Amǝ Mishan 5:3 - Maləmce Məfele mala Ɓakuli: Kurcau Məbəshe

³ Pǝlǝa Bitǝrus banggi wi ama, “Hananiya, palang sǝ a eare Shetan lumsǝ ɓabumo, gandǝa a ne Bangŋo Mǝfele nyir, sǝ a tsǝk cili boalo mǝnana a kumo aɓa mak nzali ka a pangŋǝna mo nǝi?”

Amǝ Mishan 5:3 ပူးပေါင်းရင်းမြစ်များ

Matiu 13:19

Ɓǝ̀ ɓwa ok cau mǝɓoarne amur Domurǝm mala kuli, sǝ ce kpaki wi raka, nda kǝla mǝsǝɓeale mana kpa a tanjargula ka. Mǝɓealɓikea kǝ yiu kǝ fwa gir mana à ɓeali a ɓabumi ka.

Luka 22:3

Pǝlǝa Shetan kutio arǝ Yahuda mǝnana à tunǝki ama Iskariyoti ka. Yì ka, nda aɓalǝ alaggana mala Yesu mana lum-nong-ɓari ka.

Yohana 13:2

Yesu andǝ alaggana male ka à nda ban lí nǝ pwarikpǝra. Shetan angŋa dǝmbǝa tsǝngŋǝna ɗenyicau mala mak Yesu a ɓabum Yahuda Iskariyoti muna mala Shiman.

Yohana 13:27

Lang Yahuda ak nɗǝmo she ka, kara Shetan kutia rǝì. Sǝ Yesu ne wi ama, “Lo tsuk-tsuk, kya pak gir mǝnana a nǝ pak ka.”

Amǝ Mishan 5:2

Sǝ nǝ eare mala mami, sǝ san boalo mǝnana à mangŋa nzali nǝi ka, sǝ warinǝ cili aban amǝ'mishan, kya pea wia.

Amǝ Mishan 5:4

Nzali nî ka, mona sǝ a me re? Sǝ anzǝm mǝnana a mangŋǝni ka, boale kat ka mona a nǝ pangŋǝna gir mana kat a earkiyice ka nǝi. Palang sǝ a pak ɗenyicau mala pak mǝnia yì gir ka? Sǝ sǝm nda mǝnana a bangga sǝm nyir ka ɗang. Ɓakuli na mǝnana a ne wi nyir ka.

Amǝ Mishan 5:9

Pǝlǝa Bitǝrus banggi wi ama, “Palang sǝ wun kǝm wu eare, wu pak ɗenyicau mala karǝki Bangŋo mala Ɓakuli? Sǝni, kusǝ alaggana mǝnana à tsǝk burrio a tūli ka, à nda à cam a kunɓala ka, à nǝ̀ yia twalo gbal!”

Jemis 4:7

Ace mani ka wu nyesǝ mur wun aban Ɓakuli! Wu ɓinǝi Shetan, sǝ yì ka, nǝ̀ ɓanggi ban wun.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.