Amǝ Mishan 4:31 - Maləmce Məfele mala Ɓakuli: Kurcau Məbəshe

³¹ Lang à nǝ̀ mal pak hiwi ani ka, kara ban mǝnana à ram nggam ngga dǝurǝkio. Sǝ yia kat ka, à lumsǝ nǝ Bangŋo Mǝfele, sǝ à hamnǝ cau mala Ɓakuli nǝ ɓabumcandǝa.

Amǝ Mishan 4:31 ပူးပေါင်းရင်းမြစ်များ

Matiu 21:22

Gir mǝnana kat wu zǝmbǝa aɓa hiwi nǝ paɓamuru ka, wu nǝ̀ kumi.”

Yohana 14:12

Mǝ nda ban bangga wun mǝsǝcau, ɓwa mǝnana pà ɓamuri abanam ngga, nǝ̀ pak agir-ndali kǝla amǝnana ǝn pea ka. Yale nǝ̀ pakki agir mǝgulke mǝnana à kuti amǝnana ǝn pea ka, acemǝnana mǝ ndo mǝ nǝ o aban Tárram.

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Yohana 15:7

Sǝ ɓǝ̀ wu do a ɓalǝam, sǝ cau mem do aɓalǝ wun ngga, wu zǝmbǝi Ɓakuli gir mǝnana kat wu earkiyice ka, sǝ nǝ̀ pa wun gir nî.

Amǝ Mishan 14:3

Sǝ Bulǝs andǝ Barnabas ka à akrǝia abanì, a sau kam, aban hamnǝ cau ɓwamuru mala Mǝtalabangŋo nǝ rǝcandǝa. Ɓakuli lumsǝ cau malea, nǝ pea wia rǝcandǝa mala pakkia agir-ndǝlǝki andǝ agir-gyambǝliban, lǝmndǝia aɓwana ama, cau male mana à banggia wia ka, mǝsǝcau na.

Amǝ Mishan 2:1

A pwari mala Lamsan mala Pentikos ka, amǝkpata Yesu na a tarǝia aban mǝ mwashati.

Amǝ Mishan 2:2

Zuku ka, kara à ok gǝshi gir pur a kuli kǝla gǝshi gung-mbulo mǝcande aban ɓua. Yi lumsǝ ɓala mǝnana à ndakam aban do ka.

Amǝ Mishan 2:4

Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

Amǝ Mishan 4:13

Sǝ aɓwana-mǝgule man kat ka, à pak ndalǝki nǝ mǝsǝkang-kangŋa mala Bitǝrus andǝ Yohana, acemǝnana à sǝnia ka aɓwana na anggo, à kum ɓe kǝ kanigir aɓa Malǝmce ɗang. Pǝlǝa gir nî yi kpakia wia ama Bitǝrus andǝ Yohana ka ado a tarǝia andǝ Yesu.

Amǝ Mishan 4:29

Sǝ adyan ngga, Mǝtalabangŋo, ok cau ɓunggi ɓabum malea, pa sǝm sǝnǝa guro mo, rǝcandǝa mala bang cau mo nǝ ɓabumcandǝa.

Amǝ Filipi 1:14

Sǝ ace kuro mǝnana à kùrram a ndàkurban ngga, bangula amǝ'eamrǝarǝu mǝnana akani ka, à kum ɓabumcandǝa sǝ à bang cau mala Ɓakuli nǝ rǝcandǝa, ɓangciu pà kàm ɗang.

Amǝ Filipi 1:20

Ən nggǝ sǝn dǝmbǝa nǝ tsǝkɓalǝu ama pà mǝ nǝ nu kǝsǝkya ɗang ko bǝti. A kuni ka mǝ nǝ kum mǝsǝkang-kangŋa pepe, acemǝnana ado, kǝla mǝnana a koya pwari ka, Kǝrǝsti nǝ̀ kum gulo a ɓalǝam, ko nǝ yilǝmu ko aɓa lú.

Jemis 1:5

Ɓǝ̀ kǝɓwa aɓalǝ wun ɗwanyi sǝlǝe ace pak mǝɓoarne ka, ɓǝ̀ zǝmbǝa aban Ɓakuli mǝnana kǝ pa nǝ ɓabumi kat nggwani pà kàm raka. Sǝ à nǝ̀ pe wi.