Amǝ Mishan 5:16 - Maləmce Məfele mala Ɓakuli: Kurcau Məbəshe

¹⁶ Aɓwabunda purki arǝ amuna la pas mala Urǝshalima, à yiu nǝ amǝkwano andǝ aɓwana mǝnana akukwar na a rǝia ka. Sǝ yia kat ka à kum twalban mala akwano malea.

Amǝ Mishan 5:16 ပူးပေါင်းရင်းမြစ်များ

Matiu 2:16

Lang Hirǝdus yi sǝlǝ ama amǝno yì amǝ'sǝlǝgir ɓosǝkini ka, bumi lul kǝrkǝr. Pǝlǝa tasǝ asoje a Betalami andǝ ala mana a nkanggari ka à wal amuna-burana mǝkeke kat mǝnana pǝlǝa malea ɓari andǝ a mǝnana à bwal raka, kārǝí arǝ pwari mǝnana ongŋǝna ce nǝi a kun amǝ'sǝlǝgir ka.

Matiu 4:24

Cau male gya akiban aɓa bu-nzali Suriya kat. À yinǝi wi nǝ amǝkwano ɗàngɗáng: a mǝnana à nda ɓa rǝkwana kǝrkǝr, andǝ a mǝnana akukwar kutia rǝia, andǝ a mǝnana à ndanǝ kwano wukiaban, andǝ a mǝnana ɓe kǝ barea wu ka, yi twalia wia ban akwano malea kat.

Matiu 8:16

Nǝ pwarikpǝra mǝno ka à yinǝ aɓwana pas abani, amǝnana nǝ akukwar a rǝia ka. Pusǝ akukwar mǝno nǝ cau. Sǝ amǝkwano ka twalia wia ban arǝkwana malea kat.

Luka 5:17

Ɓe pwari mwashat Yesu ka nda ban kanigir, amǝ Farisi andǝ amalǝm Nggurcau mala Musa mǝnana à purkio arǝ amuna-là ɗàngɗáng aɓalǝ abu-nzali Galili andǝ Yahudi, andǝ Urǝshalima ka, à ndakam aban do. Sǝ Bangŋo mala Ɓakuli ka nda te ace sonzǝ amǝ rǝkwana.

Luka 6:18

À yiu ace ok cau male andǝ kum sonzǝban mala arǝkwana malea. Amǝnana gbal akukwar kǝ pea wia tanni ka, akukwar puri rǝia kat.

Luka 9:11

Ɓwabunda ok ce, kara à pwan rǝia à o ate. Yesu gingsǝia, sǝ nea wia cau amur Domurǝm mala Ɓakuli, sǝ aɓwana mǝnana à yiu sǝ à nda aɓa rǝkwana ka, twalia wia ban arǝkwana malea.

Yohana 14:12

Mǝ nda ban bangga wun mǝsǝcau, ɓwa mǝnana pà ɓamuri abanam ngga, nǝ̀ pak agir-ndali kǝla amǝnana ǝn pea ka. Yale nǝ̀ pakki agir mǝgulke mǝnana à kuti amǝnana ǝn pea ka, acemǝnana mǝ ndo mǝ nǝ o aban Tárram.

Amǝ Mishan 4:30

Lǝmndǝ buo nǝ rǝcandǝa mala twalban rǝkwana, pakki agir-ndǝlǝki andǝ agir-gyambǝliban nǝ lullǝ guro mo Mǝfele yì Yesu.

Amǝ Mishan 5:15

Nda gir mǝnana tsǝa, sǝ aɓwana pusǝ amǝkwano à nongsǝia a girǝi anjar aɓalǝ aleso andǝ akala, ace mǝnana ɓǝ̀ Bitǝrus nǝ̀ yia kuti ka, ɓǝ̀ yilǝmi ɓǝ̀ sulǝ amur aɓea aɓwana atea.

Amǝ Mishan 5:17

Pǝlǝa Pǝris mǝgule andǝ aɓwana mǝnana ate, mǝnana à nda bui mala amǝ Saduki ka, à lo nǝ mɓali kǝrkǝr arǝ amǝ'mishan.

1 Amǝ Korinti 12:9

Kǝ Bangŋo mǝ'mwashati mǝnia ka, pe ɓeɓwa guli arǝ Ɓakuli, sǝ ɓeɓwa ka, pe wi ɓoro mala twalban rǝkwana.

Jemis 5:16

Ace mani ka wu banggi arǝ wun acauɓikea ma'wun, sǝ wu pakki arǝ wun hiwi, ace mǝnana ɓǝa twala wun ban arǝkwana ma'wun ngga. Hiwi mala mǝɓealɓoarna mǝnana pe nǝ ɓabumi mwashat ka, ndanǝ rǝcandǝa sǝ kǝ pak turo.