Amǝ Mishan 5:42 - Maləmce Məfele mala Ɓakuli: Kurcau Məbəshe

⁴² Nda do ama ko aya pwari ka, ko a Ndàmǝgule mala Ɓakuli, ko arǝ aɓala, amǝ'mishan ngga, à lidǝmbǝa nǝ kanigir andǝ hama nǝ Cau Amsǝban ama, Yesu nda Kǝrǝsti, Mǝ'amsǝban.

Amǝ Mishan 5:42 ပူးပေါင်းရင်းမြစ်များ

Luka 21:37

Ko aya pwari ka Yesu na aban kanigir aɓa Ndàmǝgule mala Ɓakuli, sǝ nǝ pwarikpana ka nǝ̀ o a múr mǝ'nkono mǝnana à tunǝki ama Nkono Olif ka nǝ̀ ngga nong nggam.

Luka 22:53

Ko aya pwari ka mǝ nda ata wun aɓa Ndàmǝgule mala Ɓakuli, sǝ wu loasǝ kun wun a rǝam ɗang. Sǝ bu-pwari man she ka ma'wun na, andǝ mala rǝcandǝa mala pǝndǝa.”

Amǝ Mishan 11:20

Sǝa ma aɓea amǝkwaɗi mana à pur nǝ luran Sayipǝrus andǝ nggeala Sayirin ka, à kutio à wario a Antiyok, à kya tita hamnǝ Cau Amsǝban mala Mǝtalabangŋo Yesu aban aɓwana mala aɓea anzali.

Amǝ Mishan 13:32

Sǝ ado ka, sǝm ndya sǝm yina wun nǝ mǝnia yì Cau Amsǝban ngga. Mǝnia ka nda gir mana Ɓakuli bangŋa ama nǝ̀ pakki aká sǝm ngga.

Amǝ Mishan 17:18

Aɓea amǝ sǝlǝe mala amǝ Epikiuriya andǝ amǝ Stoyik kutia makgir arǝ Bulǝs, acemǝnana Bulǝs nea wia Cau Amsǝban amur Yesu andǝ loapi ɓembe ka. Aɓea aɓwana aɓalǝia à ɗiban ama, “Mana gir ni na mǝ'loasǝban mǝnia kǝ earce ama nǝ̀ na le?” Sǝ aɓea aɓwana atea na ama, “Yì ka, sǝm nggǝ sǝni kǝla nda aban hamnǝ cau amur ankúl mala aɓea nzali.”

Amǝ Mishan 17:3

kǝ mǝnggi ɓalǝ acau, kǝ lǝmndǝia wia ama, Kǝrǝsti Mǝ'amsǝban ngga dumǝna púp nǝ̀ nu tanni sǝ nǝ̀ loapi ɓembe nǝ yilǝmu. Ɓǝsǝlǝi banggia wia ama, “Yì Yesu mana ǝn nggǝ hamnǝ ce ka, nda kǝ Kǝrǝsti Mǝ'amsǝban.”

Amǝ Mishan 2:46

Koya pwari ka, à kǝ yiu a kpapi a tarǝia, aban peri aɓa Ndàmǝgule mala Ɓakuli. À kǝ kpapiki arǝ aɓala malea aban li girlina. À kǝ li girlina a tarǝia nǝ banɓoarnado, nǝ ɓabumia mwashat.

Amǝ Mishan 20:20

Wun ngga wu sǝlǝna ama aɓa hamnǝ cau mala Ɓakuli bwāng, mǝnana ǝn pe aɓalǝ aɓwana, andǝ kanigir arǝ aɓala ma'wun ngga, ǝn nying kǝgir mǝnana ɓoaro ɓǝ̀ ǝn bangga wun, mǝnana nǝ̀ bwala wun nggam ngga ɗang.

Amǝ Mishan 4:20

Acemǝnana pa sǝm nǝ̀ tamsǝ nacau amur gir mǝnana sǝm sǝni, sǝ sǝm ok ka ɗang.”

Amǝ Mishan 4:29

Sǝ adyan ngga, Mǝtalabangŋo, ok cau ɓunggi ɓabum malea, pa sǝm sǝnǝa guro mo, rǝcandǝa mala bang cau mo nǝ ɓabumcandǝa.

Amǝ Mishan 8:35

Filip tite nǝ́ kǝ mǝnia yì ban aɓa Malǝmce ka, pǝlǝa banggi wi Cau Amsǝban mala Yesu.

Amǝ Mishan 8:5

Filip ka wario a ɓe nggeala aɓa nzali Samariya, kya camarǝ hamnǝ cau mala Kǝrǝsti, Mǝ'amsǝban aban aɓwana.

Amǝ Mishan 9:20

Anggo kara tita hamnǝ cau amur Yesu arǝ andakpapi ama, “Ɓafo, Yesu ka muna mala Ɓakuli na!”

1 Amǝ Korinti 2:2

Acemǝnana ǝn twal a bumam nǝma ǝn earce surǝ ɓe kǝgir aɓalǝ wun ɗang, she kǝ Yesu Kǝrǝsti, kǝ yì mǝnana à gballì amur nggun-gangndi ka.

Amǝ Galati 1:16

ɓǝ̀ lǝmndǝam Muni ace mǝnana ɓǝ̀ ǝn hamnǝ Cau Amsǝban male aban aɓwana arǝ aɓea nzali. Sǝ mim ngga ǝn alta kwarkiru mala kǝɓwa ɗang

Amǝ Galati 6:14

Ma-mem ngga, pa mǝ nǝ nggori nǝ kǝgir ɗang, she kǝ nggun-gangndi mala Mǝtala sǝm Yesu Kǝrǝsti. Ace mǝno yì nggun-gangndi ka, kpata ɓanza man, mǝnana a ɓalǝam ngga, à gballìni wuna, sǝ nggearǝ mim gbal aban ɓanza ka à gballìnam ǝn wuna.

2 Timoti 4:2

We ka, hamnǝ cau mala Ɓakuli. Do aɓa gilǝrǝu ace mǝnia yì turo ka, ko njar na kam ko pà kàm ɗang. Lǝmndǝi aɓwana ɓwarkio malea, nunkiria, sǝ wu ɓak ɓabumia nǝ munyi mǝgule andǝ kwarkiru ɓukɓuk.