi aban amǝɓashi. Sǝ mim ngga ǝn nggǝ na wun ama ɓǝ̀ a ne ɓwa ama “We ɓwazalǝa” ka, a nda ɓa ká tanni mala ɓashi lu-bǝsa.

Luka 20:1

A ɓe kǝ pwari Yesu naban kani aɓwana gir a Ndàmǝgule mala Ɓakuli, sǝ kǝ hamnǝ Cau Amsǝban, agbani pǝris andǝ amalǝm Nggurcau mala Musa andǝ akapana yia kat à yiu abani.

Amǝ Mishan 13:50

Pǝlǝa aɓwana-mǝgule mala amǝ Yahudi soakita aɓwana-mǝgule mala nggeala, andǝ aɓea amamǝna amǝgulo mala aɓwana mǝnana amǝ Yahudi na raka, mana à kǝ peri aban Ɓakuli ka. A tita pe Bulǝs andǝ Barnabas tanni, pǝlǝa à pǝria à puri ɓa nzali malea.

Amǝ Mishan 14:2

Sǝ amǝ Yahudi mana à paɓamuria raka, à soakita aɓwana mana amǝ Yahudi na raka, ɓǝa pǝlǝ arǝ amǝkwaɗi, ɓǝa ɓinǝ mǝsǝia.

Amǝ Mishan 17:13

Lang amǝ Yahudi mana a Tasalonika ongŋǝna ama a Bulǝs na ban hamnǝ cau mala Ɓakuli a Biriya ka, à yiu abanì à yì soakita aɓwana kam pas, à lo loasǝban.

Amǝ Mishan 18:12

Lang à tsǝngŋǝna Galiyo, ɓwa Roma a Nggwamna mala bu-nzali Akaya ka, aɓea amǝ Yahudi mana à ndanǝ do abanì ka, à kur kunarǝia à bwal Bulǝs, à wari nǝi a ɓadǝm Nggwamna ace ɓashi.

Amǝ Mishan 21:27

Anonggeo tongno nong-ɓari mala mǝno yì gilǝki rǝia ka a malanǝ mala, sǝ aɓea amǝ Yahudi mǝnana à pur a bu-nzali Asiya ka, à sǝn Bulǝs aɓa Ndàmǝgule mala Ɓakuli. Pǝlǝa à swarkita ɓwabunda kat, kara à bwal Bulǝs.

Amǝ Mishan 5:18

Pǝlǝa à bwal amǝ'mishan, à oasǝia a ndàkurban.

Amǝ Mishan 5:27

Pǝlǝa à kuti nǝ amǝ'mishan à yì tamsǝia a ɓadǝm amǝkurcau, sǝ Pǝris Mǝgule pakkia wia ɗiban,

Amǝ Mishan 6:11

Pǝlǝa à soakita aɓea aɓwana aɓa sǝmbǝrǝa ama ɓǝa na ama, “Sǝm oe aban kyauwiki Musa, sǝ kǝ na cau mǝɓane amur Ɓakuli.”