Amǝ Mishan 5:26 - Maləmce Məfele mala Ɓakuli: Kurcau Məbəshe

²⁶ Pǝlǝa ɓwamǝgule mala amǝyal Ndàmǝgule mala Ɓakuli puro wario andǝ amǝte, à kya yiu nǝ amǝ'mishan. À pakkia wia ɓe kǝgir nǝ rǝcandǝa ɗang, acemǝnana ɓangciu kǝ pakkia wia ama, aɓwana nǝ̀ ɓukkia nǝ atali.

Amǝ Mishan 5:26 ပူးပေါင်းရင်းမြစ်များ

Matiu 14:5

Eare male yì Hirǝdus ka nǝ̀ wal lú Yohana, sǝ ɓangciu pakki wi ama aɓwana nǝ̀ loasǝ munǝo, acemǝnana koyan ngga twal Yohana mǝɓangna mala Ɓakuli na.

Matiu 21:26

Sǝ ɓǝ̀ sǝm bang gbal ama, ‘Pur nǝ ban ɓwapǝndǝa’ ka ɓangciu kǝ pakka sǝm arǝ aɓwana, acemǝnana ɓwapǝndǝa kat sǝlǝna ama Yohana ka mǝɓangna mala Ɓakuli na.”

Matiu 26:5

Pǝlǝa à nea rǝia ama, “Ɓǝ̀ sǝm ká pak gir man a pwari Lamsan Yalimuru ɗang, ɓǝ̀ sǝm pa anggo ka aɓwana nǝ̀ loasǝ munǝo a la.”

Matiu 26:58

Bitǝrus ka kpata Yesu a nzǝmo kuko aban ká a ɓala mala Pǝris Mǝgule. Yi kutio sǝ do ata amǝyalban nǝ̀ sǝn gir mana à nǝ̀ pakki Yesu ka.

Luka 20:19

Amalǝm Nggurcau mala Musa andǝ agbani Pǝris alta njargula mǝnana à nǝ̀ bwali nǝi tsuk-tsuk ka, acemǝnana à sǝlǝna ama mǝnia yì kanicau ka nda a rǝia. Sǝa ma ɓangciu kǝ pakkia wia arǝ aɓwana.

Luka 20:6

Sǝ ɓǝ̀ sǝm na ama, ‘Pur nǝ ban ɓwapǝndǝa ka, aɓwana mǝnia kat ka à nǝ̀ ɓukki sǝm, acemǝnana yia ka à earǝna ama Yohana ka mǝɓangna mala Ɓakuli na.’ ”

Luka 22:2

Agbani pǝris andǝ amalǝm Nggurcau mala Musa came arǝ alta njargula mǝnana à nǝ̀ walna Yesu nǝi aɓa sǝmbǝrǝa ka, acemǝnana ɓangciu kǝ pakkia wia arǝ aɓwana malea.

Luka 22:4

Yahuda wario aban agbani pǝris andǝ aɓwana-mǝgule mala amǝ yal Ndàmǝgule mala Ɓakuli, à na cau andǝia, amur njar mǝnana nǝ̀ pana Yesu nǝi a buia ka.

Amǝ Mishan 4:21

Pǝlǝa aɓwana-mǝgule nyare nunkiria nǝ rǝcandǝa, sǝ à nyia à o. Acemǝnana à sǝni ka, nǝ̀ kwano sǝ à nǝ̀ pea wia tanni, acemǝnana ɓwapǝndǝa na rǝ ɓwangsǝki Ɓakuli, nǝ gir'ndali mǝnana à pe ka.

Amǝ Mishan 5:13

Acili aɓwana ka, ɓangciu pakkia wia, à gandǝ kutio aɓalǝ amǝkpata Yesu ɗang, sǝ aɓwana kat ka à twal amǝkpata Yesu nǝ gulo kǝrkǝr.

Amǝ Mishan 5:22

Lang aɓwana mana à turia ka à yiu a ndàkurban ngga, à yì kum amǝ'mishan a ndàkurban ɗang. Pǝlǝa à nyare aban kpapi a kya bangce, ama,

Amǝ Mishan 5:24

Lang agbani pǝris andǝ ɓwamǝgule mala amǝyal Ndàmǝgule mala Ɓakuli o anggo ka, gir nî pea wia ndali, nǝ gir mana kum amǝ'mishan ngga, andǝ gir mana nǝ̀ kpate ka.

Amǝ Mishan 5:25

Pǝlǝa ɓeɓwa yiu abania sǝ yi banggia wia ama, “Wu kwaki kir wun! Aɓwana mana wu oasǝia a ndàkurban ngga, à nda a Ndàmǝgule mala Ɓakuli aban kani aɓwana gir!”