Amǝ Mishan 6:10 - Maləmce Məfele mala Ɓakuli: Kurcau Məbəshe

¹⁰ Sǝ Bangŋo mala Ɓakuli pe Itǝfanu sǝlǝe mǝnana ɓǝ̀ na cau ka, kǝɓwa atea gandǝ makgirì ɗang.

Amǝ Mishan 6:10 ပူးပေါင်းရင်းမြစ်များ

Luka 1:17

Nǝ̀ aki Mǝtalabangŋo dǝmbǝa, nǝ̀ pak turo aɓa bangŋo andǝ rǝcandǝa, ulang mala Iliya mǝɓangna mala Ɓakuli. Nǝ̀ yinǝ dotarǝu mala atárru andǝ amunia. Nǝ̀ nyesǝ amǝ'mgbikiru ɓǝa kum sǝlǝe mala amǝ ɓealɓoarna, ace tsǝk aɓwana ɓǝa gilǝki rǝia ace yiu mala Mǝtalabangŋo.

Luka 21:15

Acemǝnana mǝ nǝ pa wun acau andǝ sǝlǝe mǝnana kǝɓwa pà kàm ata amǝɓinǝ múr wun mǝnana nǝ̀ gandǝ cam a kun wun, ko nǝ̀ makgir cau ma'wun ngga ɗang.

Yohana 7:46

Amǝyalban banggia wia ama, “Kǝɓwa pà kàm mǝnana kǝ nacau kǝla mala mǝnia yì ɓwa ka ɗang.”

Amǝ Mishan 5:39

sǝ ɓǝ̀ pè mala Ɓakuli na yinǝ gir man ngga, wu pa wu nǝ̀ gandǝia ɗang, ɓǝa na raka, wu nǝ̀ ngga kum ɓamur rǝ wun aban munǝo arǝ Ɓakuli! Pǝlǝa kpapi kat kpata kwarkiru mala Gamaliyel,

Amǝ Mishan 6:11

Pǝlǝa à soakita aɓea aɓwana aɓa sǝmbǝrǝa ama ɓǝa na ama, “Sǝm oe aban kyauwiki Musa, sǝ kǝ na cau mǝɓane amur Ɓakuli.”

Amǝ Mishan 6:9

Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Mishan 7:51

Wun amǝ murcandǝa, andǝ amǝ ɗwanyi surǝ Ɓakuli aɓa ɗenyicau ma'wun! Kir wun dǝmbǝri aban ok cau mala Ɓakuli fat! Wu nda kǝla aká wun gbal, wu camarǝ mgbiki Bangŋo Mǝfele kiru!

1 Amǝ Korinti 2:4

Sǝ kanigir mem andǝ nacau mala Ɓakuli mem ngga, pà aɓa kunɓoarna andǝ nacau sǝlǝe mala ɓwapǝndǝa ɗang. Nda aɓa lǝmndǝ rǝcandǝa andǝ Bangŋo mala Ɓakuli,