Amǝ Mishan 5:25 - Maləmce Məfele mala Ɓakuli: Kurcau Məbəshe

²⁵ Pǝlǝa ɓeɓwa yiu abania sǝ yi banggia wia ama, “Wu kwaki kir wun! Aɓwana mana wu oasǝia a ndàkurban ngga, à nda a Ndàmǝgule mala Ɓakuli aban kani aɓwana gir!”

Amǝ Mishan 5:25 ပူးပေါင်းရင်းမြစ်များ

Matiu 10:18

À nǝ̀ ká nǝ wun a ɓadǝmbǝ amurǝma andǝ amǝtala nzali ace cau mem, ace mǝnana ɓǝ̀ wu bang Cau Amsǝban mem abania sǝ aban aɓwana mǝnana amǝ Yahudi na raka.

Yohana 11:46

Sǝ aɓea atea ka à o aban amǝ Farisi à kya banggia wia gir mǝnana Yesu pe ka.

Amǝ Mishan 3:1

Aɓe pwari mwashat, Bitǝrus andǝ Yohana ka à ndaban eauwe aban ká a Ndàmǝgule mala Ɓakuli, a bu-pwari tārú mala pwari, a pak hiwi.

Amǝ Mishan 5:24

Lang agbani pǝris andǝ ɓwamǝgule mala amǝyal Ndàmǝgule mala Ɓakuli o anggo ka, gir nî pea wia ndali, nǝ gir mana kum amǝ'mishan ngga, andǝ gir mana nǝ̀ kpate ka.

Amǝ Mishan 5:26

Pǝlǝa ɓwamǝgule mala amǝyal Ndàmǝgule mala Ɓakuli puro wario andǝ amǝte, à kya yiu nǝ amǝ'mishan. À pakkia wia ɓe kǝgir nǝ rǝcandǝa ɗang, acemǝnana ɓangciu kǝ pakkia wia ama, aɓwana nǝ̀ ɓukkia nǝ atali.